Dr-Ayman.Tesla-Physics.Page

يلا بينا اول الامتحانات الشامله للترم التاني ...
ربنا يحفظكم ويوفقكم ...
فخور الحمد لله بنوعية طلابي الترم ده ...

عشان مبحبش حرق جاز فى الفاضي ولا بدخل فى جدل عشان دماغي دي كلفتني سنيييين تعليم وفلوس كتير فمضطر اعيد كتابه اللى بقوله من سنه والاسئله اللى كل يوم بتسألها
البكالوريا احسن ولا الثانوي ؟
= لو بنتى هختار البكالوريا
--------
اللى نعرفه احسن من اللى منعرفوش ؟
= امال من اللي بيعيط كل سنه بعد الامتحانات وبيشتم فى الثانويه
----------
بيقولوا اللى مش هيجيب مجموع طب حكومه مش هيدخل الا طب خاص بفلوس كتير ؟
= هو انت مش واخد بالك مثلا ان الجامعات الخاصه موجوده وشغاله زى البلا من كم سنه
------------
المفروض طالما اختياري يبقى براحتنا
= جميل وبالعقل كده هيجيب مدرسين للقديم ومدسين للبكالوريا وفصول لده وفصول لده ؟
--------------
النظامين هيبان الميزات والعيب بتاع كل واحد كمان كم سنه صح؟
= لا يمكن النظامين يكملوا سوا هل مثلا بالمخ كده هتمتحن شهور 5 و6 و7 و8 وبعدها تبدأ السنه الجديده ؟ هل التصحيح والكنترولات هتشتغل طول السنه ؟ هلى الشرطه هتأمن المدارس من مايو اربع شهور متتاليه ؟ مش المدارس دي لازم يتعملها صيانه ودهان فى الصيف ؟؟ فلازم نظام هيموت عشان التانى يعيش
--------------
طب رأيك نختار ايه؟
= أساسا انك مفكر ان فيه اختيار ده الغلط نفسه ياباشا فيه بكالوريا جايه جايه فخليك واقعي وفكر بدل اللطم والعياط وشغل الشيعه ده
-----------
بيقولك البكالوريا مش معتمده؟
= معامله الدول حاليا للتعليم المصري سواء البكالوريا شبه الثانويه طنطا زي فرنسا واتوقع الوزير مش هيهدى الا لما يعمل اتفاقيات مع دول أوروبيه عشان ينجح السيستم بس وبما ان دكتور طارق شوقي كان بيطبق سيستم امريكي فاكيد الوزير الحالى لازم يخالف ده فهيجيب سيستم اوروبي على اسيوي ميكس جديد فى الأغلب والله اعلم ( دي مش معلومه دي مجدعه مني مش اكتر)
----------
بيقولك أصل المناهج هتبقى نار فى البكالوريا ؟
= محدش يعرف محتوى أى ماده وكل اللى بيتقال هري واذا كان منهج العلوم المتهالكه الاهبل مبيظهرش الا قبل الدراسه باسبوعين فانت بتفتي
------------------
بس تالته المواد مستوى رفيع ؟
= وهو ان شاء الله طالب المفترض محدد هدف يقعد تالته ثانوي سنه كامله بيدرس مادتين بس فى البكالوريا ويشتكى منهم - ماحنا كنا بنمتحن عشر مواد واكتر طول عمرنا فبلاش محن
----------------
اصل كل المدرسين بيقولولنا بلاش بكالوريا
= عشان سبوبه الدروس هضرب مثل بالفيزيا ( بلاش العربي عشان بيتقمصوا خليها علينا ) كان كل تانيات علمى بياخدها عافيه لكن فى البكالوريا ممكن مسار الطلب يخلع من الفيزيا تماما تانيه وتالته كمان
---------------
طيب الاحسن مسار طب يختار فى تانيه فيزيا ولا رياضه
= اللى هيحصل ان مدرسين الرياضيات فى أولى هيخوفوا العيال من الفيزيا عشان يختاروا مادتهم فالسبوبه تشتغل معاهم فى تانيه وطبعا هيلعب على نقطه ان الرياضه ماده محدوده ليها اول وليها اخر ونص الناس عندى بتقفلها يا حموكشه كمان نظرا لان طالب اولى مشافش بتاع الفيزيا عشان يلعب هو كمان فى مخه وأساسا الفيزيا ماده سيئه السمعه ههههه وفعلا ده اللى هيحصل اغلب طلاب اولى السنه الجايه اللى هيروح مسار طب هيختار رياضه والاقليه هتختار فيزيا هوب هوب هيترقعوا امتحان رياضه ابن ستين فى سبعين والفيزيا يجي سهل فالدفعه اللى وراهم تعكس كله يروح فيزيا ويطنش الرياضه وهكذا قط وفار والنهايه بعد كم سنه اتوقعها تلتين رياضه وتلت فيزيا والله اعلم
---------------
أما الاسئله اللى بتجيلي من المدرسين ايه وضع السبوبه فى البكالوريا ؟؟
= لو انت عجوز زى حالاتي اعمل فلاش باك للتسعينات - في المدن الصغيره زى بورسعيد كان فيه كم مدرس فى الماده ثانويه عامه فى الدروس بالكتير 3 او 4 فى الماده دول كانوا عتاوله ومعلمين بجد وده اللى هيحصل بعد كم سنه من دلوقتي فانت لو عارف انك مدرس على الله حكايتك ومستخبي فى الاكونتات الفيك والطبل والرقص والمحن فى السنتر فانت يا جميل ترجع تدرس نقل وتنزل اعدادي لوحدك لانك هتعملها هتعملها فى الاخر ولو انت فعلا عارف انك جامد علميا فنصيحه ليك ترمي الايجو والغرور بتاعك تماما واعمل حسابك انك هتحضر وتذاكر بجد كل يوم ساعات طويله مش هتمشي عافيه ودراع ولا المعتزه بحجابها ترشحك على الفيس ولا حركات السكرتاريه المهروشه وبوستات مجهوله الهويه تقول انك جامد واسرع من السوبر جيت
من زمااااااااااااااان قلت الكلام ده كله والناس هاجمت وشتمت - انا راجل واقعي و سبوبه الدروس مش هي اللى بتوجهنى فى الكلام لان واضح ان من اكتر ناس هتتأثر بنقص عدد طلاب هما الفيزيا - اللى بقوله مع المدرسين هو اللى بقوله لاولياء الامور هو اللى هختاره لبناتى - انا اتعلمت ان يكون عندي وش واحد وطريقة كلام واحده ومقدرش انصحك غير بكل أمانه رغم ان اغلب الناس حاليا لا تستاهل النصيحه ولا هتسمعها الا بعد فوات الاوان

اتجاه الخطوط عكس عقارب الساعه
إذن اتجاه التيار للخارج ..
قولنا ميت مره فلمنج ايدك اليمين يا عم مش الشمال يا شمال

صحيح .. حجز الترم التانى من الساعه ٤ إلى ٨ عشان متجيش ونقولك مفيش ..

Physics Revisions G11

الحمد لله ٣ ث تم الانتهاء من الفصل الثاني ..
ومتاح انضمام طلاب جدد بعد انتهاء الاختبار الشامل مع بدايه الفصل الثالث إن شاء الله ..
التفاصيل من خلال رقم الواتس

فيديو مواصفات امتحان فيزيكس تانيه لغات

G11- PHYSICS EXAM STRUCTURE#دكتور_مهندس_ايمن_تسلا_للفيزياء فيزيكس لغاتمواصفات امتحان فيزيا - 2 ثانوى فيزياء تانية ثانوي الترم الأول 2026 مراجعة ليلة الامتحان فيزياء الصف الثاني ال...

مواصفات امتحان فيزيا -2 ثانوي

مواصفات امتحان فيزيا - 2 ثانوى#دكتور_مهندس_ايمن_تسلا_للفيزياء مواصفات امتحان فيزيا - 2 ثانوى فيزياء تانية ثانوي الترم الأول 2026 مراجعة ليلة الامتحان فيزياء الصف الثاني الثانوي ال...

الحمد لله تم الانتهاء من منهج الترم الاول تانيه ث فيزيكس كاملا ....
وتبدأ المراجعه من الحصه القادمه ان شاء الله..
متاح قبول طلاب جداد بشرط الالتزام

حل الطالب بايده اهم حاجه في الفيزيكس..
تدريبات الفصل الثاني ..ثانويه عامه ..بورسعيد

حل الطالب بايده اهم حاجه في الفيزيكس ...
تدريبات الجمعه ..

فيديو هديه لتانيه ث
طبعا عندك مشكله فى رسم علاقات d,v,a ؟ تايه بين المنحنيات والخطوط صح ؟؟

#|🔥حل مشكلة المنحنيات 👌|رسم علاقات - فيزياء الازاحه والسرعه والعجله |d,v,t DIAGRAMS تانيه ثانويمنحنيات الازاحه والسرعه والعجلهdisplacement & velocity & accelerationphysics grade 11اول درس فيزياء تانيه ثا...