Heba Ashour Academy

حابه اوجه رساله لزملائي الأعزاء مدرسين الاحياء الي لسه ما بدأوش تدريس الاحياء لصف ٣ث الدفعه الجديده ٢٠٢٧ لو كنت متخوف وقلقان إن الدنيا هتبقي صعبه عشان الطلبه دي ماخدتش احياء في ٢ ث فأحب أقولكم خالص إنتوا غلطانين .. انت مش مفروض تكون متخوف انت مفروض تترعب 😅😅 اه والله زي ما بقولك كده
الدرس الي مفروض كنا نشرحوا في حصه .. لا خالص هياخد حصتين و تلاته لان حرفيا احنا بنبني الاحياء من تحت تحت اوي ..
كان الله في عونا وعون الطلبه بجد 😅😭

حجز العلوم للصف الاول الثانوي يوم الاتنين الجاي الساعه ٥
معاد المجموعه الاتنين والخميس .. الاتنين الساعه ٥ والخميس الساعه ٤ ونص كده الحصه ساعه ونصف .. الحجز ٤٠ جنيه البدايه اول ما المنهج ينزل مكان السنتر شارع الجلاء قصاد كشري الخديوي مول سيتي مول فوق ديفاكتو الدور الاول

عشان الطلبه واولياء الأمور كل شويه يسالو عن حجز العلوم المتكامله وعايزين يطمنوا مافيش حجز إلا لما يكون في تاكيد من الوزاره هل في علوم متكامله ولا علوم فقط وهل في تغيير ولا لا ماتستعجلش لسه بدري علي حجز الماده دي بالذات لان في آراء جديه بتأكد تغيرها استني لأول ٨ يكون كل حاجه بقت واضحه

متداول وغير مؤكد بنسبة 100%
لكن بنسبة كبيرة قريب من الحقيقة
العلوم المتكاملة باي باي
يعنى إيه
تم تغيير جذري في المنهج
وتقريباً أصبحت اساسيات العلوم
يعنى تمهيد للبكالوريا
يعنى هتتكون من ثلاث مواد
اساسيات كيمياء
أساسيات فيزياء
أساسيات أحياء
الدراسة هتكون بالتوازى بين الثلاث أقسام
يعنى لو المدرسة متوفر بها جميع التخصصات
كل مدرس هياخد قسم يشرحه حصتين أسبوعياً
ولكن طبعاً في حالة العجز هيدرسها مدرس واحد أو اثنين حسب العجز
علشان كده
الكل ينتظر بعد إعلان نتيجة الثانوية
هيكون فيه مؤتمر للكشف عن البكالوريا والمناهج
نقول تانى الكلام مش صحيح 100%
يعنى معلومات فقط
علشان المصداقية
يبقى ننتظر لحين نزول المناهج الجديدة

بالنسبه للناس الي بتسأل علي حجز العلوم المتكامله في اخبار بتقول ان هيتم تقسيم الماده الي ثلاث واحدات تشمل احياء وكيمياء وفيزياء .. فاحنا منتظرين تاكيد او نفي من الوزاره وبعدين نحدد الحجز والأفضل ماتحجزش مع اي مدرس إلا لما يتم تاكيد او نفي الخبر

عايزه أقول حاجه بس
المدرسين الجمال اللذاذ الي حتي في نفس مجالك وتخصصك الي بتخش عندك وتفرح معاك وتعملك كومنت وتعملك لايك ويبعتلك رساله .. إنتوا بجد حلويين جدا ❤️❤️ ..
مش معني ان المدرس الي شغال نفس مجالك او غيره .. يبدو عدوك .. ومستني وقعته عشان تستغلها .. خلي نفسك صافيه ومايفرقش معاك مين بيعمل ايه .. اجتهد مع نفسك ولنفسك .. سابق نفسك .. جاهد نفسك .. خليك احسن من نفسك .. ماتشغلش بالك بغيرك ..انت عمرك ماهتاخد نصيب حد .. انت هتاخد نصيبك انت بس والي ربنا كتبهولك انت .. فبلاش تتمني الشر لحد او حتي تقول عليه كلام مش حلو معتقد دا هيخليك احسن .. بالعكس ..

نودع دفعه ٢٠٢٦
نستقبل دفعه ٢٠٢٧
ان شاء الله البدايه اول ٨ هنزاكر من كتاب المدرسه والحل من كتاب الامتحان والتفوق احياء وجيو … والتفاصيل علي الجروب علي الواتس اي حد حاجز ومادخلش جروب الواتس يبعت علي الرقم ده 01008810594

الامتحان عسليه 😂😂

جهاز ال pcr في كتاب المدرسه ماكتبش ان نوع البواديء في الجهاز RNA دي زياده غير صحيحه من كتاب الامتحان لان البواديء هنا نيوكلوتيدات DNA عشان مش هيكون عندنا نوع آخر من البلكون يبدلها ب DNA .. خلي بالك

السيتوكينات من كتاب المدرسه ماذكرش نهائي انها بتنشط TS خالص .. عشان بردوا كتاب الامتحان كاتب انها بتنشط Ts ودا مش صح

دي رسمه المراحل لتكوين الجنين من كتاب المدرسه عشان بردوا كتاب الامتحان عامل اجتهاد فيها مش صح
المرحله أ هي المرحله الأولي .. المرحله ب الرسمه التانيه هي المرحله التانيه من ٤ ل ٦ شهور الرسمه ج هي المرحله الثالثه من ٧ ل ٩ عشان في اكتر من سوءال استرشادي عليها