Ziza Land

من كام يوم كنت في كافيه مع اصحابي وببلغ الجرسون بالطلبات فكان من ضمن الطلبات chocolate milkshake زي اللي في الصورة ده👇
فبكل براءة قلت له واحد ميلك شيك شوكولاته
الراجل فجأة بصلي بنظرة كلها عجرفة ولسان حاله بيقول ايه البت الفلاحة دي🙄
وقام قايلي ميلك تشيك شوكلت بكل ثقة الدنيا
ضحكت وقلت له اه هو ده 😅
بعد ما مشي اصحابي قالوا لي يعني هو بينظر عليكي وبينطق غلط وانتي بتضحكي وتسكتي كدة عادي🤔
قلت لهم ياعم عادي عديها الناس لبعضيها
ولكن كنت غلطانه للاسف 😭
لان بعدها بكام يوم كنت بعمل admission ( اختبار القبول في مدارس اللغات) لطالب داخل سنة رابعة وطلبت منه يقرأ قطعة
وكان فيها كلمة milkshake
الولد ما شاء الله بيقرأ صح وfluent جدا بس اول ما شاف الكلمة لسانه اتبرجل بقى عايز يقرأها shake علشان تمشي مع قاعدة النطق الصحيح وفي نفس الوقت هو على طول بيسمعها check والجرسون واثق من نفسه اوي وهو بيقولها 😂
المهم يعني العربي حلو والله والانجليزي مش شيك ولا اللي بيتكلموه قرايب بكيزة الدراملي 😂
واسمها chocolate milkshake يا صديقي الجرسون 🥱

ال dictation من ارخم أجزاء اللغة طول عمره 😅
وطبعا مع الجيل ابو فون بيصحح الأخطاء وبيكتب بالصوت مبقاش فيه طلبة بتهتم بحفظ الحروف بتاعة كل كلمة 😞
من اكتر الالعاب اللي بتحفز طلابي هى لعبة word shake
الفكرة اني بزود حماس اللعبة بحاجتين 😍
الاولى
بلعب انا اول round واجيب score عالي ويبقى التحدي مين يجيب score أعلى مني🤞
الحاجة التانية
بستهدف كلمات الدرس بأني ازود عدد النقاط لكل كلمة درسناها خلال الأسبوع
بمعنى لو الطالب جاب كلمة من ٤ حروف درسناها خلال الأسبوع بياخد ٣ نقاط بدلا من نقطتين (اللعبة بتدي نقطة لكل كلمة من ٣ حروف ونقطتين لو الكلمة من ٤ حروف وهكذا)
فكل طالب ممكن يزود ال score بتاعه أنه يجيب كلمة من كلمات الاسبوع💯
Try it it works 😉

لجنة اللغة العربية رابعة ابتدائى
الزمن ساعتين ونص لامتحان اختياري وبيتكتب في نفس الورقة
ابطأ طالب مكملش ساعة في الحل🥱
وطبعا ده جيل معندوش خلق وبيزهقوا بسرعة😕
ناكل يا مس🤔
كلوا يا حبايبي😤
بنوتة معاها بيك ستكس طلعته وبدأت تلعب وتعمل اشكال وتسلي نفسها🥳
لسان حال باقي اللجنة ياريتني طلبت مكرونة (بصوت احمد حلمي)😂😅
#يومياتـمراقب

Meet Mr sentence our making- different -types of -sentences' helper
It's made of 100% recycled materials
Ss take turns arranging words in the correct order for different types of sentences

مامي بتحكي ابني اقوله تعالى نحفظ قران يقولي الطيور بتطير🤔 ازاي طب ياللا نذاكر يقولي السحلب بيجي منين🤦 وطبعا هى مش بتكون متوقعة السؤال وبالتالي معندهاش رد ده غير انها كدة هتخرج عن المهمة اللي كانت حابة تعملها🙆
الحل ببساطة ف لعبة صيادين السمك😃 حيث اننا هنجيب علبة وكل ما يسأل سؤال اطلب منه انه يكتبه في ورقة ويطبقها ويحطها ف العلبة ونحدد توقيت ف الجدول لفتح ورقة من الورق ده والبحث عن اجابة السؤال اللي فيها بحيث اننا منخرجش عن المهمة المجدولة في الوقت الحالي وكمان هيبقى عندك فرصة تدوري على اجابة الأسئلة من وراه
وممكن كمان نستفيد من الوقت ده ف اننا نكتب اجابة كل سؤال ونحطها مع السؤال ولما يجي يطلع السؤال يلاقي الاجابة معاه ويقرأها وبكدة نخليه يقرأ كمان 😉

الناس اللي painted the town red النهاردة
يارب تكونوا التزمتوا بقواعد السلامة

من انشطة مراجعة الكلمات اولى ابتدائي

list of adjectives to save

comparative exercise worksheet

comparative exercise Students write the correct comparative form - ESL worksheets

الدرس النهاردة عن المقارنة وهتلاقوا لينك التدريبات في اول كومنت هستنى الاجابات في التعليقات😀

المقارنة بين اثنين comparative how to compare between two thing