12/01/2024
اجازة نص السنة خلاص قربت من احسن الأوقات التبدأ فيها تشتغل علي نفسك وتستثمر فيها افضل استثمار في حياتك هو الاستثمار في نفسك يعني لازما نبدأ ونطور من نفسنا هنلحق يعم نطور ده هما اسبوعين بنريحهم هقولك لا هما مش اسبوعين بس اسبوعين راحه تامه بتاخدهم واول اسبوعين من الدراسه بتكون لسه في مود الاجازة يعني شهر هنلحق اه هنلحق طبعا مش محتاج اقولك يا عزيزي ان البرمجة دلوقتي متابعة علي عرش سوق العمل بشكل مباشر او غير مباشر مين دلوقتي فينا مبيحتاجش البرمجة سواء كانت ويب او موبايل او AI او غيره عشان كده ياعزيزي انا برشح ليك لو انت لسه في البدايات تبدأ بلغة برمجة تبدأ فيها زي c++ او c وطبعا هنحاول نوفر الكورسات دي علي القناه المجانية بتاعتنا هنعمل أقصي ما بوسعنا ويارب الوقت يسعفنا ولو انت عارف لغه برمجة هتبدا تخش في الليفل البعده من problem solving ولحد ما ينزل الكورس بتاعنا ممكن تتواصل معانا ونرشحلك كورس كويس طب الكلام ده لمين لأي حد من اي كلية تقدر تخش وتتعلم سواء كنت طالب او خريج وهنبقي معاكوا دايما خطوه بخطوة واستنوا بقيت السلسلة مننا متنساش دي مجرد بداية
