حضانة براعم

طفلك في أمان..
من أول ما يدخل باب الحضانة ولحد ما يروح😇

لو عايزة تعرفي أكتر عن حضانة براعم..
اكتبلنا كلمة (مهتم) وهنبعت لك تفاصيل أكتر عن الحضانة والمناهج والتقديم🌻

تخيلي لو طفلك في سن السنتين قدر أنه يتكلم ويعبر عن نفسه ويقولك كل اللي محتاجه بطلاقة.. ياترى هيقول إيه؟!

تعالي نشوف😍

( ماما أنا عارف أنك بتحبيني جداً، وعارف أنك فرحانة عشان شايفاني بأكبر ومهاراتي بتتطور كل يوم..
وعارف برضه أنك بتتعبي بسببي خصوصاً لما أبدأ أعيط وأصرخ وأدخل في نوبات غضب، وأطلب منك حاجات وعكسها في نفس الوقت..
بس كل ده طبيعي في سن السنتين يا ماما😊

ودلوقتي، خليني أقولك على شوية حاجات أنا محتاجها منك في السن ده:

1) محتاج أكل وأنام في مواعيد ثابتة "على قد ما تقدري"..
عشان لو أنا جعان أو مش نايم كويس ببدأ أعبر عن نفسي بالغضب والعياط المتواصل😭
..
2) محتاج أنك تكوني هادئة معايا..
لأن لما تزعقي أو تصرخي قدامي أنا هتعود على كده وممكن أطلع عنيف😟
..
3) محتاج أبدأ أتعود على قواعد واضحة..
يعني مش لازم تنفذي له كل اللي أنا عايزه طول الوقت..
حتى لما أعيط وأصرخ تجاهلي ده، وخليكي مصرة على القواعد اللي اتفقنا عليها مع بعض بس بهدوء👩‍👦
..
4) محتاج أحس أني بختار بنفسي..
بس خلي الاختيارات بسيطة ومحددة..
يعني مثلاً قوليلي تحب تشرب عصير جوافة ولا تفاح.. بدل ما تقوليلي تحب تشرب إيه؟🥤
..
5) محتاج أنك تهتمي بتطوير مهاراتي في السن ده..
ولو مش عارفة تعملي إيه بالظبط وإزاي تطوري مهاراتي "اسألي حضانة براعم"🤩
..
وأخر حاجة يا ماما.. محتاج تعرفي أن هدوءك معايا في السن ده وصبرك وحكمتك هيفرق جداً في سلوكي بعد كده😍

لو دخلتي سوبر ماركت، وبدأ طفلك يعيط ويصرخ بصوت عالي عشان عايز شيكولاته زيادة.. وهو عنده سنتين🤦

هتتصرفي إزاي ساعتها يا ماما؟🤔
.

احكيلنا لو أنتي في الموقف ده هتتصرفي إزاي، واحنا هنتناقش معاكي في التعليقات إذا كان التصرف ده مناسب ولا لا؟ وليه؟😊

البيبي الصغير اللي كان بيعتمد عليكي في كل حاجة (في الأكل، الشرب، الحركة، الحمام، النوم… إلخ)
النهاردة كبر، وبقى عنده سنتين😍

السن ده ممكن يكون متعب شوية بالنسبة لك!

ممكن تلاقي طفلك أحياناً بيدخل في نوبات غضب.. بيترمي على الأرض ويعيط بصوت عالي.. بيغضب ويصرخ على أتفه الأسباب..
وممكن تلاقي تصرفاته عكس بعضها، دلوقتي ماسك فيكي ومش عايز يسيبك وبعد ثانية بالظبط بيجري بعيد عنك😲

ماتقلقليش، ده طبيعي في سن السنتين😊

خبراء التربية بيطلقوا على سن السنتين (Terrible Twos) أو (سن سنتين الرهيب) بسبب كل اللي فات ده!
.

يعني.. لو طفلك عمره ما بين 18 شهر : 30 شهر، طبيعي أنك تلاقيه (أحيانا) بيتصرف بالطريقة دي😇

لكن بعد كده طفلك هيكبر ومهاراته اللغوية هتتطور، وهيقدر أنه يعبر عن نفسه واحتياجاته بالكلام بدل العياط والغضب..
وكل ما طفلك بيكبر بيفهمك أكتر، وبيلتزم أكتر بالقواعد اللي متفقين عليها مع بعض👪
.

قولي لنا إيه أهم المشاكل اللي بتواجهك مع طفلك في السن ده؟
واحنا هنقولك إيه أسباب المشاكل دي؟ وإزاي ممكن تتعاملي معاها؟🌻

حكاية كل أم👩‍👦

في الصور دي هنحكي حكاية بتعيشها كل أم..
وهنحكي في الآخر عن حملة ممكن تساعد كل أم😍

حملة !

اتفرجي على الصور، واعرفي حكاية الحملة😊

عيد أضحى سعيد 🐑

كل سنة وأنتم طيبين..
وكل سنة وكل أطفالنا مبسوطين وبخير😍

في براعم.. زي ما بنهتم بتعليم طفلك، بنهتم كمان بتنمية مهاراته وذكائه وإبداعه..
وبنساعدك في بناء شخصية سوية لطفلك😊

التقديم مفتوح دلوقتي للأطفال من أول سن سنتين وحتى سن دخول المدرسة🙋‍♂️

حضانة براعم، ثم مدارس الدلتا الدولية بالمنصورة، ثم إنجاز رياضي في كرة القدم🤩

يوسف محمد اتخرج من حضانة براعم.. ودخل بعد كده مدارس الدلتا الدولية بالمنصورة..
يوسف موهوب في رياضة كرة القدم، وحقق فيها إنجازات مختلفة⚽

فخورين بـ يوسف، وفخورين دايما بكل أطفالنا اللي اتخرجوا من براعم😍
.
في المستقبل، هيتخرج من براعم أطفال كتيير يحققوا إنجازات مختلفة لمدارس الدلتا الدولية وغيرها من مدارس المنصورة..

عيد سعيد🎈
كل سنة وأنتم طيبين ..
وكل سنة وكل أطفالنا طيبين وبخير وسعادة 😍