Miss / Doaa Abdulhameed دعاء عبد الحميد

👈🏻خلي أولادك يحسوا إنهم يقدروا يتكلموا معاك عن أي حاجة من غير مايخافوا أو يتكسفوا
👈🏻اديهم من وقتك اسمعهم وشاركهم اهتماماتهم ده هيساعدهم يحسوا بالأمان والقبول ويثقوا فيك أكتر
👈🏻حط قواعد وقوانين ثابتة للبيت من غير قسوة ده بيعلمهم المسؤولية والانضباط بشكل صحي
👈🏻الاحضان والقبلات مش بس هتقوي علاقتكم كمان بتقلل التوتر وتخليهم يحسوا بالحب والدعم

👈🏻 ما تاخدش قرارات قدامهم وانت عصبي أو متوتر ،خلي قراراتك هادئة ومتوازنة علشان تنقلهم السلام الداخلي

تفتكر ايه تاني ممكن يقوى علاقتك بأولادك👀

#تربيةايجابية #سيكولوجي #اطفال

_ أقل معلومة في علم النفس =

حين يمتزج الحب بالألم💔

اوقات بنخلط بين الحب الحقيقي والحب المؤلم ونفتكر ان الشدة والعذاب دليل علي قوته
بس هل فعلاً الحب لازم يبقي مؤلم وموجع؟!

🍂كتير من الناس فاكرين ان الحب الحقيقي لازم يكون فيه معاناة او غيرة تخنق !
والحقيقة ان الحب والعلاقات الصحية لو مش مصدر سكينة وراحة يبقي كدة دليل علي وجود خطر مش حب!⚠️❗️

- بنسمع جمل كتير زي انا مقدرش اعيش من غيره
او اتقل عليها عشان تحبك
او خليها تغير عليك
او البحث عن الحضـن العنـيف والانبهار بيه كدليل علي شدة الحب..☄️

✨كل دي من اشكال الحب الخشن. Tough love✨

اللي لو رجعنا ورا شويةً هتلاقي طفل بيدور علي احتياجه الطبيعي للحب والتقبل والاهتمام، فيقابله أب غضبان وام مش مهتمة وبيئة ينقصها التعبير عن المشاعر..
الطفل بيكون جعان للحب 🥀

وبيلاقي نفسه اتحط في وضع مربك وحيرة بين اللي بيتقاله واللي فعليا بيحصل معاه!
بين ادّعاء الحب والالم!
وعشان يحل المشكلة دي بيختار عقله يربط بين (الحب والأذي) و يتصور ان القسوة والخشونة هما دول اساس الحب ودليل عليه!

•( انا كنت بضربك عشان مصلحتك)
هتكبر وتبقي شايفة بردو ( ده بيغير عليا اوووي عشان كدة ضربني)

•-انا كنت بقسي عليك عشان بحبك!

🍂حاجة تحير فعلا مش كدة؟! من امتي القسوة دليل علي حب!
ولما اللي المفروض الايد اللي تطبطب هي اللي بقت تضرب مين هيطبطب!

يفضل الطفل متحير لحد ما يربط ان اصلا هو الحب كدة لازمله قدر من القسوة والمعاناة. وغير كدة ميبقاش حب اصلا!
لان ببساطة هو ده شكل الحب الوحيد اللي عرفه وتلقاه واللي يعرف يتعامل معاه.🤷🏻‍♀️

لو بتلاقي نفسك في شكل العلاقات دي اسأل نفسك هو انا اتعلمت أحب ازاي؟
وهل ده فعلا الحب اللي استحقه؟!🥰

✍🏻دينا هيثم


من كتاب أبي الذي أكره.