مستر رياضيات /محمد سامح

رساله 🙋
نفسي امسك كل طالب و طالبه وقولهم علشان خاطر ابوك وامك ذاكر ... انت مش عارف دول بتعبوا علشانك اد ايه !!

ربنا يعين كل ولى أمر على مسؤولياتهم ويسعدهم بتفوق أولادهم يااااارب العالمين ويعوضهم بكل تعب وحزن إلى راحة وفرح 🤎🙏🙏🙏

كل مدرس له اسلوبه وطريقته وربنا يوفق الجميع
مدرس عايز يعمل كورس في الإجازة .. كويس وهيلاقي طلاب محتاجينه جدا
طب مدرس مش هيعمل .. هو حر براحته
محدش بيضرب أو بيجبر طالب أو ولي أمر علي شئ ..

مدرس بدأ يحجز للعام الدراسي الجديد وبيعمل إعلانات .. أكل عيشه وبياخد بالأسباب وبيتوكل على الله ، وأعتقد إنه لا بيجبر حد ولا بيضرب حد على إيده عشان يروحله
طب مدرس ممشيها من غير حجز ولا إعلانات ..
هو حر ودي طريقته في شغله .

مدرس بينزل شغله وصوره مع طلابه وفرحان بنجاحه ومجهوده معاهم .. لا يقلل منه والرجل حاسس إنه تعب مع طلابه .

طب مدرس تاني ملوش في التصوير ومركز في شغله بس .. حاجة كويسة جدا ويُحترم .

طاب مدرس بيحب يرسم الدور وياخد اللقطه وبيحب يحور علي الناس وهو مقتنع وحاسس أنه كده سالك وزي الفل وتمام كل واحد علي قد نيته والناس مش عبيطه ولا هبله كل واحد عارف مين المدرس الكويس والمدرس اللي مش كويس..محدش عبيط ...

مدرسين لسة متخرجين وبيدوروا على أكل عيشهم وعاوزين يدوا دروس بدل ما يقعدوا ع القهوة ، وبيعملوا إعلانات .. بلاش نحبطهم ونكسر مجاديفهم ، ربنا يوفقهم .

من الآخر كل واحد حر في طريقة شغله طالما ماضرش غيره أو جاب سيرة زميله أو اغتابه.

وياريت اللي يقدر يساعد حد ميتأخرش لأننا في الاخر كلنا اخوات ومحدش بياخد رزق غيره

طبعاً أسعار الكتب السنة دي هتكون في العالي اوي كان الله في عون أولياء الامور

- ‏انا لو كنت عايش فالعصور الوسطى :

❤️