دراسات اجتماعيه للمرحلة الابتدائية والاعدادية

السلام عليكم ورحمه الله وبركاته
ترم موفق باذن الله
متاح باذن الله اماكن محدودة جدا للصفوف الإعدادية والابتدائية..
للتواصل خاص

متاح عقد المراجعات النهائية باذن الله للمرحلة الابتدائية والإعدادية للتواصل خاص..بالتوفيق للجميع

متاح حجز المذكرات الاتيه للتواصل خاص بالتوفيق للجميع يارب

السلام عليكم ورحمه الله وبركاته
مع احترامى لكل الزملاء الأفاضل مدرسين ومدرسات.....
بلاحظ فى بعض المدرسين أو أولياء الأمور بتعلق فى اى بوست انى كل مدرس بيقدر سعر حصته على حسب شغله يعنى لو شغله قليل حصته يبقى سعرها قليل والعكس ..
احب اقول انا مدرسة وشغلى لايقدر بثمن حتى لو حصتى سعرها قليل أو كبير الفكرة انك بتدى علمك وبتحاول تفيد وتستفيد لكن سعر الحصة عمره ماكان مقياس لشغلى أو شغل اى مدرس بيعامل ضميره فياريت بلاش نقيس شغلنا بسعر الحصة وفى الاخر بيكون اتفاق مابين المعلم وولى الأمر وربنا يوسع علمنا ورزقنا يارب العالمين .. تحياتى لحضراتكم جميعا

👌👌
خدعوك فقالوا: التدريس تدريس وبس!

أوعي تصدق إن التدريس معناه كتاب ودرس وواجب وبس، أو إنك لازم تكون جامد وقاسي عشان الطلبة “تحترمك”.
التدريس قبل ما يكون مهنة، هو رسالة فيها حب للطفل، وصبر على بطء الفهم، ورحمة لو غلط، وتشجيع لما يحاول.

في التدريس في علاقة إنسانية بين المعلم والطلاب، في دفء ونصيحة، في كلمة حلوة ترفع معنوياتهم، في تقدير لكل طالب مهما كان مستواه، وفي راحة نفسية تخلي الفصل بيتهم التاني.

المدرس الشاطر مش اللي يحفظهم الدرس، لكن اللي يعلّمهم بحب، ويخلي التعليم رحلة جميلة مش واجب ثقيل.🥹♥️♥️♥️

👌👌
كلمتين في التدريس ♥

- انت كمُدرس مش مطلوب منك إنك تعجب كل طالب وتكون علي هواه ، لكن مطلوب منك تشتغل بضمير وبِجد وتأدي رسالتك الاخلاقية والعلمية علي أكمل وجه عشان انت بتتعامل مع ربنا وبس

- الناس كلها مش بتتفق علي حد فالبتالي مش كل الطلبة هتتفق عليك ولا كلهم هيختلفوا عليك عشان متقعدش تجلد في ذاتك وتسأل نفسك انت قصرت في ايه !
متشلش هم هي دي طبيعة البشر حتي لو قِدت صوابعك العشرة شمع

- طول ما انت شغال باجتهاد وبتقوي نفسك وبتطور نفسك ومش همك الضحك والهزار والمرقعة في الحصة .. هتلاقي الطالب اللي بيحب الضحك والهزار والدلع دا مش جاي تاني ودا خير وبركة جدا لان نوع الطالب دا بيقلل من هِمتك ونشاطك ، وهتلاقي الطالب المحترم المجتهد مكمل ودا اكبر مقياس لشغلك الصح 👌🏻

- الرزق كدا كدا هيجيلك والله .. ومفيش حد كبير في الشغلانة دي والشغلانة دي مش احتكار لحد

- المهم تراعي ضميرك لأن معيارك الوحيد ودعايتك هو الضمير وشغلك الصح مش الضحك والهزار وقلة الادب عشان تجذب الطلبة لأن الطالب الصغير دا مسيره يكبر ويعرف مين اللي كان بيضحك عليه ومين اللي كان بيعلمه صح ♥👌🏻