28/08/2021
من حوالى ٧ سنين كان فى لعبة جديدة عبارة عن ( قطة ) بتردد كل الكلام اللى أنت بتقوله وكانت جميلة لدرجة إن أى واحدة كانت بتجيبها لولادها
على قد ما هى كانت ممتعه
بس للاسف كانت سبب ف إنتشار “ الإيكولاليا “ عند الأطفال اللى كانو ف مرحلة إكتساب نمو اللغة
وهنا بقصد الأطفال النورمال اللى كانو لسه أقل من ٣ سنوات
كان بيجيلى أطفال بتردد الكلام بطريقة صعبة ولما سألت الأم قالتلى دا من لعبة ( القطه)
وحقيقى كان حوالى ٤ حالات فالشهر بنفس الطريقة
مابالك بقى مع أطفال الأحتياجات الخاصة
طبعا بعد ٧ سنوات الموضوع بيعيد نفسة على هيئة
“ الصبارة الراقصة “
خلوا بالكوا كويس جدًاااا 🧐
هى ممتعة وكل حاجة بس مش مستحبة للاطفال تحت ال ٣ سنين 😞
