APC Academy

معادنا مع المسابقة التانية وفائز جديد
خمن نتيجة مباراة مصر ونيوزيلاندا 🇪🇬 VS 🇳🇿
واكسب 500 جنيه

اكتب التخمين بتاعك واعمل شير للبوست
مدة المسابقة هتنتهي مع صفارة البداية وبعدها هيتم السحب عشوائي لكل اللي اتوقع صح ويكسب معانا سعيد الحظ
وهيتم الإعلان عن اسمه على الصفحة .. تابعونا

كلنا دلوقتي بنتمنى إن مصر تحقق إنجاز تاريخي في كأس العالم 🇪🇬
بس ده مينفعش ينسينا أبدا إن عندنا مصريين عظماء صنعوا بصمة مصرية حول العالم وحققوا إنجازات تاريخية في مجالات تانية زي الهندسة. 👇🏻

مبروك للفائز معانا بنتيجة السحب في المسابقة الأولى 🏅

تم التواصل مع الفائزة وتحويل الجايزة المالية لحسابها

واستنونا في الماتش الجاي هيكون معانا جايزة تانية إن شاء الله وكل التوفيق لمنتخبنا الوطني 🇪🇬

خمن نتيجة مباراة مصر وبلجيكا 🇪🇬 VS 🇧🇪
واكسب 500 جنيه

كل اللي عليك إنك تكتب التخمين بتاعك في كومنت وتشير البوست على صفحتك

مدة التخمين هتنتهي مع صفارة البداية
وبعد الماتش هيتم السحب عشوائي وسعيد الحظ هيكسب معانا

إزاي تعرف الـ Diaphragm عندك Rigid ولا Semi-Rigid ؟

📐 الكود الأمريكي ASCE 7 بيديك قاعدة شهيرة جدًا:

قارن بين:

إزاحة الديافرام (Δd)
متوسط إزاحة العناصر الرأسية المقاومة للأحمال الجانبية (Δs)

لو:
Δd ≤ 2Δs
✅ يبقى الديافرام Rigid

أما لو:

Δd > 2Δs
✅ يبقى لازم تتعامل معاه كـ Flexible Diaphragm

طب والـ Semi-Rigid فين؟

هنا بقى النقطة اللي ناس كتير بتتلخبط فيها ..
الـ Semi-Rigid مش تصنيف صريح في الكود الأمريكي.

لكن بنستخدمه في الموديل لما نحب نمثل الصلابة الحقيقية للبلاطة بدل افتراض إنها صلبة تمامًا أو مرنة تمامًا.

طيب أنا كمهندس تصميم أعمل إيه؟
ممكن للتبسيط نقول إنك تعتبر الديفرام Rigid مباشرة إذا كانت:

✅ Flat Slab

✅ Solid Slab

✅ Hollow Block Slab مع Topping جيد

✅ أبعاد المبنى عادية (20-40 م تقريباً)

✅ مبنى خرسانة مسلحة متعدد الطوابق

وممكن تبدأ تشك في فرضية Rigid إذا كان:

❌ الطابق طوله 80 أو 100 متر

❌ هناك فتحات ضخمة في البلاطة (Atrium)

❌ المنشأ Steel Building

❌ Metal Deck

❌ مستودعات وهناجر

❌ توزيع الجدران أو الـ Bracing غير متماثل

❌ المبنى طويل جداً ونحيف

وتقريبا في 90% من المباني الخرسانية التقليدية اللي بنصممها في مصر أو السعودية (سكني، إداري، تجاري)، يكون Rigid Diaphragm افتراضاً صحيحاً ومقبولاً.

30 قاعدة عشان تحل امتحان الخرسانة بالسنس 🤓
-------------------------
لكل الناس اللي لسه هتمتحن خرسانة
"أنا عارف إن الوقت مش هيكفي .. أنا بس عاوز أشوف السنس بتاعك كمهندس" .. من أشهر الجمل اللي بنسمعها قبل امتحان الخرسانة .. وللأسف ساعات بعده بس بتكون الفرصة ضاعت وبنغني ظلموه
وعشان الفرصة دي متضيعش منك .. وعشان الخرسانة أهم مادة في مدني .. لازم تخلي بالك لأن مينفعش تلبس .. 😂
ركز كويس في المقال ده عشان تحبط المخطط الماسوني لدكاترة الخرسانة 😈

1- لازم تعرف إن أهم حاجة في الخرسانة إنك تكون فاهم مش حافظ ولو الدكتور حس إنك فاهم فده هيفرق في نفسيته وهو بيصححلك
2- كل العناصر اللي بتصممها ليها نفس المبدأ في التصميم غالبا وتقريبا الاختلاف بيكون في طريقة ال analysis عشان تحسب القوي والاجهادات اللي هتصمم عليها
3- كلمة تصميم دي معناها إنك بتعمل 4 حاجات (قطاع خرساني – حديد تسليح – قطاع آمن – قطاع اقتصادي) يعني لو حاولت تفرض حديد من دماغك .. حاول تخليه safe وفي نفس الوقت اقتصادي .. عشان متطلعش منك آوت
4- لازم تكون عارف إن الأقطار المتاحة في السوق هي 8 و 10 للكانات (وممكن 12 في الشير وول وبتتسمي برندات أو تسليح عرضي) أما الأعمدة والكمرات والبلاطات فمعاك 10 و 12 و 16 و 18 و 22 .. يعني إوعي تستعمل 14 أو 20 لأنهم مش موجودين في السوق (بيتعملوا طلبات خاصة فقط) .. أما بقي الأقطار الكبيرة زي 25 غالبا مش هتطلع معاك الا في مسائل التغطيات الكبيرة زي الفريمات وكده
5- الحاجات اللي إنت بتصمم عليها أو بتعمل check عليها وانت شغال هي:
- ال Moment .. غالبا بتستعمل طريقة C1 & J ماعدا لو انت في هندسة شبين مع دكتور مجدي طايل هتستخدم ال "كي يو والميو :D"
- ال Normal .. ودي ليها شوية قوانين كده في كتاب شاكر
- ال Shear .. وده في حال إنه اتطلب منك .. وليه حوالي 3 خطوات برده في كتاب شاكر
- ال Torsion .. وده برده في حال إنه طلبه .. أو في حال انه جابلك مثال مشهور انت عارف ان فيه تورشن زي كمرة مقوسة أو دائرية .. أو كمرة شايلة كابولي من ناحية واحدة مثلا .. وطريقته قريبة جدا من ال Shear
- ال Deflection .. وده نادرا اما بيتطلب .. وموجود برده في كتاب شاكر
- ولو جابلك فلات سلاب يبقي توقع انه عايز يختبرك في ال Check of punch
⬅️ كتاب شاكر ده هو الكتاب الأحمر الكبير اللي انت بتستعمله وانت مش عارف اسمه 😃 والمفروض إنك تدخل بيه الامتحان ولو مدخلتش يبقي هتعمل زي ما هنقولك في النقطة رقم 23 (ويغني عنه أي كتاب design aids بتستخدمه في الكلية)
6- لازم تفهم كويس أوي ان الحديد بس هو اللي بيشيل الشد (لأننا بنهمل مقاومة الخرسانة للشد) عشان كده الحديد بيتحط في اتجاه المومنت (اتجاه الشد)
لحد هنا قشطة ؟
🎯 عشان تبدأ تصميم بقي لازم تفهم شوية حاجات في ال Structure :
7- الشد بيكون ناحية المومنت
8- لما تكون الركيزة من تحت (زي الأسقف والكمرات مثلا) بيكون المومنت الموجب في نص البحر .. والمومنت السالب عند الركيزة .. والعكس صحيح (هتقابلك في اللبشة) (باستثناء حالات خاصة مش عندك في المنهج)
9- بناء عالنقطة رقم 6 و 8 .. حديد التسليح بيتحط ناحية المومنت .. يعني في حالة البلاطات .. في نص البحر الحديد الأساسي هيبقي سفلي .. وعند الركائز هيبقي علوي وبالتالي لو فيه إضافي هيبقي في نفس الأماكن
و ‼️ .. لو عندك بحر صغير بين بحرين كبار اتأكد ان المومنت لحق ينزل موجب فيه لانه ممكن يتعلق كله سالب فوق
10- لما تكون القوي مركزة بيكون شكل الرسم بتاع المومنت خطوط مستقيمة .. ولو الحمل موزع بانتظام بيكون شكل الرسم منحني درجة تانية وهكذا
11- القاعدة الأساسية في رسم ال Shear .... "اطلع مع الطالع .. وانزل مع النازل" 😃

⏱ ركز بقي شوية في النقط اللي جاية دي:
12- حاول متفرضش قيم اجهادات من دماغك وتصمم عليها .. لأنك كده هتضيع درجة الاستركشر كلها
13- بما إنك طلعت المومنت غلط في الخطوة اللي فاتت .. حاول متطلعش بقي حديد التسليح غلط .. لأنك هتعرفه انك مش فاهم .. يعني لازم قيمة التسليح تكون منطقية .. لا هو عالي أوي .. ولا هو قليل أوي .. (مينفعش مثلا سوليد سلاب تعمله تسليحها فاي 16 😃)
ولما تعطل استعمل القانون ده عشان تشوف الحد الأدني للتسليح
(min st= 0.15*b*d) وده بال كجم وال سم
وده طبعا لأنك بتحل عالماشي لكن ده مش لكل حاجة 🫢
14- أي منطقة فيها Shear كبير .. بنكثف فيها الكانات .. وده غالبا عند الركائز من الآخر 😃 يعني مثلا ال Minimum بتاع الكانات في الكمرات 5 فاي 8 للمتر .. يبقي تيجي عند الركيزة وتضاعف مرة ونص .. فيبقوا مثلا 8 فاي 8 /م
15- احفظ دي كويس أووووووووي "تداخل مومنت يعني تباعد حديد .. والعكس صحيح" .. غير كده كل سنة وانت طيب .. Fatal mistake ! 🤡.. زي السلم كده .. ولو جابلك كمرة مكسرة ولا حاجة اعرف انه عاوز يختبرك في دي 😃
16- الحديد الثانوي للكمرات (اللي فوق يعني ... أيووووة اللي بيتعلق فيه الكانة ده) بتكون قيمته 20 % من الحديد الأساسي للكمرة ومتقللوش عن 2 فاي 12 (ولو انه ينفع فاي 10)
17- أقصي عدد أسياخ ممكن ترصه في القطاع بييجي من العلاقة
(n=(b-25)/(@+25))
ال n هي أقصي عدد أسياخ ... و b هي عرض القطاع (الكمرة) و @ هي فاي (قطر السيخ) والأبعاد بالملليمتر
18- أقصي عدد للصفوف ممكن ترصه في الكمرة هو 3 صفوف .. ولو هتستعمل أكتر من صف متنساش تحط Spacer عالرسم (تخانة تفصل بين كل صف والتاني)
19- تسليح العمود بيكون رقم زوجي واوعي تكتب جنبه (/م) وتسليح القواعد والبلاطات ممكن يكون رقم زوجي أو فردي عادي وبيكون /م وتسليح الكمر بيكون رقم زوجي أو فردي ومش بيكون /م
20- القانونين الأساسيين في تصميم الخرسانة هم C1 & J ... يعني من الآخر هات المومنت والأبعاد واشتغل .. ولو معرفتش تجيب الأبعاد افرضها 🥸
21- كل ما قطاع الخرسانة بيزيد .. التسليح بيقل .. والعكس صحيح لكن اوعي تنسي ال Minimum .. (ماعدا الحالات اللي فيها الحديد نسبة مئوية من الخرسانة زي الأعمدة)
22- زتونة ال Minimum اهي 😎
- في الكمرات 12 سم ... 2 فاي 12
- في الكمرات 25 سم ... 4 فاي 12
- في البلاطات السوليد ... 5 فاي 10 /م ... واوعي تنسي لكل متر دي
- في البلاطات الفلات ... علوي 6 فاي 10 /م ... وسفلي 6 فاي 12 /م ... وممكن في السلم تزود سيخ عشان خاطري انا 😂
- في الهولوبلوك ... للأعصاب 2 فاي 12 /ع ... والشبكة اللي فوق 5 فاي 10 /م
طبعا كل القيم اللي فوق دي بالحب 😃 ... يعني دي حاجة تمشي نفسك بيها في الامتحان بس لما تتزنق .. لكن بره الموضوع مختلف وكل عنصر ليه القانون الخاص بيه والتصميم الخاص بيه 😃
23- متحاولش تبرشم .. كل القوانين تقريبا موجودة أصلا في كتاب شاكر ... مش مطلوب غير انك تعرف مكانها بس 😃 (لو بتدخل الامتحان من غير كتاب شاكر يبقي عدي النقطة دي وبرشم القوانين 💃)

🎯 بالنسبة للرسم بقي يا اسطي .. خلي بالك من النقط دي:
24- الرسم أهم من النظري في معظم الكليات
25- لو قفلت معاك ومعرفتش تجيب أي قيمة للتسليح اعمل الرسمة من غير قيم وبينله انك فاهم الحديد بيتحط فين وأهو نص العمي ولا العمي كله 🫠
26- كانات العمود بتكمل جوه الكمرة .. لكن كانات الكمرة بتبدأ بعد وش العمود
27- قفل الكانة لازم يظهر في ال Cross section بتاع الكمرة .. وبيكون ناحية الضغط يا هندسة .. مش الشد
28- الكانات بتكون عمودية على القطاع .. يعني لو عندك كمرة مايلة ارسم الكانات عمودية عالقطاع .. مش رأسية
29- نظافة اللوحة مهمة جدا واوعي تنسي الأبعاد وأسماء المساقط والقطاعات
30- اعمل Share للبوست ده ومتوقفش السنس عندك 🥸

إعداد مهندس Eng Amr Rabie