اكاديمية الرحاب لتنمية المهارات

❤️❤️💃

ابني عايز يشرب لأنه مش شايف إن فيه حكمة من العطش ...!!!
لو بنصوم عشان نحس بالفقراء ... فكفاية إننا ما ناكلش ، ليه ما نشربش ....؟؟
وبعدين الفقراء كمان بيصوموا... طب بيصوموا عشان يحسوا بمين ...؟؟؟

الحقيقة الواد عنده حق ...

فكرة إن الصيام مش هدفه إننا نحس بالفقراء دي بس 1٪؜ من الموضوع...

الفكرة دي بتطلع ملايين فاهمين إن الصيام مجرد حرمان و خلاص ...
شوية جوع وعطش ... كان ممكن نحس بالفقراء بطريقة تانية غير كدا ...

ودي كارثة .. لأننا بنخسر الهدف الوحيد من الصيام ...
ولما الهدف يضيع منك هتتعب أكتر لإنك مش فاهم حكمته ...

علم ولادك إن الصيام مفروض علينا علشان نتعلم نتحكم في شهواتنا الحرام...

علم ولادك إن الصيام بيمنعنا من شهوات حلال كمان علشان بعد كدا ترك الغلط والمعاصي والحرام يبقي سهل ..

علم ولادك إن الصيام مفروض علشان ندرب نفسنا ع الصعب ...

علم ولادك إن الصيام اللي بيمنعك من الحرام والغلط ويجبرك على الحلال وانت بتقوله سمعًا وطاعة هو دا قمة الخضوع والاستسلام لله ...

علم ولادك إن التسليم المطلق لله من غير ليه وازاي هو ده اللي احنا اتخلقنا علشانه ...

علمه من دلوقتي علشان الموضوع هيبقى أصعب بكتير لو كبر من غير ما يتعلم .

وكل عام وأنتم بخير♥🌙

كلنا بنسال نفسنا ليه ولادنا مش بيسمعوا كلامنا ونسمع من اراء بعض الامهات تقولنا ان ولادها بيعاندوها وتبدا معركه الند بالند بينها وبين ولادها
هما بيكونوا عايزين فعلا يسمعوا الكلام لكن بيكون في نموهم العقلي والمعنوي
بيمروا ب3مراحل من التطور (اتكلمت عنهم د ماريا مونتيسورى )وقسمتهم
1: المرحله الاولي :مرحله شبه واعيه
هنا الطفل بيكون لسه عنده تشوش داخلي وهو بيكون في المرحله دي سيكولوجيا اصم مش قادر يفهم الاوامر اللي الكبير بيطلبها منه كل ده بسبب ان الفعل لسه خارج منطقه الوعي عنده .
2:في المرحله الثانيه : دي هو بيكون بدا في الوعي وعنده رغبه ىفي انه يطيع الكبير وينفذ الاوامر وبيبان هنا للناس ان الطفل فاهم الامر وعايز ينفذة لكن هنا برضو الطفل مش قادر ينجح في ده في كل الاوقات بالبلدي (شويه ينفذ الاوامر ويكون عنده طاعه وشويه لاء).
3: المرحله الثالثة :دي بقي مرحله الاراده هنا الاراده بتتحد مع الوعي وبنلاقي الطفل في المرحله دي بيستجيب فورا وبحماس للاورامر وللطاعه .

كل عام وكل الامهات بخير وسعاده ❤️

عزيزي ولي الامر
لما حضرتك تيجي علشان تعدل مشكلة سلوكية عند طفلك زي كذب او سرقة
انا مش هعالج لحضرتك المشكلة عندي او معايا او همسك الولد اقعد معاه وانصحة او اضربه كام قلم على وشه مع كام عصاية والزقه في اقرب حيطه واقوله لو مبطلتش كذب وسرقه هدخلك اوضة الفران انت فاهم 🙄
حضرتك فاهم الموضوع غلط
انا فقط هعطيك العلاج بتاع المشكله لان المشكلة عندك في بيتك وبيئتك
وده دوري الطبيعي اعرفك تعمل ايه وتتصرف ازاي وعليك انك تنفذ وتساعد طفلك زي دوا الدكتور بالظبط بيكتبلك علاج تاخده في البيت وهو بيتابع تطور الحاله واما يزود حجات او يقلل حجات حسب المشكله
والله حضرتك اخدت العلاج ابنك هيتغير وربنا هيصلح احواله
حضرتك مش قادر تعمل اللي انا بقول عليه لان الطفل بيضايقك او ضغوط الحياة تعباك وكل اللي قولناه متغيرش منه اي شيء بل بتزيد اكتر هتفضل مشاكلك وهتزيد اكتر حتى لو جبت مدرسة كامله تعدل من سلوك ابنك مش هيتعدل
فده مش ذنبي ابدا" ولا ذنب طفلك
♥️🌹
احنا معاك سند ودعم
https://www.facebook.com/AlRehab.Nursing.Qena?mibextid=nW3QTL للتواصل فون وواتس
01008212874
01158471441

بحب اولياء الامور
اللي تقولي انا فخوره بمعرفتك❤️
اللي تقولي بحب صوتك وانتي شغاله مع ابني ❤️
اللي تقولي بحب اسلوبك ف التعامل ❤️
اللي تقولي علي قد مانفسي ابني يخلص البرنامج علي قد مازعلانه اني مش هاشوفك كتير ❤️
اللي بتقولي ربنا يباركلك ابني اتغير كتير علي ايدك ❤️
اللي تقولي بحبك عشان عندك ضمير ❤️
اللي تقولي بحبك عشان ابني بيحبك ❤️
واللي تقولي نفسي ادخل المجال ده واتدرب علي ايدك ❤️
واللي تقولي نفسي الجلسات تبقي كل يوم عشان اشوفك ❤️
الخلاصه انا بحب اولياء اموووووووري ❤️ وبحب اطفالي ❤️

ازاي اعرف ان ابني عنده ADHD ؟

هناك مجموعة واسعة من السلوكيات المرتبطة باضطراب فرط الحركة ونقص الانتباه. تشمل بعض أكثرها شيوعًا ما يلي:

اولا التشتت وعدم الانتباه!
١- عدم الاهتمام بالتفاصيل والوقوع في الكثير من الأخطاء بسبب الإهمال.
٢- صعوبة كبيرة في الحفاظ على التركيز والانتباه.
٣- لا يبدو وكأنه يستمع لمن يتحدث معه.
٤- سهولة التشتت بأي مؤثرات خارجية.
٥- صعوبة في إتباع التعليمات والتوجيهات خاصة المعقد منها أو المتسلسلة.
٦- صعوبة في الترتيب والتنظيم أو الحفاظ عليهما.
٧- كره وتجنب المهام التي تطلب جهد عقلي وتركيز مستمرين.
٧- فقدان الأدوات بسهولة.
٩- نسيان الأنشطة والمهام اليومية.
١٠- التنقل من نشاط أو مهمة إلى أخرى دون إنجاز أي منهما.

ثانياً فرط الحركة!
١- الصعوبة في البقاء جالسًا لمدة طويلة.
٢- الركض والتسلق كثيرًا وفي أي مكان (في الأطفال).
٣- الثرثرة والتحدث كثيرًا.
٤- العبث باليدين والقدمين كالتأرجح أثناء الجلوس على الكرسي.
٥- صعوبة المشاركة في الأنشطة بهدوء.
٦- الملل بسرعة.

ثالثا الاندفاعية!
١- الإجابة عن الأسئلة قبل الانتهاء من طرحها
٢- عدم انتظار المدرس للسماح له بالمشاركة في الفصل.
٣- صعوبة انتظار الدور في الطوابير.
٤- مقاطعة الآخرين في الحديث.
٥- عدم التفكير والاهتمام بعواقب الأمور أو الخوف منها.
٦- التهور والمشاركة في الأنشطة الخطرة دون تردد.
٧- عدم القدرة على كبت ما يريد قوله بغض النظر عمن يتحدث معه.

بعض الاعراض الأخري!
١- الفوضى.
٢- ضعف العلاقات الاجتماعية وصعوبة. تكوينها.
٣- ضعف الثقة بالنفس.
٤- الإلحاح.
٥- حب الإبهار ولفت الانتباه.
٦- عدم الاهتمام بالنظافة والمظهر الخارجي.
٧- حركات تكراريه بشكل نمطي

- بتخافي على بنتك من الانحرافات؟؟🤕..
==============
أكيد، كلنا بنخاف في وسط كل الفتن اللي مش عارفين لها أول من آخر🥺..

أنا لما بفكر في طفولتي أو مراهقتي، مكانش فيه كم الفتن، ولا القنوات، ولا السوشال ميديا، ولا نتفلكس ولا القنوات المفتوحة طول النهار والليل دي😭..

وعلشان كده، بنات الجيل ده كله بيصعبوا عليا من الفتن الشديدة دي، وبدعي ان ربنا يجنبهم الفتن والابتلاءات..

ف زي أي أم، انتي بتخافي انها تعرف ولد، وتدخّل نفسها في مشاكل هي وانتم في غنى عنها؟؟😒..

بتخافي إنها متذاكرش، ومتعرفش تدخل كلية كويسة😔..

بتخافي إنها تختار صحاب مش كويسين وتقلدهم😪..

بتخافي إنها متلتزمش بالصلاة وتكسل عنها😔..

بتخافي لما تلبس هدوم مش مناسبة ومش هويتنا ولا دينّا🙁..

علشان كده بتعملي كل حاجة تقدري عليها علشان تنقذيها.. بتدعميها، بتعلميها، ساعات بتهدديها أو تعاقبيها علشان تفوق وترجع للطريق الصح..

طيب، تعالي نشوف أصل المشكلة فين، علشان فعلا نقدر نحلها..

⚡️ المشكلة إن أحيانا بنتك بتعمل السلوكيات اللي مبتعجبكيش زي انها متذاكرش، أو متصليش، أو تكلم ولد،... ومبتستجيبش وبتلاقي منها مقامة شديدة ورفض لأفكارك، زي ما تكون بتنتقم لنفسها..

⚡️ ممكن مثلا بنتك تكون بتتعرض للنقد المستمر، أو تعليمات زيادة، انتي نفسك لو حد قالهالك هتزهقي علشان هي كتير.. أو ممكن تكون كل ما تقول رأي من وهي صغيرة، يتقالها انتي صغيرة على الكلام ده، متتحشريش في كلام الكبار.. فمش محسسينها إن رأيها كويس.. أو هي بتحس إنها فاشلة في المدرسة نتيجة إنه بيتطلب منها مجهود هي مش قادرة عليه..

⚡️ أو ممكن جدا إن كل ده مبيحصلش، ولكن البيت مش فيه أي تغيير، ولا أي انشطة مختلفة.. هي بتحس إن عالم البيت مختلف تماما عن اللي بتشوفه بره.. فيه فجوة كبيرة بين البيت، وبين العالم بتاعها مع صحابها.. نقول مثلا من ناحية التكنولوجيا، بتشوف إنها بتتكلم مع صحابها عن السوشال ميديا، ومامتها وباباها لسه رافضين الفيسبوك والتيك توك وبينتقدوه طول الوقت، ومش بيتكلموا عن مميزاته.. فاللي بيحصل إنكم بتبقوا على طرفي نقيض.. هي مع صحابها في عالم، وانتي وباباها في عالم مختلف تماما..

⚡️ كل ده بيحسس بنتك بالعجز، وإنها ملهاش أي تحكم ولا سيطرة على حياتها، بيحسسها إنها مقيدة، ومش عارفة تطلع شخصيتها على طبيعتها، أو بتحس إن شخصيتها غير مقبولة نتيجة لكل التصحيح اللي بيحصلها طول الوقت..

⚡️ البنات (والولاد) لما بتتسحب منهم السيطرة وهما صغيرين، بيبقوا عايزين ينفسوا عن اللي هما حاسينه كبت من ناحيتهم، فبينفسوا الكبت ده في صورة تعمد رسوب في المواد، أو تعمد انهم يلبسوا لبس، هما عارفين كويس أوي إن أهاليهم مش هيبقوا راضيين عنه علشان بس يحسوا إن في إيدهم السيطرة..

⚡️ أنا هنا مش هتكلم عن أد ايه التيك توك كارثي، لأن كلنا عارفين أد إيه هو فيه حاجات مش كويسة.. لكنه أصبح في حياتنا، وكل ما هترفضيه، كل ما بنتك هتتمسك بيه أكتر.. لكن ممكن نفكر في إن كل حاجة ليها عيوبها ومزاياها، وإننا نقول الحقيقة زي ما هي.. التيك توك مثلا مش كله وحش، فيه حاجات كويسة كتير، بس ده بناء على اختيار كل شخص.. لو كلمتيها بالمنطق وانك تقولي الحقائق، مش تقولي كلام غير منطقي هي مش بتصدقه، وكمان بتشوف إنك بعيد أوي عن العالم بتاعها.. لو اتكلمتي عن حقائق واتكلمتي بالمنطق، هي هتستجيب تدريجيا.. ومقاومتها لكلامك هتقل..

⚡️ كمان محتاجين إننا نديهم الثقة.. نحسسهم إنهم أشخاص كويسين.. نحسيهم إن رأيهم كويس وناخد بيه.. ندور على الحاجات الحلوة اللي بيعملوها، ونبرزها ليهم علشان احنا مرايتهم اللي بيشوفوا كل حاجة من خلالنا..

⚡️ محتاجين نديهم مساحتهم ونسمعلهم من غير تريقة ولا تهزيء، لو سمعناهم كويس، هيحبوا قعدتنا وكلامنا معاهم.. كلنا بنحب اللي يدينا اهتمام.. كل ما سمعناهم، كل ما فهمناهم وقدرنا نتصرف معاهم بطريقة مظبوطة..

📌📌 الجيل ده مثقف ومنفتح جدا.. علشان كده محتاجين كلامنا يبقى على نفس مستوى ثقافتهم علشان نوصل لفكرهم ونقنعهم يشفوا الصح صح، والغلط غلط، متبقاش مقاومة من باب إثبات الذات والسيطرة..

دمتم فى حفظ الله جميعا

تهنئة رسول الله صلى الله عليه وسلم .
أهنئكم بها وأهديكم إياها.
*.(عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
أَتَاكُمْ رَمَضَانُ شَهْرٌ مُبَارَكٌ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ، تُفْتَحُ فِيهِ أَبْوَابُ السَّمَاءِ، وَتُغْلَقُ فِيهِ أَبْوَابُ الْجَحِيمِ، وَتُغَلُّ فِيهِ مَرَدَةُ الشَّيَاطِينِ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا فَقَدْ حُرِمَ)
الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،،
مُبارٓكٌ علٓيْكُمْ شّٓهرُ رٓمٓضٓان

تعلن
اكاديمية الرحاب لتنمية المهارات
عن استقبال الأطفال طوال شهر رمضان المبارك مساًء بعد الإفطار
لو عاوزة تصلي التراويح براحتك وتسيبي أولادك استضافة بعد الإفطار أهلا بيك هنستغل الفرصة ونزودهم بمعلومات فقهية عن الشهر الفضيل، والكبير منهم هنعلمه إزاي نلتزم وقت الصلاة ونحترم المسجد ونحكي قصص عن الصحابة ويعيشوا معانا أجواء رمضان الجميلة
للاستفسار على رسايل الصفحة او واتس اب رقم 01008212874
01158471441
عنواننا
المنشية شارع صيدليه الرحمه خلف اسماك المنشية أمام صيدليه الجهيني ومركز انوار مكه التخصصي
https://www.facebook.com/AlRehab.Nursing.Qena?mibextid=nW3QTL
لينك الصفحة

⭕للمره التانيه💪
✨مركز وحضانة الرحاب بيقدملك ورشة عمل في
(ماذا تعرف عن التوحد)
لأولياء الأمور والطلاب 👌🤍✨
ورشة العمل مجانيه
ذكاة علم 👀✨والشهادة برسوم بسيطه
✅العدد محدود .......
يوم السبت 3/5
الساعه( 12)الثانيه عشر ظهراً باذن الله 🌹🌹
للتواصل
وتأكيد الحجز واتس وفون ...
‏‪0101436 2057‬‏
01008212874