Scientific Society for Experimental Research - SSER

Solar Thermal 🤓🌞
اتكلمنا ف البوست اللي فات عن استخدام الطاقة الشمسية وازاي العلماء استغلوها ف توليد طاقة كهربية 💡
المرة دي هنتكلم عن
‏Solar thermal
المره دي هنستخدم الطاقة الناتجة من حرارة الشمس🔥☀️
ودا عن طريق مرايا تسمي parabolic solar collectors .
المرايا دي علي هيئة قطع مكافئ parabolal الاشعه الشمسيه لما بتنزل علي المراية دي بتتجمع عند نقطه تسمي البؤرة .
بعد ما الاشعة تتجمع بتنعكس علي أنبوبة محتوية علي Fluid سواء كان مياه او أي سائل مناسب .
السائل يسخن ♨
يطلع بخار 🌫🌫🌫
البخار يعدي علي توربينات
يدور التوربينات
والحركة تتحول لكهرباء عن طريق المولد
ويبقي كدا حصلنا علي كهرباء من حرارة الشمس بطريقتين😉
لسه في تطبيقات كتير علي استخدام الطاقة تابعونا علي

زي ما فرحتنا مصر امبارح بالتأهل لكأس العالم بعد انتظار طال لمدة 28 سنة! 🇪🇬️
كان نفسنا The Nobel Prize 2017 winners يبقا بينهم علي الاقل مصري او عربي😊

الحائزين علي جائزه نوبل هذا العام هم :
الفيزياء
Kip Thorne
Rainer Weiss
Barry Barish
الكيمياء:
Richard Henderson
Joachim Frank
Jacques Dubochet
الطب وعلم وظائف الاعضاء:
Michael W. Young
Jeffrey C.Hall
الأدب:
Kazuo Ishiguro
السلام:
International Campaign to Abolish Nuclear Weapons (ICAN)
-------------------------------
وقد حازت الحملة الدولية للقضاء علي الأسلحة (ICAN) علي جائزة نوبل للسلام حيث انها نجحت في لفت الانتباه إلى العواقب الإنسانية الكارثية لأستخدام الأسلحة النووية وجهودها الرائدة لتحقيق حظر ووعي من استخدام هذه الأسلحة
; الهدف الرئيسي لهذه الحملة هو عقد تحالف لحظر استخدام الأسلحة النووية فيما يسمي ب "معاهدة حظر الأسلحة النووية" وفى تصويت عقد في الامم المتحدة فى يوليو الماضى وافقت 122 دولة او حوالى ثلثى اعضاء الامم المتحدة على المعاهدة.

نأمل لمصر وباقي الدول المزيد من النجاح والتطوير في مختلف المجالات..🌹

Solar Energy 🌞⚡️
لإن عمر ما هيجي يوم ونصحي نلاقي مفيش شمس 🤔
ازاي نستغل بقي الضوء دا علشان يديني طاقه ⚡️!
والطاقة اللي هيديهالي دي عبارة عن ايه !
العلماء ابتديو يستغلو خواص المواد شبه موصلة زي السيليكون
ويعملو بيها خلايا سموها الخلايا الشمسية او الكهروضوئية.
وكانت فكرتهم إن طاقة الضوء تسقط علي الخلايا اللي مصنوعة من مادة شبه موصلة زي ( سليكون ) والطاقة دي تنتقل للإليكترونات فتتحرر ويولد تيار مستمر DC Current
التيار المستمر يدخل علي جهاز اسمه inverter
وبدوره يحوله ل AC تيار متردد 🔌
وبكدا ابقي أخدت طاقة علي هيئة كهرباء 💡
ومش كدا بس التطبيقات علي الخلايا الشمسية كتير والبحث العلمي ف النقطة دي مستمر وبيطلع بنتايج جديدة كل يوم 👌
لو تعرف استخدام تاني للطاقة الشمسية قولنا عليه😉
تابعونا علي

Energy ⚡️⚡️💥
الطاقة من الثوابت اللي العالم ميقدرش يستغني عنها
لانها تعتبر الاساس للحياة علي الأرض🌍️
كل يوم العالم بيحاول يلاقي حلول تنتجلنا طاقة
من اول الإنسان البدائي اللي كان بينتج الطاقة من الحطب فالكهوف🔥 لحد الطاقة المتجددة دلوقتي 🌦🌦
البحث العلمي فمجال الطاقات المتجددة بيزيد يوم بعد يوم لإن العالم بحاجة كبيرة للطاقة المتجددة
ودا بسبب الآثار المضرة اللي ناتجة من الطاقة التقليدية 🤒
وبرضه بسبب كونها غير متجددة وقابله للنفاذ ☠️
تقديرا لاهميه الموضوع😎
هنتكلم عن كل نوع من أنواع الطاقة وتطبيق للنوع دا من الطاقة
من أول المصادر التقليدية لحد المصادر المتجددة
تابعونا علي

Attention please 🔊
اللي لسه ميعرفوش مين sser احنا جمعية علمية علي مستوي جامعة المنوفية هدفها نشر أهمية البحث العلمي بين الطلبة undergraduate عن طريق تنظيم كورسات بتنظمها الجمعية و work shops بنعملها معاكم😃 لو عايز تكون ضمن الفريق دا وتساعد ف التغيير اللي بنحاول نعمله وتفيد الفريق بخبرتك وتستفاد ف نفس الوقت😉 احنا بدأنا بفتح الإنضمام ل Media team
إملي الابليكيشن واستنانا نكلمك 😇
#آخر معاد للتقديم يوم الجمعة بالليل
https://docs.google.com/forms/d/e/1FAIpQLSeeiFM6B5Nqth5KQwgbtyHfcJnXH3ztOmhK1JdUIDMJlGTF3A/viewform

Dr ishak ibrahim and his lecture about "Biostatistics"

باحث مصري استطاع تحويل الألمونيوم فويل Aluminum foil إلى عامل حفاز في إنتاج الوقود الحيوى 🤔
أحمد عثمان باحث مصري تخرج من قسم الكيمياء كلية العلوم جامعة جنوب الوادى حاليا يعمل كباحث في Queen’s Belfast university في بريطانيا.
أحمد قدر انه يحول الألومنيوم فويل الغير قابلة للإستخدامAluminum foil wasteالتي تتكون Al بنسبة حوالى 96% والباقى طبقة Aluminum Oxide (Al2O3)اللى بتغطى الألومنيوم من الخارج.
لمنتج خواصه كعامل حفز أفضل من Al2O3 المنتج من AlCl3 وبرده أرخص.
وكمان تكلفة انتاجه أقل وبيحمى البيئة من Aluminum foil waste اللى بيعاد تصنيعها و بتحتاج تكلفة عالية عشان تتحضر.
Al2O3بيستخدم في تحضير DMSأو dimethyl etherاللى هو بيستخدم كوقود
حيوى من Methanol او CH3OH وفى Acid-catalyzed reactions
البحث دا اتنشر في جورنالNature scientific reportsوهو يعتبر من اقوى Journals في العالم.

النهارده هنتكلم عن د/شريف الصفتي ودوره ف مجال البحث العلمي
تابعونا علي 😃

إلتهاب وتليف الكبد من الأمراض الشائعة اللي بيعانى منها كتير من الناس في الفترة الاخيرة، والمشكلة دي كانت بتتحل عن طريق عمليات زراعة الكبد ولكن الأطباء لقو إن العمليات دي مش كافيه لحل المشكلة بصورة كلية وده لإن العمليات دي مش متاحه لكل الناس بمعنى إن في ناس كتير بتعانى من أمراض الكبد ولكنها صحيا غير مؤهلة لمثل هذة العمليات، ولكن حاليا نقدر نقول إن المشكلة دي اتحلت تماما وده بعد ما اكتشف باحثون في جامعة MITوجامعةBoston طريقة جديدة اسمها engineered liver tissue اعتمدوا فيها علي قدرة الكبد علي التجدد دون عن غيره من الاعضاء ،وعشان ينفذوا الطريقة دي استخدم الباحثون subunits مكونة من ثلاثه انوع من الخلايا(( hepatocyte,fibroblasts,cords of endothelial cell))وقاموا بترتيبها بشكل معين و وضعها في مادة لزجة (fibrin)
وزرعوا النسيج المتكون في بطن فئران تجارب وبعد فترة ...
ووجد الباحثون إن الخلايا بتكبر لدرجة تستطيع أن تؤدى بيها وظيفه كبد كامل.

Wait Us
🔜

استنوا البوست الإسبوعي لأشهر الدكاترة في مجال البحث العلمي
تابعونا علي هاشتاج 😃

خلايا شمسية جديدة تستطيع أن تمتص تقريبا جميع الأطوال الموجية للطيف الشمسى الساقط على الارض 🤔🤔
علماء من جامعة جورج واشنطون قدروا انهم يصنعو خلايا شمسية جديدة قادرة على امتصاص جميع الأطوال الموجية للضوء الساقط على الارض (250nm-2500nm)
بكفاءة 44.5% تعتبر عاليه نسبيا عن الخلايا الشمسية الموجودة دلوقتى وكفائتها من 20-30%.واللى بيخلى الخلايا دى مميزةعن غيرها فى كفائتها هو قدرتها على امتصاص IR spectra (طيف الاشعة تحت الحمراء) -على الرغم ان ال IRطاقتة قليلة إلا إنه موجود بكميات أكبر مقارنة بالاشعة اللى طولها الموجى قصير وطاقتها كبيرة, اما الخلايا المعروفة حاليا مش بتقدر إنها تمتص الاشعه تحت الحمراء وبالتالى كفاءة تحويل كل الطاقه الشمسية الساقطة على الارض أقل.
الخلايا الجديدة تتكون من طبقات متراصة فوق بعضها. الطبقات العليا بتتكون من طبقات الخلايا التقليدية أو الخلايا المنتشرة حاليا اللى بتمتص الأطوال الموجيه الصغيرة وطاقتها عالية, أما الخلايا اللى تحتها بتتكون من الطبقات اللى بتقدر على امتصاص الأشعه تحت الحمراء اللى طولها الموجى كبير وطاقتها اقل.
الخلايا اللى بتمتص IR بتتكون من مواد مشتقه من GaSb
(Gallium antimoide)
عيب الخلايا الجديده الوحيد انها غاليه فى السعر إلا ان فى امل ان التكلفه تقل مع الوقت.