QU Connect

ليه مجرد فكرة المستقبل ممكن تستهلك طاقتك؟ 👀

القلق من المستقبل بيخلّي عقلك يفضّل شغّال في سيناريوهات “ممكن تحصل”، حتى لو مفيش دليل حقيقي عليها.

📌 النتيجة:
• إرهاق ذهني مستمر
• تأجيل قرارات كتير
• توتر من غير سبب واضح

🧠 المشكلة إن محاولة إيقاف التفكير بالقوة بتزوّد القلق بدل ما تقلّله.

✨ الحل:
⬅️ ركّز على اللحظة الحالية
⬅️ خُد الأمور خطوة خطوة
⬅️ اسأل نفسك: أقدر أعمل إيه دلوقتي؟

لو القلق بقى بيأثّر على يومك بشكل مستمر، مهم تاخد الموضوع بجدية وتتعامل معاه بدري 🤍

اتفرّج على الإنفوجرافيك ده عشان تبدأ العلاج وإنت فاهم 👇

ما بين كل رحلة نجاح والتانية… بيكون فيه أشخاص مختلفة 🤍

أشخاص بيؤمنوا إن التعليم مش مجرد دراسة، لكنه بناء إنسان قادر يحقق تأثير حقيقي في مجاله ومجتمعه.

فخورين باستضافة د. سلام علي شوري، مدير برنامج العلاج الطبيعي، في QU Connect Podcast ✨🤍
شخصية أكاديمية متميزة ساهمت في تطوير البرنامج ودعم الطلاب، وكان لها دور مؤثر في تعزيز الجانب العلمي والعملي داخل الكلية.

خلال اللقاء، يشاركنا رؤيته حول مستقبل العلاج الطبيعي، وأهم المهارات التي يحتاجها الطلاب للنجاح والتميّز، إلى جانب العديد من الخبرات والتجارب التي تُثري الرحلة الأكاديمية والمهنية 👀

انتظروا الحلقة كاملة قريبًا على منصة QU Connect 🤍

في آخر حلقة من سلسلة "اعرفها قبل ما تختارها"، حبّينا نختم بكلية الهندسة، واحدة من أصعب الكليات على مستوى العالم 😅

بزاوية مختلفة أقل رومانسية، وأكثر واقعية، هنتكلم بصراحة عن:

📍 هل السوق بيحتاج كل التخصصات بنفس القوة؟ ولا في تشبّع واضح في بعض المسارات؟
📍 هل النجاح فيها مرتبط بالكلية نفسها… ولا بالمهارة اللي بتبنيها برّه المنهج؟
📍 والأهم: هل طبيعتك إنت مناسبة لضغطها ولا هتدخل في صراع مستمر مع نفسك؟

الحقيقة اللي مش بتتقال بشكل كافي:
الهندسة مش مسار واحد، ومش كل خريج هيعيش نفس التجربة. في ناس بتبني مستقبل قوي جدًا، وناس تانية بتتخرج وتكتشف إن “الشهادة وحدها” مش كفاية في سوق بقى بيعتمد على المهارة أكثر من الاسم.

لو هندسة ضمن اختياراتك…
شوف الكاروسيل للنهاية قبل ما تاخد قرار 👇🏻

تحت رعاية الأستاذ الدكتور/ أحمد عكاوي، رئيس جامعة قنا، والاستاذ الدكتور اشرف موسى نائب رئيس الجامعة للتعليم والطلاب، والأستاذ الدكتور/ حسين عبد الباسط، عميد كلية الإعلام وتكنولوجيا الاتصال،
تتشرف كلية الإعلام بجامعة قنا بدعوة سيادتكم لحضور مناقشة مشروعات تخرج قسم الإعلام الإلكتروني 2026، وذلك بحضور وتشريف كبير من الكاتب الصحفي الأستاذ/ مصطفى بكري، يوم الأحد الموافق 31 مايو 2026، في تمام الساعة العاشرة صباحًا، بقاعة المؤتمرات بكلية الإعلام وتكنولوجيا الاتصال.

بتفكّر كتير في بكرة؟
حاسس إن المستقبل ضباب ومش واضح؟
وكل ما تحاول تطمّن نفسك… تلاقي عقلك بيخلق ألف سيناريو أسوأ من التاني؟ 👀

الخوف من المستقبل مش دايمًا بيكون ضعف…
أوقات بيكون ضغط، مقارنة، أو حتى خوف من خطوة لسه مجهولة.

ومع الوقت، القلق ده ممكن يخليك: تأجّل قرارات،
تفقد شغفك،
أو تعيش طول الوقت في توتر مستمر من “اللي جاي”.

بس هل فعلًا المستقبل مخيف؟
ولا إحنا أوقات بنخوّف نفسنا أكتر من اللازم؟

استنّوا الإجابة قريبًا من QU Connect ⌛

في كل كلية… فيه ناس وجودها بيعمل فرق حقيقي.
ناس بتسيب أثر في الطلبة قبل المحاضرات، وبتخلق مساحة للإبداع والتطوير والدعم الحقيقي.

فخورين إن د. أحمد خيري عرابي كان جزءًا من رحلتنا، بشغفه في مجال الإعلام الإلكتروني، وبكل المجهودات والإنجازات اللي قدمها داخل الكلية وخارجها 🌟

وجود حضرتك على منصة QU Connect إضافة كبيرة لينا، وفرصة حقيقية إن الطلبة تستفيد من خبرة وتجربة تستحق تتسمع.

شكرًا على كل دعم، وكل فكرة، وكل أثر بيتساب في جيل كامل 🤍

استنّوا اللقاء كاملًا على موقع QU Connect 🤍

بمناسبة عيد الأضحى المبارك… كل سنة وإنتوا طيبين وبخير 🐏🤍

في QU Connect بنشوف إن العيد مش بس فرحة، لكنه كمان قيمة في العطاء، والتضحية، ولمّة بتجمع القلوب على الخير 🤍

كل فكرة بتتقدّم، وكل خطوة بتتعمل، وراها ناس بتبذل مجهود عشان تصنع فرق حقيقي… وإحنا مؤمنين إن التواصل هو الجسر اللي بيقرّب المعاني دي من بعض.

عيد أضحى مبارك عليكم جميعًا 🌙
ومكمّلين دايمًا نكبر بفكرة، ونقرّب بتواصل، ونبني أثر يفضل ✨

طب مش بس شهادة… دي حياة كاملة بتتغيّر 😅

في طريق الشهادة دي فيه سهر، قرارات مصيرية، ومسؤولية ممكن تغيّر حياة إنسان كامل في لحظة.

في الحلقة السادسة من "اعرفها قبل ما تختارها" بنفتح ملف كلية الطب بوضوح 🥼

📍 هل فعلًا تقدر تتحمّل ضغط المذاكرة المستمر؟
📍 هل عندك القدرة تتعامل مع حياة وموت بشكل يومي؟
📍 وهل الطب اختيار مناسب لشخصيتك ولا مجرد صورة مثالية؟

افتح الكاروسيل وشوف الحقيقة كاملة قبل ما تقرر 👇🏻

"مافيش حاجة اسمها فشل، كل خطوة بتاخدها هي بداية نجاحك" 🤍

دي رسالة شهد لطلاب كتير بيحلموا ويجتهدوا كل يوم ✨

من طالبة في Computer Science جامعة قنا… لبنت قدرت تحقق حلمها وتسافر منحة لبولندا، بشغفها، وتعبها، وإيمانها بنفسها 👩🏻‍💻🌍

رحلة شهد ماكنتش سهلة، كانت مليانة تعب، ضغط، ومحاولات كتير…
لكن كل خطوة، حتى الصعبة منها، كانت بتقربها أكتر لحلمها الكبير 💫

رحلتها تذكير لينا إن النجاح عمره ما بييجي صدفة، بييجي من السعي والتطوير، وإنك تكمّل حتى وقت الخوف والتعب 🤍

ودي كانت مجرد بداية لطريق أكبر، وأحلام أكتر لسه جاية ✨

استنّوا اللقاء كاملًا على موقع QU Connect 🤍