MFM Organisation

لينك الڤووووووووت يـ 39👇😌

https://www.facebook.com/groups/448965107727303/permalink/468959765727837/?mibextid=W9rl1R

‎السلام عليكم يا شباب

‎توضيحا لـ بعض النقاط اللي يمكن اتفهمت بشكل خاطئ من البوست اللي نزلناه بخصوص حفلة الفانداي
بس الاول حابين نأكد علي نقطتين مهمين جدا
اولا : ان الكل ليه حرية التعبير عن رأيه و لكن نرفض تماما الأسلوب الفج المنفر ف النصيحة بل ان البعض وصل به الحال للتشبيه ببعض آيات نزلت في (الكفار) و مكناش نتمني ان الحوار بيننا يوصل للطريقة دي… كان ممكن نكتفي بتقديم النصيحة ب اسلوب محترم يجبر اللي قدامك علي احترامه و تقبله علي الاقل حتي لو مش هيقتنع بيه

‎ثانيا : مبدأ الاختلاط من حيث وجوده ف هو موجود سواء لضرورة أو غير ضرورة ؛ خصوصا اننا ف مجتمع يحتم عليك كده .. (الافراح -الكلية .. وقيس على كده كتير جدا ...) و لكن طبعا ده في اطار المسموح

بخصوص البوست بقي : احنا مقولناش اننا هنلغي الاحتفال بالتخرج … و لكن وضحنا و قولنا ان احنا مش هنعمل الاحتفالات بالشكل اللي تم في السيمي نظرا لاعتراض بعض الناس على بعض النقاط فيه
‎ ف حبينا ان نخلي فيه مجال لكله يفرح ويحتفل باليوم من غير دخول في موضع خلاف ويكون بشكل لائق أكثر

و لكن ده مش معناه ان احنا هنلغي الاحتفال ...بالعكس احنا جالنا افكار كتير زي اننا مثلا ممكن نعمل قاعتين اوبن اير واحدة للولاد و واحدة للبنات ودا متاح وبنشوف ازاي ممكن نعملها بشكل يليق فعلا ميبقاش مجرد كلام /.. اننا نعمل رحلة و نقضي يوم سوا بحيث يوم للولاد بروجرام لوحدهم و البنات بروجرام تاني )

بالاضافة الي ان بند التبرعات كذلك اتضاف ل اللي حابب يتبرع و مش فرض على الكل

و فيه مفاجآت كتير الفترة الجاية ان شاء الله استنوها هنعلن عنها فالوقت المناسب...

اخر حاجة بس حابين نأكد عليها : احنا مش بنتاجر بالقضية و لا عمرنا هنتاجر ب دم اخواتنا ... الموضوع و ما فيه ان احنا نزلنا بوست امبارح بنتناقش فيه علي تيشرت الفان داي و ناس كتير كانت بتبعت ديزاينات و افكار للتيشرت...ف حسينا ان ده مش وقته و حبينا بس ان احنا نراعي الظروف ومعانا وقت الناس تفكر فيه ف ديزاين محترمة وفي أمثلة كتير بعتت شغل ممتاز هنعرضه كله مرة واحدة ف وقت مناسب

و اخيرا اللي عنده اي افكار و مقترحات جديدة و حابب يشارك ف الباب مفتوح للجميع...
و آسفين عالاطالة بالتوفيق يا شباب

بسم الله الرحمن الرحيم

السلام عليكم ابطال 39

طبقا للوضع الراهن ،، وما يمليه ضميرنا و احتراماّ لرغباتكم و تقديراً للأفكار الجميلة اللي اقترحتوها خلال الأيام الماضية .

قررنا عدم إقامة حفل الفان داي بالشكل المعهود ..

و يقتصر الاحتفال على
- تيشرت التخرج .
- جمع التبرعات.
- سيشن التصوير فوتوغرافي
- الاحتفال آخر يوم امتحانات في هول الكلية وأمام العيادات وسيتم أخذ كافة الموافقات بذلك من إدارة الكلية.
- الصور الجماعيه للدفعة .

وفي حال التفكير و الوصول لـ طريقة مناسبة تقلل من الاختلاط المباشر ، سوف نوافيكم بالتفاصيل وقتها بإذن الله ♥️

✅ وهيكون في مفاجأت تانية هنتكلم عنها خلال الايام الجاية .

دمتم بخير ❤️🤝

مستعدين للخناقة الجديدة؟😂
تيشرت الفان داي هو الحاجة اللي بتعبر عن الدفعة وبتفضل ذكرى معانا🥰💃

فكروا معانا في تصميم تيشرت ليومنا المميز وشاركوه على الجروب هنا في الكومنتات🫣
لو مش عارف تصمم ديزاين ممكن تشارك ب لون ، قماشة ، شكل أي حاجة😂♥️

و دا لينك الانضمام لتيم التنظيم 👇

https://docs.google.com/forms/d/180XGL9dsU_CIyVaJshl1x7ATzabLOE2bmYn47iBFivo/edit?usp=drivesdk
و تأكدوا أن أي حاجه مش هتم الا بتواجدكم معانا و بآرائكم اللي ليها كل الاحترام . و هنتناول كل الأفكار و الجوانب الخيرية و غيرها اللي انتم بتقترحوها .
دمتم بخير ❤️🤝