23/12/2023
بتقابلك مشكلة إنك تبقا فاهم الي بتسمعه بالإنجلش بس لما تتكلم بتحس إنك مش عارف تصيغ كلامك ازاي؟🤔
الجملة تبقا حاضرة في ذهنك كويس بس لما تيجي تقولها مبتطلعش صح زي ما فكرت فيها 😵
لو بيحصلك كدة متقلقش انت زي الفل 👍 تعالى بس نعرف ايه الخطوات الي نتبعها عشان نطلع الجملة زي ما بنكونها في دماغنا
مهارة المحادثة Speaking من المهارات الإنتاجية Productive skill ف دة بيخليها أصعب شوية. بس كدة كدة الحل موجود 😃 وهو إنك تشتغل على المهارة الاستقبالية Receptive skill المقابلة ليها وهي الاستماع 🎧
قبل ما نحاول نتكلم ونستخدم الحصيلة اللغوية بتاعتنا، هيبقا أكتر إفادة لينا وأسهل علينا كمان لما نسمع اللغة أكتر، سواء في الأغاني أو المسلسلات، ونردد عبارات بذاتها Fixed sentences عشان نتعود أكتر على تكوين الجملة في اللغة.
وبكدة، بعد ما نسمع كتير من أهل اللغة Native speakers هنلقط اللكنة الصح منهم 😃 ولما نعرف اللكنة هننطق كويس 👏 وبعد ما نسمعهم ونردد وراهم، هنحفظ أسلوب اللغة في الجمل، وبعد كدة هيبقا عندنا ال سنس بتاع اللغة Language sense 😃 وهنقدر احنا نكون جمل بنفسنا ونتكلم بطلاقة أكتر 🥳
ايه رأيك؟ 😃 مش حابب تجرب بنفسك؟
افتح دلوقتي أي مسلسل أو فيلم بالإنجلش والمرة دي ركز أوي مع الكلام وانسى خالص الترجمة
القط أي جملة منه، ورددها، لخد ما تتعود عليها، وبعدين بدل بالأفعال الي فيها أفعال من عندك، وبالأسماء الي فيها أسماء من اختيارك انت، وكذلك مع الضماير كمان لحد ما تحس إنها بقت سهلة أوي 😌
يلا جرب دلوقتي وهنستناك تقولنا في كومنت ايه الجملة الي لقطتها ورددتها وبقت سهلة عليك 😉
