أ/ رقية منصور للتأسيس والمتابعه

مرحله التمهيدي ♥️

أول خطوة من خطوات التأسيس والتمهيد للطفل ومسك القلم ♥️

10 خطوات لتأسيس الطفل فى القراءة والكتابه 👇

فى البداية كده لازم ننبهه على شئ لازم انتى كأم أو معلمه وانتى بتعلمى الاطفال تتذكرى قول النبى ﷺ " اذا مات ابن ادم انقطع عمله الا من ثلاث ومنها علم ينتفع به .. " فده يعتبر صدقه جاريه ليكى فلازم تخليها على افضل حال وتتقنى وتخلصى عملك ابتغاء وجه الله فقط .

1- ابدأ معاه تمارين تنمية مهارات تساعده فى تقوية عضلات وأعصاب ايديه ممكن الخطوة دى تستغرق 4-6 شهور ، وأثناء الفترة دى اعلمه بعض المهارات شفوى فقط زى مثلا " يعرف الالوان ، المعكوسات ، أناشيد واحاديث واذكار وتعبيرات انجلش شفوى فقط + اديله حاجات تلوين كتير زى مثلا يلون تفاحه موزه بطه أرنب قطه ..وهكذا

2- بعد ما اعصاب وعضلات ايديه بقت قوية ويستطيع يمسك القلم اعلمه الحروف باتجاهاتها الصحيحه وبأكد بالاتجاهات الصحيحه
تستغرق 3-4 شهور واديله تمارين كتيرة جدا زى " املاء الحروف - وصل - اختر " علاشن يتمكن كويس جدا من الحروف

3- بعد ما اتمكن فى الحروف ابدأ اعرفه الحروف اللثوية ( ث،ذ،ظ) واعرفه الفرق بين الحروف المتشابهه فى الشكل زى يعرف يفرق بين ال( ب،ت،ث ) ( ج،ح،خ ) والمتشابهه فى النطق " الحروف المرققه والمفخمه " زى يعرف يفرق بين ال ( ت،ط ) ( د،ض ) ( ث،ظ )

4- يعرف اشكال الحروف اللى ليها أشكال متغيره زى أشكال حرف التاء ( ت،ة، ـة ) أشكال حرف الكاف ( ک ، ك ، كاف رسم المصحف )

5- بعد كده لما يتمكن من الحروف كويس جدا ادخل معاه على الحركات القصيرة ابدأ حركة الفتح ابدأ معاه اولا اديله الحروف مقطوعه فى أول الكلمة بحركة الفتح ، ثم مقطع من حرفين بالفتح ، ثم كلمه من 3 حروف بالفتح ثم جمل وبكده فى نهاية المرحله دى لو الطفل اتمكن كوبس بيكون الطفل قادر على قراءة كلمة وجمله بالفتح والمرحلة دى مهمه جدا تعتبر اهم مراحل التأسيس لقراءة الكلمات والجمل لازم اهتم بيها جدا

6- بعد ما الطفل يتمكن كويس جدا من حركة الفتح اديله حركة المسر بنفس الطريقة ابدا اولا الحروف مقطوعه فى اول الكلمة بالكسر ثم مقطع من حرفين فيه فتح وكسر ، ثم كلمه ثم جمل بهم " فتح وكسر "
والضم هيكون خلاص اتمكن يقرأ كلمات بسهوله ابدأ اديله الحروف بالضم ثم كلمات علطول وجمل بها " فتح وكسر وضم " .

7- بعد كده اكمل اخر حركة " حركة الضم " اديله الحروف بالضم وهنا هيكون الطفل بئى بيعرف يقرأ كلمات كويس هديله علطول كلمات بها الحركات الثلاثة "فتح وكسر وضم" ثم جمل .

8- بعد كده اديله الحركات الطويلة المدود " المد بالألف ، المد بالياء ، المد بالواو " ابدأ الاول بالمد بالالف الحروف مع المد بالالف،الياء،الواو .. واثناء دراسة الحروف مع المدود اقارن بينها وبين الحروف بالحركات القصيرة واعرف الطفل ان الحركة القصيرة حركة واحده بس ، انما الحركة الطويلة " المدود " حركتين .. ثم كلمات وجمل بها حركات قصيرة ومد بالالف .. وهكذا مع المد بالياء والواو .. ومهم جدا أثناء دراسة المدود أعرفه شكل المد بالالف والياء والواو فى المصحف علشان بعد كده يتمكن من القراءة من المصحف بكل سهوله

9- بعد كده اديله السكون والتنوين والشده
بالنسبة للسكون اديله مقطع من حرفين فقط الحرف الثانى ساكن واديله مقاطع كتير علشان يتمكن من صوت السكون وبعد كده كلمات وجمل
وأثناء دراسة السكون نديله اللام القمرية
ومهم جدا أعرفه شكل السكون فى المصحف علشان يتمكن من القراءة من المصحف بكل سهوله زى ما قولنا
والتنوين هنبدأ اولا ندى الحروف مع التنوين بالفتح ثم كلمات وجمل .. ثم التنوين بالكسر والضم بنفس الطريقه
.... أما الشدة علشان مينفعش ندى الحرف مشدد فقط فهندى كلمات مباشرة الشده مع الفتح ثم الشده مع الكسر ثم الشده مع الضم... ثم جمل وبعد تمكين الشدة نديلة اللام الشمسيه

10 - بعد كده اديله الاساليب والتراكيب زى الضمائر ، أسماء الاشارة ، حروف الجر ، ياء الملكية

لامثلة وكلمات وجمل كتير هتلاقيها فى كتاب نور البيان باذن الله لو الطفل اتمكن فى الدروس دى كويس باذن الله هيقرأ ويكتب أى كلمة أو جمله بكل سهوله من المصحف أو أى مكان👍

مذكرة تأسيس فونكس للاطفال♥️

❤️

لينك تأسيس انجلش من تحت الصفر
https://youtube.com/playlist?list=PLaSvGjiYGOJWAG2bY5EbdsYLtYewcF-nu

لينك كورس شامل من الكتاب
واتس حجز الكتب 01063013886

https://youtube.com/playlist?list=PLaSvGjiYGOJWKjUIckjA6syUYWHhd7gKU

لينك كورس جرامر فقط
https://youtube.com/playlist?list=PLaSvGjiYGOJUaowkfJlmTirzVDY-WNhRG

منهج الصف الاول كامل 2023

https://youtube.com/playlist?list=PLaSvGjiYGOJWAwDJ759dqj2G1pWVwmBAU

منهج كي.جي كامل 2023
https://youtube.com/playlist?list=PLaSvGjiYGOJURr0r8bqMHf5AdzeO-wQKU

منهج الصف الثاني كامل 2023
https://youtube.com/playlist?list=PLaSvGjiYGOJUStoAn_rTw4tRqC642q4vR

منهج الصف الثالث كامل 2023
https://youtube.com/playlist?list=PLaSvGjiYGOJVxXKEuv6jowHbpkXYrk_h0

منهج الصف الرابع كامل 2023
https://youtube.com/playlist?list=PLaSvGjiYGOJUII0n-g5OdTKO6-SCNNm5P

منهج الصف الخامس كامل 2023

https://youtube.com/playlist?list=PLaSvGjiYGOJXPaxkdZHTRUfGgscOvcC9P

لينك كواي للفيديوهات القصيرة
ينشئ مدون الفيديو هذا مقاطع فيديو رائعة! تعال وشاهد!
https://s.kw.ai/u/wv1ZCnHK
لينك تيك توك للفيديوهات القصيرة
tiktok.com/

لينك انستجرام
https://www.instagram.com/invites/contact/?i=1vqo7mbplshmd&utm_content=40g3o5j‎‏

فيديو (المدود او الحركات الطويلة)
ان شاء الله هتستفيدوا منه جداا
https://user88223.pics.ee/4twkes
متنسونيش بصالح الدعاء.. ❤️

المدود ( الحركات الطويلة ) اسهل و ابسط شرح ليها واغنية سهلة لحفظ شروط المدود المدود ( الحركات الطويلة ) ابسط شرح ليها و لشروطها استحالة نتلغبط فيها تانى و اغنية سهلة لحفظ الشروط اخر الفيديو لينك البيدج هتلاقوا عليها شيتات كتير

عشان تسهلوا علي اطفالكم حفظ الكلمات .. ❤️
إفتحوا الصور 💯

ازاى أسس ابنى صح فى الانجليزي ؟😉

ابنى مش بيحب الحضانه خالص هو عمره ٣ سنين مع انها كويسه جداا وteachers بيحبوه كمان وبيعرفوا يتعاملوا معاه ازاى اخليه يحبها وميغلبنيش كل يوم عياط وهو نازل انا غيرت الحضانه ونفس المشكله موجوده برده هو غالبا مشكلته فى الكتابه علشان كده مش حابب الحضانه

سن ٣ سنوات ده افضل سن للطفل لاكتساب مهارات كتير جدااا وخصوصا المهارات اللغويه لو الطفل بقى بيتكلم لغته الام بمخارج سليمه نقدر فى السن ده ندخل اللغه الانجليزيه

طيب هنبدأ ازاى ؟ 😉

اولا واهم حاجه الطفل ميكتبش ابدااا فى العمر ده لان عضلات ايده مش بتكون اكتملت كفايه انه يقدر يتحكم فى القلم للكتابه ممكن نستخدم tracing and colouring activities ودى هتساعده جدااا علشان نبدأ الكتابه بعد كده

اومال هعمل ايه برده فى السن ده ؟! 🤔

هنبدء نبنى حصيله لغويه كويسه للطفل بأستخدام songs, short stories, activities,flash cards
حقيقى هتنبهرى بالنتيجه مع الطفل لان السن ده بيلقط جداا هنتعلم fruits, vegetables, colours,numbers, animals,my family,parts of my body كل ده شفهيااا

نبدء كتابه امتى؟!

اما الطفل يكون ٤ سنوات ده سن مناسب جدا لبدء الكتابه مع الطفل عضلات ايده بتكون اقوى ويقدر يتحكم فيها افضل

فى المرحله دى هبدء اقدم sounds مع letters formation علشان الطفل يقدر يدمج بين شكل الحرف وصوته ومع الوقت يكون قادر على دمج الاصوات وتكوين الكلمات وبعد كده الجمل كمان..

https://m.youtube.com/watch?v=rYj2iaL0FYc&feature=shares

الطريقة الصحيحة للإمساك بالقلم والكراسة❤️

اولياء امور كتير طلبت منى طريقه لمسك القلم..

دى أوراق عمل تدريبات لتعليم كيفيه مسك القلم للأطفال وتدريبهم عليها من سن ٣ونص لـ٤سنوات.. ❤️

بالتوفيق ❤️

التأسيس ❤️
مرحلة التأسيس هي من اهم المراحل اللي بتحدد وبتأثر بشكل كبير جدا علي مستقبل ومستوي الطفل وعشان كدا حريصة أنى أستخدم كل الطرق والأساليب الحديثة في تعليم الطفل مش بس في القراءة والكتابة لا كمان في تنميه جوانب شخصيته ومهاراته وسلوكه اللي بتأهله يكون طفل مميز وواعى ومستعد لتحديات النظام الجديد في التعليم ودمجه في المجتمع بشكل سوي.

🎀 أ/ رقية منصور 🎀

⭐ خبرة في التعامل مع الأطفال أكثر من ٦سنوات.
⭐قدرة علي التعامل مع مختلف أنماط شخصيات الاطفال.
⭐نظام التعليم يتكون من برامج تعليميه جديدة بطريقه التعليم النشط المعتمد علي استخدام وسائل تعليميه مبتكره ومتعدده للطفل.
⭐التركيز علي كيفيه تأسيس وتعليم طريقه الكتابه والقراءه والنطق الصحيحه .
⭐التركيز علي تثبيت المعلومة من خلال التدريبات المختلفة والمراجعه الاسبوعيه والامتحانات المكثفه.
⭐إستخدام أكثر من أسلوب وطريقه تعلم في نفس الحصة بأحدث الطرق التعليميه المختلفه .
⭐ مراعاة الفروق الفردية عند الاطفال.
⭐ متابعة دورية مع اولياء الامور.
⭐الاهتمام بتعديل سلوك الطفل وتنمية ادراكه ومهاراته❤️