English Kids Club

06/11/2023

Welcome back
For online sessions only

Emirates and saudi materials

Just up the post🙂

06/11/2023

Play again😍
And share with us your result🫶

Random wheel - Spin the wheel to see which item comes up next.

03/04/2023

♥️♥️Ramadan Kareem♥️♥️

كل سنة وانتم طيبين
راجعين عشان نقولكم محتويات الكورس بتاعنا وتفاصيله.
لكل أم بتعاني من مذاكرة اللغة مع ابنها أو بنتها وبتضطر تقعد تحفظه الكلمات بالساعات ويرجع بعد ده كله ناسيها بمجرد ما بيقوم من جنبك😁

احب اقولك احنا جبنالك الحل العملي
اللي هيخليكي تعلمي ابنك بنفسك ازاي يحفظ الكلمات لوحده من غير مجهود منك ومن غير طبعا اللجوء لسلاح الام المصرية الاصيله😅

كورسنا متقسم مستويات بس هنبدأ معاكم بأول مستوى اللي هنتعلم فيه ازاي تذاكري لابنك انجليزي وتعلميه ينطق صح💪

محتويات الكورس

1-phonics teaching methods.
2-difference between phonics and phonetics
3-How to teach phonics.
4- Sounds of letters from A to Z.
5-Methods and challenges in teaching phonics.
6-Different strategies for dealing with individual differences.
7-The difference between short and long vowels.
8- Diphthongs.
9-Tricky words.
10-CVC strategy.

كل ده هنساعدك فيه وهنخليكي كمان تقدري تكوني تيتشر ممتاز جدا لابنك.

الكورس هيكون ف الاجازة ان شاء الله بداية من نص شهر ٦
للحجز برجاء التواصل واتس اب ع رقم
01090092907

أو الاتصال تليفونيا ع نفس الرقم
وان شاء الله الكورس هيكون ف قاعة نزل الشباب بقنا امام مستشفى الهلال.

تابعونا ع صفحتنا
English Kids Club

15/03/2023

عندنا مفاجئتين الفترة الجايه

مفاجأة للماميز المطحونات
ومفاجأة لولادنا الحلوين

مفاجأة الماميز

هننزل سيشنز تأسيس للماميز بسعر رمزي جدا
هنتكلم فيها ازاي نذاكر انجليش مع ولادنا صح

وهنزلكم تفاصيلها قريب جدا

مفاجأة الاولاد الحلوين
هنعمل كورس تأسيس جرامر وكورس تأسيس فونكس
وبرده هيكون بسعر رمزي

عنوانا: محافظة قنا... عمر أفندي.. بجوار المعهد الديني
للتواصل واتس اب
1090092907

05/03/2023

أخرنا عليكم🫣
وراجعين نكمل مع بعض اللي بدأناه

نخش ف الموضوع ع طول -بصوت طلعت زكريا😅-
طفلنا حاليا بقى كويس ف مسكة القلم ؟
ازاي اقدر اقيمه؟؟
لو ابنك أو بنتك بيمشوا ع ال trace من غير ما يبعدوا عن الخطوط يبقى انتي كده ماشية صح🥰
لكن لو لسه بيغلط وأيده مهزوزة أو بيبعد عن الخط
أو في خطوط باتجاهات معينه مش بيعرف يوزن ايده عليها
ف الحالة دي هنحتاج نديله شوية تمارين تقوي أنامل الايد وتزيد من اتزانه ف مسكة القلم.

هنقول هنا شوية منهم يقدروا يساعدوكم ف البيت انكم تكملوا معاهم اللي بداتوه.

التمرين الاول: تمرين المشابك
من أسهل وابسط التمارين اللي ممكن نعملها ع شكل لعبة مع الطفل. ممكن مثلا نقص شوية صور ونوزعها ع شكل دايرة وكل اما اقوله ع صورة اطلب منه يجيب المشبك ويركبه ع الصورة المطابقة. وطبعا التمرين ده حلو جدا لانه بيشتغل ع صوابع الإبهام والسبابه المهمين ف مسكة القلم.

التمرين التاني: تمرين الملقاط

اه والله زي مبقولك كده😅 هو اسمه كده

هتجيبي اي حاجه يقدر ابنك أو بنتك يسحبها بالملقاط
واطلب منه ينقلها لطبق تاني فاضي زي لعبة صيد السمك كده
والهدف منه برده تنشيط عضلات الايد وصوابع الإبهام والسبابه.

لو محتاجين تمارين اكتر ابعتولنا ف الكومنتات
😍😍😍

10/02/2023

متعة التعلم😍

04/02/2023

أخرنا عليكم🥰

راجعينلكم بلعبة حلوة للاولاد😍

خليهم يلفوا العجلة

ويحاولوا يوقفوها ع لوجو ال club

واللي ينجح انه يوقفها ع اللوجو

ياخد اسكرين شوت

وينزلها ف كومنت🤩

Random wheel - Spin the wheel to see which item comes up next.

30/01/2023

بنعتذر لكل اللي قدم ع وظيفة الأسيستانت
ومكانش لينا نصيب معاه

ربنا يكرمهم بالأفضل دايما
تابعونا ع الصفحة وهنعلن قريب عن وظايف بارت تايم تاني

شكرا لكل اللي قدموا🥰

24/01/2023

النهاردة هنتكلم عن الخطوة الرابعة ف التأسيس
وهنا هنكون بدأنا نطمن ع ان الطفل قدر يوزن ايده كويس ف مسكة القلم

هنبدأ بال small letters عشان نبسط ع الطفل
وهنبدأ نعرفه اسم الحرف وشكله وطريقة كتابته الصحيحة

نركز كويس ع كل الحاجات اللي انا قولتها دي
يعني مفيش مشكله ناخد حرفين ف الأسبوع
المهم انه يكون اتمكن من كتابتهم وعرف شكلهم كويس اوي

طبعا اهم حاجه ف المرحلة دي ال activities اللي هنوصل بيها المعلومة للطفل

يعني أرجوكِ كأم أو كتيتشر 👩‍🏫
بلاش نكره الطفل ف التعليم ونفضل نقوله انزل بالحرف عواميد🥲
بلااااش بلاااااش
هيكرهك ويكرهني ويكره اليوم اللي شاف فيه المس🙃

في ألعاب كتير تعليمية ممكن نستعين بيها ونقدر نخلي الطفل يتشد للسيشن ويبقى كل سيشن بيجيلك جري🥰

اتفرجي ع ال reels عندنا لو عاوزة تعرفي ايه الطرق الشيقة للتعليم😍

شير كتير لو عاوزينا نفضل مكملين ف السلسلة
و up كتير للبوست عشان نقدر نوصل لماميز كتير نفسهم يعرفوا يذاكروا ازاي مع ولادهم ف المناهج الجديدة😘

20/01/2023

خلصنا ال tracing 😃

مبرووووك

ندخل ع الخطوة اللي بعد كده

الطفل مدام اتأكدنا انه قدر يمسك القلم
ويوزن ايده كويس
ف الحالة دي بس نقدر نقولك
مبروووك يامدااام😄

ابنك أو بنتك بقوا جاهزين عشان يبداو يكتبوا

🙄🙄🙄ايه ده يامس؟؟؟؟ كل ده ولسه يادوب هيبدأوا
يمسكوا القلم!!!!!!نهااااار اسود🫣🫣🫣

قولنالك من الاول ياست الكل
عاوزة تأسيس صح يبقى لازم تطولي باااالك اوووي
معلش المشوار طويل
بس طريق الألف ميل بيبدأ بخطوة🥰🥰

وهنوصل بإذن الله🙂

طبعا طول الفترة اللي فاتت محتاجين نفضل نسمع الطفل أغاني كتير جدا in English

ده هيفرق جدا معاهم ف الخطوة الجاية

الطفل هتكون ودانه أخدت ع أسماء الحروف وكمان ع أشكالها
وده بسبب اننا قدرنا نشغل كل حواسة الفترة اللي فاتت

الفيديو ده بيشرحلكم أنا أقصد ايه🥰🥰

Get the Super Simple App for iOS! ► apple.co/2nW5hPdLearn the alphabet with this collection of lowercase ABC and songs!Includes The Super Simple Alp...