16/01/2025
إمتحان الجبر والإحصاء الصف الثالث الإعدادي الترم الأول 2025
الإمتحان هيكون عبارة عن 9 اسئلة إختيار من متعدد (كل سؤال بدرجة واحدة + 7 اسئلة مقالية (كل سؤال ب 3 درجات)
نبدأ بالأسئلة المقالية:-
• الوحدة الاولي: هيجي عليها سؤالين مقالي، السؤال هيكون علي حاصل الضرب الديكارتي (بيان ع والمدي) والسؤال التاني هيكون رسمة الدالة التربيعية.
• الوحدة الثانية: هيجي عليها 4 أسئلة، من المتوقع سؤال علي التغير الطردي أوالعكسي (اوجد العلاقة وقيمة س أو ص) وسؤال علي التناسب المتسلسل والسؤال الثالث هيكون علي خواص التناسب (بالأخص الخاصية الخامسة) والسؤال الرابع برضو علي خواص التناسب (الخاصية الأولي أو الرابعة)
• الوحدة الثالثة (الإحصاء): هيكون سؤال واحد ومن المؤكد أنه حساب الإنحراف المعياري.
أما عن الأسئلة الموضوعية (9 أسئلة):-
• سؤالين تراكمي (ركزوا علي درجة الحد الجبري ، نصف أو ضعف العدد ، الجذور ، الأرباع ، الفترات)
• 4 أسئلة علي الوحدة الأولي (تساوي زوجين مرتبين ، عدد عناصر المجموعات ، الدالة الثابتة او الخطية ، ضرب مجموعتين)
• سؤالين علي الوحدة الثانية (قانون الوسط المتناسب ، نوع التغير في علاقة معطاه ، الخاصية الاولي في التناسب -مرجعش بإيدي فاضية-)
• سؤال علي الوحدة الثالثة (نظري الإحصاء مُرفق بالبوست)
تُصحح الورقة من (30 درجة) وتقسم علي 2 للحصول علي درجة الطالب من (15 درجة)
زي مامتعودين، الواتساب بتاعي مفتوح النهاردة وبكرا لأي طالب محتاج أي سؤال ف الجبر او الإحصاء
وافتكروا الكلمتين اللي بقولهم دايما:
الترم دا فرصة تحسنوا مجموعكم لان منهج الترم التاني طويل ورخم.. ب أتمني التوفيق للجميع ✌🏻
