Mr. Eslam Shokr

لطلاب الثانوية العامة والبكالوريا والأزهر
احجز مكانك من دلوقتي وخليك سابق بخطوة 🚀

📩 الحجز شغال حالياً في المدرسة الثانوي يومياً بعد صلاة العصر حتى اكتمال الحجز ان شاء الله 🤝🔥

بادر قبل اكتمال الحجز يا حليل ✅🫡

#رياضيات
#بكالوريا #أزهر

أول ما كنت فكرت اشتغل تدريس كنت عاوز ابدأ من تالته ثانوي علطول
وده من أكبر الأسباب الي خلتني أبدأ دروس متأخر
لاني كنت عاوز أكون واقف على أرض صلبة وكنت بستغرب جداً الناس الي بتدي تالته من وهي في الكلية
هل المدرس ده بخبرة تعتبر من انه كان شاطر في المادة وهو في ثانوي بس قادر انه يجيب على كل تساؤلات الطلاب المتفوقة المتعطشة فعلاً للعلم
ومع الوقت والظروف بدأت مع طلاب إعدادي وانا مكنتش عاوز اشتغل اعدادي أصلاً ( اتضح بعد كده إن دي افضل خطوة عملتها في شغلي بفضل الله)
واشتغلت ثانوي بس تالته برضه لا
قعدت سنتين كاملين حرفياً بذاكر المنهج من كتب كتير ( المعاصر ، الموسوعة ، مذكرات تانيه متفرقة على اليويتوب وغيره … إلخ) + فيديوهات لمدرسين كتير ( ودي حاجه مخجلش منها أبداً ) + بعدها بدأت اكتب كل حاجه بايدي والخص واحاول أوصل لأسرع حل
ثم وُفقت بعد كده اني اشتغل تالته ثانوي وسنة بعد سنة الحمد لله ربنا بيمن عليّ بخبرة ومعرفة أرجو من الله إنها تلبي فعلاً رغبات كل طالب عاوز يفهم كل معلومة

لكل طلابنا في الصف الثالث الإعدادي
دي سلسلة فيديوهات
٥ فيديوهات شرح وحل على منهج الهندسة كامل
اول ٣ فيديو شرح وحل كتييييير
الفيديو الرابع حل اكتر من ١٠٠ سؤال اختياري على الهندسة
الفيديو الخامس كل ما يتعلق بالرسم

دعوة طيبة ♥️♥️

مراجعات تالتة اعدادي ترم ثاني Share your videos with friends, family, and the world

تعديل على موعد حصة تالته اعدادي بكره ان شاء الله

الموعد : الساعه ٢ ونص
بلغوا أصحابكم بالتغيير الي حصل

طلاب تالته اعدادي معادنا اليوم ان شاء الله الساعه ٢ ونصف باذن الله

تقدر تستغل الوقت ده في سماع الفيديو ده
حلينا فيه اكتر من ١٥٠ سؤال اختياري هيساعدوك كتير ان شاء الله

https://youtu.be/mJ2G3o_fb5Y?si=uzRMdF6hEjyu-c56

في بداياتي كان فيه حاجتين بعملهم وكنت بفضل الله متميز فيهم ودلوقتي بطلت أعملهم رغم إنهم كانوا بيجذبوا الطلاب ليا بشكل كبير

الأولى
كنت في ليالي الامتحان بقعد مع الطلاب حصة طويلة جداً ونحل كم محترم من الاسئلة المتوقعة والي كان بيجي الامتحان منهم بشكل كامل قسماً بالله بنفس الأرقام

الثانية
بعد الامتحان دايماً كنت بنزل
" الامتحان بالنص من المراجعات "
ودي كانت حقيقة فعلاً ( ومازالت )

حالياً مش بقعد حصص مراجعات طويلة ويعتبر مش بستقبل طلاب جديدة خالص في حصص مراجعات ( عدد قليل جداً بيحضر سمعةً بس )
ولا بنزل البوست المعتاد بعد كل امتحان

ليه ؟
بفضل الله وكرمه مش محتاجين لحصص مراجعات بالشكل ده لان بفضل ربنا برضه بنخلص المنهج قبل الامتحان بفترة محترمة وبنراجع على تفصيله تفصيله في المنهج شرح وحل ( ويشهد على ده طلابنا )

ثانياً أي حد اجتهد شوية صغيرين يقدر يتوقع شكل الامتحان بالنص فالي عمل كده مخترعش الذرة يعني

ثالثاً أنا عاوز أقول للطالب عندي ( خاصة طالب النقل ) إن يا حبيبي ما يهمنيش الامتحان عامل ازاي
أنا عاوزك طالب متأسس فاهم ، عاوز أقوله ان حرام الشغل والمجهود وتنمية مهاراتك وملكاتك الرياضية الي تعبنا فيها طول السنة اختزلها في ورقة فيها ٢٠ سؤال مستواهم أقل من المتوسط
من الأخر الامتحان ودرجته مايلزمنيش طول ما انت مش متأسس رياضة ولا فاهم

نلقاكم في العام القادم بإذن الله