Shatara Academy

مسدس فقاقيع الصابون
اللعبه دي مفيده جدا في تقويه عضلات اليد الدقيقه
ايه فايده تقويه عضلات اليد الدقيقه؟
بتساعد الطفل في جانب مساعده الذات بمعني انه يعرف يقفل ويفتح غطي ازازته يعرف يقفل ويفتح زراير قميصه يقدر يربط رباط جزمته
وبتساعده فيما بعد في مرحله الكتابه انه يقدر يتحكم في مسكه القلم وبتحدد شكل خطه وحجمه.
كل ده نقدر نوصله بمجموعه من تمارين تقويه عضلات اليد الدقيقه
والتمرين ده منهم وجماله ان الطفل بيحب جدا اللعبه دي فحيستفاد من غير ما يحس انه بيتعلم
غير ان ليها هدف تاني غير مباشر
بتنمي القدره علي التتبع والملاحظه من خلال متابعه فقاقيع الصابون واتجاه سيرها
مناسبه من سن سنه ونصف

باي باي 👋

الولياء الامور
الرزق اللي ديما دعمنا
ربنا يحفظلكم اولادكم يارب وتشوفوهم في افضل صحه وحال

تأسيس القراءه والكتابه
*******************
حقولكم في البوست ده الي مفروض ابنك يعرفه بالنسبه لسنه علشان تحددوا اللي ناقصه او اذا كان ماشي في المسار الصحيح ولا لأ

سن من ٣ الي ٤
بالنسبه للقراءه مفروض نبتدي نعرفه الحروف العربيه
من الالف الي الياء شفوياا اسم الحرف وصوته بالفتح
يعني يبقي عارف ان ده حرف الالف صوته بالفتح أَ
وحكذا الي نهايه الحروف شكل الحرف واسمه وصوته بالفتح

في الكتابه نبتدي معاه قبل كتابه الحروف بالخطوط الخط المستقيم والمنحني والزجزاج لازم يعرف يمشي عليهم بالنقط الاول بعدين نشيل النقط ويرسم جوا اطار نفس الشكل بعدين ينسخه لوحده من غير مساعده
لو وصل للمرحله دي

يبقي ممكن نحطله الحرف علي شكل نقط ويمشي عليه..
في اطفال كويسه جدا في النسخ يبقي نشيل النقط ويكتب لوحده
يبقي احنا اهنا بنعتمد علي مستوي الطفل لو لقيناه متقدم منرجعهوش لورا خليه ينط خطوات عادي معاكي
لكن مفروض في الفتره دي اقل حاجه يبقي قادر يمشي علي النقط لقيناه مش قادر
نرجع خطوه لورا ونشتغل علي الخطوط فتره لحد ما يتقنها ونرجع تاني للحروف بطريفه النقط
في حاجه مطلوبه من السنه ده في ماده العربي تاني؟
لا حلو جدا ان يوصل لاربع سنين وعارف الحروف وبيعرف ينسخهم
طيب لو مش عارفهم هل هو كده متاخر؟
لا متخافيش مش متاخر
لحد سن خمس سنوات مطلوب منه يحصل كل اللي قلته ده بس حنمشي بشكل اسرع شويه وهو حيتقبل ده لان سنه حيبقي كبر وبيستوعب احسن
بس حيبقي بيجري في كذا ماده بنفس السرعه في الانجلش والماث والحساب والعربي سوا فساعتها بيبقي ضغط عليه
عشان كده بنبتدي نأسس من اول سن تلت سنوات ونمشي براحه علي راحتنا

طيب من سن ٤الي ٥

باللنسبه للقراءه الحروف كلها اسما ويعرف حركه الفتح واسم الحرف بالفتح لقينا الطفل في المرحله دي مستواه كويس وعارف الكلام ده من المرحله اللي قبلها يبقي نزود حركات تانيه الضم والكسر مش قادر او مستواه لسه ضعيف يبقي نمشي علي نفس المستوي الاول الحروف بالفتح
طيب هل لو طفلي وصل لخمس سنرات ومش عارف الحروف كده متاخر؟
اه متاخر ولازم تشتغلي معاه
هل ابني في السن ده يقدر يقرا كلمه؟
ايوه لو عرف الحروف بالفتح وعرف اشكال الحروف في بدايه وسسط ونهايه الكلمه يقدر يقرا كلمه من تلت حروف بالفتح مثل كَتَبَ فَتَحَ بعد ما بنعلمه حاجه اسمها دمج الاصوات حقولهالكوا في بوست تاني
طيب بالنسبه للكتابه.
لازم يبقي عرف الخطوط
وعارف يمسك القلم بطريقه سليمه
وعانده قدره علي النسخ
سن خمس سنوات يكتب الحرف لوحده من غير نقط
قبل كده لو محتاج مساعده نساعده

طيب لو وصل خمس سنين ولسه معرفش كل ده؟
وبقي سن كيجي وان.
اخاف.؟
لا عادي القيامه مقامتش
حيبقي عليكي شويه لوود انك تسرعي معاه
ولو طفلك مش بيتقبل بسرعه وبينسي كتير ساعتها بتبقي المشكله بتبقي دخلتي ورتم المدرسه سريع وكل يوم حرف جديد
مع كميه المواد ساعتها بتظهر المشاكل الاكاديميه والتاخر.
لكن لو ابنك استيعابه كويس حيمشي معاكي ومافيش مشاكل خالص

البوست ده للقراءه والكتابه فقط في ماده العربي وليس كل المهارات اللي مفروض يعرفها في السن ده

إعلان هام
*************
اولياء امور مركز شطاره
سوف يتم غلق المكان نهائيا
والانتقال لمقر اخر
وذلك نظرا للظروف الحاليه المستمره لوباء كرونا
والتي سوف تستمر لفتره غير معلومه بناء علي أرقام اعداد الإصابات اليوميه المصرحه بيها وزاره الصحه
وخوفا منا علي ارواح وصحه اطفالنا
لن ناخذ قرار الفتح حتي وان صرحت الوزاره بعوده الحياه الطبيعيه وفتح الحضانات
الا حين انحسار المرض


سوف يتم بدايه من شهر سبتمبر بدء الحصص االفرديه لتأسيس الطفل
في كل المواد باذن الله
واي ام حابه تشتغل مع ابنها او بنتها في البيت تتواصل معايا وهديها برنامج للشغل باذن الله للتأسيس

هتوحشونا جدا يا اطفال شطاره💔

ونسأل الله ان يبعد هذا الوباء عن جسد ابنائنا وازواجنا وامهاتنا وابائنا واخواتنا واصدقائنا وكل من نحب يارب العالمين

📚📚 قرأت لك 📚📚
.........................................
🎁 تعليم الاطفال الاتيكيت 🎁
.........................................
عشان نعلم الطفل الاتيكيت
لازم يكون احنا بنعمل كدا ومعاه مينفعش يكون فى تناقض فالمعامله
وبالمناسبه الطفل مبيكونش قاصد انه يبقى قليل الذوق فالتعامل هو لسه بيستكشف الدنيا حواليه وبيغلط عشان يتعلم
الغلط بقى لو احنا شفناه بيغلط وموجهناش الصح للطفل ساعه حدوث الغلط

حاجات اوليه فالتعامل لتعلم الاتيكيت 👇🏻
١/ لازم يتعلم يقول كلمه من فضلك او لو سمحت قبل السؤال او الطلب
وطبعا حضرتك لازم تتعاملى كدا معاه
- مثال من فضلك يا احمد هات كوبايه الميه 🥛

٢/ لازم يتعلم يقول كلمه شكرا بعد حصوله على الشىء اللى كان عايزه ✋🏻
٣/ لازم يتعود ميقاطعش حد اثناء الكلام ولو حصل لأمر طارىء لازم يقدم اعتذار ع اللى عاللى حصل
٤/ لازم يتعلم الاستئذان قبل مايعمل اى حاجه وطبعا دا من باب الاحترام قبل الذوق كمان
٥/ طبعا طبعا مش مسموح للطفل انه يعقب على شكل او اى سمات جسديه للاخرين بطريقه سلبيه يعنى مايقولش طانت دى تخينه اووى او طويله اووى ليه كدا
عمو دا شكله وحش ممنوع جدا التصرفات دى الا لو فيه امتداح للاخرين طبعا دا شىء مرحب بيه جدا اكيد
٦/لازم يتعلم ازاى يرد بطريقه مناسبه يعنى لو حد سألو ازيك يا احمد وعامل ايه يرد بأدب ويبادله نفس السؤال عن حاله بردو
٧/ لما الطفل يقضى يوم ف بيت صاحبه لازم يتعلم انه يشكر مامت صاحبه انها سمحت له انه يلعب مع ابنها فالبيت
٨/ لازم يتعود انه يطرق باب الغرف المغلقه وميدخلش الا لما يسمع كلمه اتفضل ادخل ..اكتر مشكله بنعانى منها والله 😒
٩/ عدم الاكل بشراهه وبصوت عالى
١٠/ تغطيه الفم والانف اثناء العطس والسعال 🤧
١١/عدم وضع اصبع اليد فالانف
١٢/عدم وضع اصبع اليد ف الفم
١٣/ تعليم الطفل على تقديم المساعده للاخرين وخصوصا الناس الكبيره فالسن
١٤/عدم المششى بصوت عالى فالشارع
١٥/ يتعلم لما يكون فى باب مفتوح وعايز يقفل الباب وفى حد ادام الباب يستنى لما الشخص يمشى من ادامه مش من الزوق انى اقفل الباب ف وش حد
١٦/ لازم يتعلم ياكل بالشوكه من سن ٣ سنين
١٧/لازم الطفل يتعود انه يبقى نضيف ف نفسه وميبهدلش نفسه اثناء الاكل
١٨/ مياكولش وهو فاتح بوئه اطلاقا وميتكلمش والاكل ف بوئه بردو
١٩/ يتعود على وضع فوطه على رجله اثناء الاكل ولما بوئه يتسخ يمسح بالفوطه فورا
٢٠/ عدم مد يد الطفل للوصول الى الاطباق البعيده ويطلب من الجالس امامه ان يقوم باعطائه مع رفق كلمه شكرا بعد استجابه الطلب
٢١/ لازم يقول كلمه اسف عند العطس فجأه امام اشخاص
٢٢/ لازم يتعلم يمسك المعلقه صح ويمسك الكوبايه اثناء الشرب صح
٢٣/ تعود الطفل على الكلام بأدب وعدم ارتفاع الصوت
٢٤/ يتعود على انه يبقى منظم وشيك ف كل المواقف الحياتيه

••دى كانت اهم النقاط الاساسيه لتعليم الاتيكيت للطفل
من فضلكو ياجماعه نربى اطفالنا ع الاتيكيت من صغرهم عشان فعلا احنا اللى بنتعب منهم لما بيكبروا
ربوا اطفالكم ع انهم يبقوا ولاد ناس وشيك
مش باللبس اطلاقًا والله ✋🏻
(ربنا يبارك ف اولادكم ويحفظهم )
😍
.........................................
.........................................
......................................

كيفيه عمل البحث بالتفصيل المطلوب من الطلاب لانهاء الترم

اللى عاوزه تقى ابنها من امراض النفسيه اتبعى الخطوات دى وشوفى النتيجه

برنامج بنآء العلاقة مع الأبنآء :
بالساعه

١- ٢٠ دقيقة يومياً حوار مع الابناء بإعتبارهم اصدقاء ( بدون نصح ولا حديث عن المدرسة ولا توجيه ) .

٢- التعبير عن مشاعر الود والحب من الاباء للابناء من ٥-١٠ مرات يومياً

٣- مدح الابناء يومياً خمس مرات على سلوك ايجابي فعلوه .

٤- مدح الابناء يومياً خمس مرات على الشكل الخارجي ( ابتسامته - شعره- عينيه - اي شيء فيه ) .

٥- مرتان اسبوعيا. مشاركة الابن نشاط خارج البيت حتى لو استغرق خمس دقائق ( مشي - رياضة - تمشيه - لفّه بالسيارة ) .

٦- ثلاث دقائق يومياً لتثبيت القيم قبل النوم :
-كنت سعيداً عندما رأيتك اليوم تفعل كذا
- مساعدتك لاختك الصغيرة جميلا
- وفاءك بالاتفاق جميل

٧- مرتان اسبوعياً عشاء مع العائلة في البيت او خارجه يكون وقته طويل حتى يتم الحديث والتحاور مع العائلة بوقت اكثر .

٨- من (١-٣) دقائق يومياً [ كلي آذان صاغية ] وتتنفذ على النحو التالي:
-الجلوس مع الابن في مكان هاديء
واطلب منه ان يقول كل مايريد بلى قيود ولا نقاش ولا ارد عليه ولا اقاطعه ولاتعقيد وحينما تنتهي ٣ دقائق انتهت الجلسة .

٩- عبّر عن حبك لإبنك من خلال السلوكيات اليومية :
( خمس لمسات يومياً ) :
- اللمس على نهآية رأس الابن
وتعني " الرأفة والرحمة "
- وضع اليد على الرأس " الفخر"
- وضع اليد على الجبين "التهدئة"
- وضع اليد على الوجنتين" الشوق"
- مسكة اليد " تقوية العلاقة والحب"
- اذا كان غضبان او وجود مشاعر سلبية "امسح بيدك ع صدرة "

اربع قبلات يومياً :
-في الجبين " الاستقبال "
-في الرأس" فخر واعتزاز"
-في الخد " الشوق"
- في اليد "الاستقبال والشوق"

واربع ضمات احتضان متفرقه خلال اليوم .

كان الرسول ﷺ قدوتنا في بناء العلاقة وكان نموذجاً رائعاً للتربية ؛
كان يقبّل فاطمة الزهراء كلما رآها وقبل جبينها ويدها واحتضنها في بيته وفي مسجده وامام الصحابة ؛

اخيراً ؛ ابني علاقة مع إبنك حتى يصبح بين يديك محباً مطيعاً وخلوقاً وباراً فبهذا البرنامج تبني شخصيته وتتعرف على ذاته وتقوي محبته وتصبح الاب النموذج الامثل في نظره
وتتلاشى كل المدمرات للعلاقة التي كنت تمارسها من قبل او كانت سبباً في اضطراب شخصيته او عناده او عنفه او مراهقته المزعجة او انحرافه او سبباً للامراض الناتجة من السلوك التي تم شرحها في المدمرات
مما اعجبني.. #مقتبس
دمصطفي ابو اسعد