Chem Club - نادي الكيمياء

تعال تعال تعال 👀❤️

شايفك من بعيد يا جونيور علومنجي…
جاتلك علوم، وتايه، وكترت الأقوال حواليك عن الكلية وأقسامها الكتير وصعوبتها؟ 👀

متقلقش يا صديقي… إحنا معاك! 🤝🏻❤️

تيم الكيمي قرر ميسبكش، وقرر يكون معاك من أول خطوة في الكلية، لحد ما تبقى أحسن سينيور . 🔥

أهلًا بيك يا صديقي في كلية العظماء… كلية العلوم! 🧪🔬

خلينا نبدأ واحدة واحدة 👇🏻

🎓 أولًا: نظام الدراسة

كلية العلوم عندنا شغالة بنظام الساعات المعتمدة.

يعني الدراسة 4 سنين = 8 تيرمات.

وفي كل تيرم، مسموح لك تاخد من 12 لـ 18 ساعة، وإنت اللي بتظبط جدولك .

⚠️ لكن خد بالك…

لو مجموعك في التيرم نزل عن 60%، الكلية بتحطك تحت المراقبة 😅.

يعني إيه مراقبة؟

يعني التيرم اللي بعده مش هتقدر تسجل أكتر من 12 ساعة بس، وهو الحد الأدنى.

وربنا يبعدك عن المراقبة يا صديقي 😂❤️

🧪 ثانيًا: التخصص

"هتخصص إمتى؟ وهخش قسم إيه؟"
أكيد دي أول أسئلة جت في دماغك 😂

التخصص بيبدأ من أول سنة، وبتكتب رغباتك، وبعد كده الكلية بتوزعك حسب التنسيق الداخلي.

وبما إن من أشهر مميزات كلية العلوم إن عندها أقسام وتخصصات كتير…
فـ معروفه ي صديقى، اقسام كتير = مجالات كتير = فرص كتير 🔥

🧬 أقسام شعبة علمي علوم:

1️⃣ جيولوجيا البترول
2️⃣ كيمياء وميكروبيولوجي
3️⃣ كيمياء
4️⃣ كيمياء وحيوان
5️⃣ كيمياء وجيولوجيا
6️⃣ كيمياء ونبات
7️⃣ كيمياء وفيزياء
8️⃣ جيوفيزياء
9️⃣ فيزياء
🔟 كيمياء وحشرات
🔹 علم النبات
🔹 علم الحيوان
🔹 جيولوجيا

📌 التنسيق الداخلي بيتم حسابه على أساس:
المجموع الكلي + درجة الكيمياء.

⚛️ أقسام شعبة علمي رياضة:

1️⃣ جيولوجيا البترول
2️⃣ رياضيات بحتة وعلوم حاسب 💻
3️⃣ فيزياء وعلوم حاسب
4️⃣ جيوفيزياء — وده بيقبل طلبة علوم ورياضة
5️⃣ رياضيات
6️⃣ فيزياء
7️⃣ فيزياء وعلوم الليزر
8️⃣ رياضيات بحتة وإحصاء

📌 والتنسيق الداخلي بيتم حسابه على أساس:
المجموع الكلي + درجة الرياضيات.

---

🤫 وخدعوك فقالوا إن كلية العلوم صعبة!

بص يا صديقي خلينا متفقين…

ان مفيش حاجة صعبة عليك، إنت قدها. 💪🏻❤️

آه، الكلية محتاجة مذاكرة والتزام ومتابعة أول بأول، ومحتاجة منك تشد حيلك خصوصًا في أول سنة وتحاول تجيب تقدير كويس جدًا.

بس صدقني…

أول سنة مش معمولة عشان تخوفك، دي معمولة عشان تأسسك.

ذاكر، اسأل، جرب، اغلط ،اتعلم

و متقلقش الكيمى هيبقى معاك على طول ي صديقى💫

كلنا سمعنا قبل كده عن معنى "الأب الروحي"، لكن طلاب كلية العلوم – جامعة المنوفية، وكل شخص كان له شرف التعامل مع الأستاذ الدكتور ياسر كمال، لمسوا هذا المعنى بكل تفاصيله.

حضرتك ما كنتش مجرد أستاذ جامعي، بل كنت أبًا روحيًا وسندًا لكل طالب. كنت دائمًا حريصًا على مصلحتنا، وتمنحنا الدعم والنصيحة بكل حب وإخلاص، وكانت راحتنا ونجاحنا من أولوياتك.

اجتمعت القلوب على محبتك، ومهما حاولنا أن نصف فضلك، فلن توفيك الكلمات حقك أبدًا.

ولأن لكل رحلة محطة، فإننا اليوم لا نودّع شخصًا، بل نوجّه رسالة شكر وامتنان من أعماق قلوبنا. شكرًا على كل مجهود بذلته من أجلنا، وعلى كل كلمة طيبة، وكل نصيحة صادقة، وكل طاقة أمل وثقة زرعتها فينا، فكانت سببًا في طمأنتنا ودفعنا إلى الأمام.

شكرًا من القلب لأبينا الروحي الأستاذ الدكتور ياسر كمال.

وحتى وإن باعدت بيننا الأيام، سيظل أثرك الطيب حاضرًا في قلوبنا، وستبقى ذكراك مصدر فخر وامتنان لكل من تتلمذ على يديك.

لك من أبنائك كل الاحترام والتقدير، وكل الدعوات بأن يجزيك الله خير الجزاء، ويبارك في عمرك وصحتك، كما كنت دائمًا سببًا في الخير والعطاء للكثيرين.


Dryasser Kamal

أعظم أيام السنة.. يوم جبر الخواطر، ومباهاة ربنا بعباده، واستجابة الدعوات اللي بنستناها من السنة للسنة.
يوم عرفة مش مجرد يوم عادي، ده فرصة جديدة بنبدأ فيها من الأول، وبندعي بكل اللي في قلوبنا ويقيننا إن ربنا هيجبر بخاطرنا.
يقول النبي ﷺ: (مَا مِنْ يَوْمٍ أَكْثَرَ مِنْ أَنْ يُعْتِقَ اللهُ فِيهِ عَبْدًا مِنَ النَّارِ، مِنْ يَوْمِ عَرَفَةَ، وَإِنَّهُ لَيَدْنُو ثُمَّ يُبَاهِي بِهِمِ الْمَلَائِكَةَ).
افتكروا دايماً إن خيرُ الدُّعاءِ دُعاءُ يَومِ عَرَفَةَ ❤️🤲

إذا أردنا التحدث عن "أينشتاين العرب"، فلا يمكن أن نغفل ذكر الدكتور علي مصطفى مشرفة، الذي كان واحداً من القلائل الذين فهموا نظريات أينشتاين في بدايتها بل وأضافوا إليها.
الدكتور علي مصطفى مشرفة: عبقري الفيزياء النظرية 🧠🇪🇬
يُعتبر الدكتور مشرفة أول مصري يحصل على درجة دكتوراه العلوم (D.Sc) من إنجلترا، وقد شغل منصب عميد كلية العلوم بجامعة القاهرة وهو في الثلاثينيات من عمره.
✨ إسهاماته العلمية التي أبهرت العالم:
ميكانيكا الكم والذرة: نشر أبحاثاً عالمية حول العلاقة بين المادة والإشعاع، وكان له دور كبير في تطوير نظريات الكم.
النظرية النسبية: كان من المقربين علمياً لألبرت أينشتاين، وساهم في شرح وتبسيط النسبية للعالم العربي، كما كانت له أبحاثه الخاصة التي تناولت المادة والطاقة كوجهين لعملة واحدة.
القنبلة الذرية: كان من أوائل الذين حذروا من استخدام الطاقة النووية في الحروب، داعياً إلى تسخيرها فقط لخدمة البشرية وتوليد الطاقة.

قال عنه أينشتاين بعد وفاته: "لا يمكنني التصديق أن مشرفة قد مات، إنه خسارة كبيرة للعلم، لقد كان عبقرياً بكل ما للكلمة من معنى."
كان مشرفة يؤمن بأن العلم يجب أن يكون متاحاً للجميع، فألف كتباً باللغة العربية لتبسيط الفيزياء، مثل كتابه الشهير "الذرة والقنابل الذرية".

عشان تنجز حاجات كتير في يومك وتحس إن يومك مضعش بدون هدف،
فلازم تنظم وقتك… ⏳✨

ومع دخول فترة الفاينال،
تنظيم الوقت بقى شيء أساسي جدًا،
لأن كل ساعة بنستغلها صح دلوقتي، هتفرق معانا بعدين 📚🤍

ومن أفضل الطرق اللي ممكن تساعدك تركز وتنجز، هي نظام الـ Pomodoro ✨
يعني تذاكر لمدة 30 دقيقة بتركيز كامل، وبعدين تاخد 5 دقايق بريك 🤍
أو لو بتحب فترات أطول، ممكن تذاكر 45 دقيقة، وبعدها 15 دقيقة راحة ⏳
وده بيساعدك تحافظ على تركيزك، ومتستهلكش طاقتك بسرعة، لأن العقل كمان محتاج راحة عشان يقدر يكمل بكفاءة 💪✨
ولازم تعرف إن الإنجاز مش بعدد ساعات المذاكرة، ممكن ساعات طويلة تعدي بدون تركيز، وفي المقابل ساعة واحدة بتركيز حقيقي تعمل فرق كبير جدًا ✨
وأحب أفكركم إن علينا السعي وبس، أما النتيجة فهي مش بتاعتنا، وأيًا كانت فهي الخير 🌱✨

موفقين فيما هو قادم بإذن الله 🤍