𝙼𝚒𝚜𝚜 𝚁𝚊𝚗𝚒𝚊 𝙷𝚊𝚛𝚋𝚒

مساء الخير
معلش كلمتين كدا استحملوني ..

هل حضرتك كـ ولي أمر عندك ظروف وإلتزامات وأنا كـ مُدرس معنديش ؟!
هل حضرتك داخل عليك عيد وأنا معنديش عيد ؟
هل عندك ظروف ومصاريف وأولاد وجمعيات و و و
وانا معنديش ؟

أكيد الإجابة لأ ، كلنا عندنا ظروف وكلنا عندنا إلتزامات
رجاااء مش عايزة أكلم ولي أمر أطلب منه حقي كل شهر
كلنا عارفين ورانا إيه وبندفعه محدش هينسى يدفع إيجار أو جمعية ، ياريت منجيش عند حق المُدرس وننسى ولازم يفكرنا كل مرة ونتأخر عليه حضرتك متعرفش ظروفه إيه ولا هو مضطر يعرفك ..

للأسف اللي هيضطرني أتعامل معاه كدا هعتذر عن الدرس خالص ، وأكيد الكلام ده مش هيزعل الناس المحترمة اللي عارفة إيه اللي ليها وإيه اللي عليها كويس وشكرًا .🤍

أحلى حاجة في الشغلانة دي إن فرحة بسيطة من قلبي تعمل الابتسامة دي 🤍
طلابّي الحلوين يستاهلوا كل حاجة حلوة 🌸✨
ربنا يديم الضحكة دي دايمًا.

𝙼𝚒𝚜𝚜 𝚁𝚊𝚗𝚒𝚊 𝙷𝚊𝚛𝚋𝚒

كلمة حلوة ليا بمناسبة نهاية الترم ❤️

مساء الخير 💖

معلش بس حابة أتكلم ف حاجة معينة

ليه لما ام تحب تطلع إبنها من الدرس مش بتقول على طول انه هيطلع

ليه لازم تقولي بنتي اتكسرت وابني تعبان مش بيتحرك

ليه الأسلوب الغريب ف الكدب ده

ما إحنا كلنا ك مدرسين مش بيفرق معانا لو حد طلع لأن بيكون معانا كذا حجز لطلبة تاني ومتعودين ان طالب بيروح وطالب بيجي

بس والله إحنا كمدرسين بنقول الحمدلله انه الطالب ده راح عشان طلما الأم بتكون كده ف الطالب هيكون إيه؟

أشطر ناس ♥️♥️♥️

فيه موضوع مسكوت عنه شوية مع إنه كارثي!

لو أنت مُعلِّم أو مُدرِّس، أوعى تدخل الفصل وتطلب من الطلاب يقفوا علشانك؛ لأن النبي ﷺ قال: "من أحبّ أن يَتمثَّل له الناس قيامًا فليتبوأ مقعدَه من النار".

إلا طبعًا لو هتوقفهم لغرض تاني؛ زي إنك تعرف عددهم أو حسيت إنهم نايمين مثلًا وعايز تفوقهم وهكذا، وده مش داخل في نهي النبي.

لكن المقصود بالحديث الشخص اللي بيحب الناس تقف لأجله ويحزن لو محدش وقفله، بيطلب التوقير (الزائد) لنفسه يعني.

يومي كان جميل بزيارتهم والله ♥️

من الحاجات إلي بحمد ربنا عليها حب طلابي ليا وزيارتهم ليا كل فترة ويسألوني عايزة حاجة يا ميس نجبلك إيه يا ميس وحشتينا يا ميس ♥️♥️♥️

والله ما في حاجة تعوض حبهم ليا أبدا ♥️🫂

ربنا يحفظهم ويبارك فيهم واشوف ضحكتهم على وشهم وفرحتهم كل ما يشوفوني ♥️♥️

تحيا مصر 🫡♥️🇪🇬