16/01/2026
في مهنة التدريس… الواحد مع الوقت يفهم إن أجمل حاجة ممكن يطلع بيها،
مش تقدير الناس ولا الكلام الحلو،
لكن إن ربنا يكرمه بقلب طالب يدعيله من غير ما يحس 🤍🤲
الحمد لله دائمًا وأبدًا… الفضل كله لله وحده 🌿
الرسالة دي من سلمى،
بنت كانت معايا من إعدادي لحد أولى ثانوي علوم متكاملة 📚،
ودلوقتي في تانية ثانوي…
ولولا إن مفيش أحياء السنة دي، كنت كمّلت معاهم بكل حب،
لأنهم فعلًا مش مجرد طلاب…
دول نعمة من نعم ربنا في حياتي 🤍
دفعة كاملة ربنا شرّفني إني أكون جزء صغير من طريقهم 🌱
وكل كلمة فهموها، وكل خطوة تقدموا فيها،
هي أولًا وأخيرًا بتوفيق ربنا وكرمه…
ربنا هو اللي بيزرع، وهو اللي بيبارك، وهو اللي بيكمّل 🤲✨
أنا عمري ما دخلت حصة وأنا مستنية شكر،
ولا كلمة، ولا حاجة من الدنيا…
كنت دايمًا بدعي إن ربنا يستخدمّني سبب،
سبب بسيط في فهم،
أو طمأنينة،
أو ثقة في نفس طالب أو طالبة 🤍
ولو حصل أي خير، فهو من عند الله وحده 🌿
ولو في حاجة أتمناها من قلبي،
فهي إن طلابي يفتكروني بدعوة حلوة،
وربنا يتقبلها مني ومنهم،
ويجعلها سبب خير لينا كلنا 🤲🤍
شكرًا يا سلمى من كل قلبي 🌸
كلامك فرّحني ولمس قلبي قوي،
وإنتِ فعلًا من الطلاب الغاليين على قلبي،
ودايمًا بعتبرك أختي الصغيرة قبل أي حاجة 🫂🤍
ربنا يحفظك ويكتب لك الخير والتوفيق ويحقق لك اللي تتمنيه 🌷
الرسالة دي نعمة كبيرة أحمد ربنا عليها،
ودعوة حلوة أحتفظ بيها في قلبي قبل ما تكون بوست 🤍
اللهم لك الحمد كما ينبغي لجلال وجهك وعظيم سلطانك 🤲✨
ربنا يديم الستر والفضل، ويجعل اللي بنعمله خالص لوجهه الكريم 🤍
![هل ابنك / بنتك يواجه صعوبة في فهم العلوم أو الساينس؟الحل يبدأ من هنا 👇أنا ✨ [ آلاء رشوان ] ✨🎓 بكالوريوس علوم وتربية – قس...](https://img5.schoolandcollegelistings.com/837/483/122168488148374839.jpg)
