Faculty of Management Technology & Information Systems - MTIS

Our departments.

TicTac⏳️

ياريت منتقلش ف الكحك عشان الكحك الحقيقي ع وصول ي شباب

كلية تكنولوجيا الإدارة ونظم المعلومات جامعة بورسعيد
Faculty of management technology & information system 💻

🛑 الكلية دي مفيش غيرها على مستوى مصر يعنى لو جيت هنا مش مش تعرف تحول غير لتجارة او تربية او اى كلية اقل منها وكمان لو انت من محافظة بعيدة او من الصعيد زي حالاتي ف تعمل حسابك في كدا
---------------------------------------------------------------------------------------
فى كام حاجة عايزك تاخد بالك منهم الاول وتفوق لنفسك فيهم كويس عشان متجيش تتصدم فى الاخر 👍

زى ما اى مكان فيه المميزات فيه العيوب :-

الميزة اللى شايفها هنا انك مش مضغوط ضغط باقى الاماكن من اسايمنتات وكويزات وابحاث كل شوية وبروجتكس
انت اول سنتين يعتبر اللى شاغلك ميد عملى شفوى و فاينال
هتلاقى مثلا تسليم شيت كل فين وفين وشكرا على كدا
الصياح اللى بيحصل دا بسبب ان الواحد بيتمرقع طول السنة ويزنق نفسه فى اخر اسبوعين
تمام دا الحلو

العيب اى بقا🚫

مفيش الكوادر اللى تأهلك لسوق العمل ولا تأهلك للتخصص اصلا
ااه زى ما قرات و دا موجود فى اغلب الكليات
هنا ان مكنتش جاى على خلفية فى تكنولوجيا المعلومات أو نظم المعلومات أو كومبيوتر ساينس حتى بيزيكس متجيش تسمع اللى بيتقال هنا منصحكش .

تعالى بس خد فترة الاجازة اتعلم بيزيكس مع نفسك
فرص العمل اللى كاتبها دى الكلية مش هتأهلك ولو بنسبة 5% ليها اوكى

الكوادر هنا على عينى وراسى بس لو هتعتمد عليهم وعلى التعليم الاكاديمى فى انك تشتغل فمعلش انت هتكون زى ما دخلت زى ما خرجت وكمان هتكون عندك مفاهيم ومعلومات غلط هتتعب وانت بتصلحها
فنصلح دا كله ازاى !!

دا فيديو لباشمهندس محمدد متولى كان بيتكلم فيه على تخصصات مجال الكمبيوتر عامة (https://www.youtube.com/watch?v=vGhy-JGnkpk&t=361s)

اغلب اللى هنا عارفين اسماء الحاجات دى انت دلوقتى معلش هنتعبك معانا بس دا لمصلحتك
SEARCH SEARCH SEARCH 📢
دور وابحث واعرف دا اى وبيتكلم عن اى واقرا مقالات وافهم الدنيا ماشية ازاى

هتدور وتلاقى الكومبيوتر انجينيرينج خاص بتصنيع الهاردوير وملوش سوق فى مصر يبقى مش هتشتغل فيه ف خلاص متقولش انا حابب الهاردوير ف هذاكر عشان اشتغل فيه
هتشتغل فى حاجة ملهاش سوق فى بلدك ازاى!!
انت اقرا واطلع بس متعشمش قوى فى شغل فيها

مش هقولك السوق شغال ازاى دلوقتى ولا متمركز على اى لانك لسه بدرى على ما تتخرج اولا
ثانيا سيرش بنفسك واعرف متستناش حد يجيبلك المعلومة جاهزة

نيجى لنقطة تانية
اعمل اكونت linkedin
بس انا مش هقدم على وظيفة دلوقتى !!
حبيبى انت هتعمله وتتابع الناس الكبار و الخبرة فى المجال تخش تقرا الخبرات و التجارب وشوية شوية يبدا التكوين فى دماغك ورؤيتك للمجال اوسع شوية وتقرا كلام مش فاهمه تبحث عنه

دى مجموعة من الناس اللى بتابعهم واقرا ليهم تجاربهم وخبراتهم فى الكومبيوتر ساينس لان دا مجالى انت حابب it , is في ناس هتعرفهم مع الوقت هيفيدوك اكتر وابحث يعنى اى information technology و يعنى اى information system

https://www.linkedin.com/in/ahusseinali/

https://www.linkedin.com/in/mostafasaad/

https://www.linkedin.com/in/mohamed-hammad-a720a622/

https://www.linkedin.com/in/mohamedabusrea/

https://www.linkedin.com/in/ahmedfathykhalid/

https://www.linkedin.com/in/metwally/

فى ناس كتير مش مقتصرة على دول بس انت مع الوقت هتعرفهم

فمعلش وخصوصا الدفعات اللى بتيجى جديدة عشان محسش بالذنب انك جيت واتصدمت واتقفلت من المجال بعد ما سمعت شرح فولان الفولانى
سيرش و دور وذاكر قبل ما تيجى متقولش لما اخش لا انت هتخش تتقفل وانا بقولك اهو ان مكنش عندك فكرة ومعرفة هتيجى تكره المجال كله وكمان تاخد معلومات غلط تثبت فى دماغك

هحطلك لينك الاسك بتاع دكتور مصطفى سعد برضو خش اقرا اسالة الناس عن المجال عامة وكمان عن فترة الدراسة اعمل اى و كدا و الردود هتستفاد جامد منها

https://ask.fm/mostafasaad87

بالنسبة للكلية دليل الطالب مهم ليك انك تعرف اللى عليك من اللى ليك دا تقرأه كويس وتاخد فكرة عن الدنيا ماشية ازاى متباش زى الاطرش فى الزفة

و فى الاخر انت محدش هيضربك على ايدك تيجى الكلية دى
انت اديك هتعرف المميزات و العيوب وانت اللى هتختار
فمتجيش تقدم وتيجى تقعد تعيط فى الآخر
انت اللى هتختار تكون قد المكان اللى وديت نفسك فيه ولا لا

خلصت الكلام دا خش على اللى تحت بقا اعرف الكلية دى موادها اى المفروض تطلع منها اى و الصفحات اللى تتابعها و كدا

--------------------------------------------------------------------------------------
نيجى للأقسام:-
بتيجى وانت طالع سنة تانية قدامك قسمين
:-(Business information system) BIS(1)
و دا موجود في جامعة بورسعيد مجاني مش خاص زي باقي الجامعات زي الزمالك واسيوط وطنطا بتدفع مبلغ في السنة💵، لا هنا بتدفع مصاريف السنة العاديةفى حدود من ١٤٠٠ ل ١٦٠٠ بس كدا
بتدرس في القسم دا مواد تجارة انجلش الى جانب مواد من حاسبات بس بنسبة اقل

:-(Technology & Information System) TIS (2)
احنا هنا بندرس مواد حاسبات بجانب مواد من تجارة بس بنسبة اقل على عكس (bis) بندرس السى بلس بلس و الداتا استراكتشر ولغات ال front end و مواد تانى هتعرفها لما تخش الكلية في تانية وتالتة

طب ليه اختار mtis ومخترش تجارة ؟
اظن السبب واضح قدامك
أولا: انت هتدرس منهجbis ببلاش مش بفلوس زى الباقى 😊
ثانيا: انا لو جالى اتنين واحد تجارة وواحد mtis هاخد بتاع mtis عشان معاه بجانب مواد تجارة بيعرف يتعامل عالكمبيوتر ومعاه لغات برمجة ف دا كدا ليه الافضلية 🌝

وبما اننا فتحنا في الشغل ف يلا نجيب سيرة الشغل
انا هشتغل اى بعد التخرج؟🤨
لو انت bis :-
بص هوه اول دفعة لسه متخرجة السنادي بس اللى اقدر اقولهولك هوه الاتي و دا انا متاكد منه لو شديت على نفسك واتعلمت مهارات كتير بجانب الكلية اى شركة هتطلبك وتعينك عندها 🌟
هتشتغل محاسب في الشركات او البنوك طبعا وبتوع bis بيتطلبوا بالاسم عن تجارة
عندك تقدر تشتغل في ال IT بما انك درست مواد IT
تشتغل عادى جدا في الشركات الانترناشوال و المالتى ناشونال

الفرص الوظيفية المحتملة :
🔸محلل أنظمة الكمبيوتر.
🔸مسؤول قاعدة البيانات.
🔸مسؤول أنظمة الشبكات والحاسوب.
🔸مدير نظم الحاسب والمعلومات.
🔸مسؤول نظم المعلومات العالمية.
🔸مدير نظم المعلومات.
🔸مستشار تكنولوجيا المعلومات.
🔸مبرمج وسائط متعددة.
🔸محلل عمليات.
🔸مطور أنظمة

لو انت tis :-
دا تشتغل في شركات علطول ف لو لقيتك على قهوة بعد التخرج يبقى الغلط والتقصير منك انت 😒

فرص عمل محتملة في :
🔹محلل أنظمة الكمبيوتر.
🔹مطور قاعدة بيانات.
🔹مسؤول أنظمة الشبكات والحاسوب.
🔹مهندس برمجيات.
🔹مصمم ومطور أنظمة.
🔹محلل الأمن.
🔹مبرمج وسائط متعددة.

كل اللى فوق دا عشان تعرف الكلية عبارة عن اى و شغلها ✨

وفى نقطة عايزك تركز عليها عشا متدخلش الكلية و متعجبكش في الاخر
معروفة ان اى كلية فيها الحلو والوحش
معروفة ان التعليم الاكاديمى في مصر مش حلو وهتخش الكلية مش هتستفاد بالقدر اللى انت متخيله عشان المناهج قديمة وأسباب تانى وانت بايدك تقدر تذاكر مع نفسك اون لاين وتبحث وتدور وهتستفيد مليون مرة من الكلية
و الناحية الحلوة في الكلية ان كلنا عارفين بعض بالمعنى الحرفى
احنا هنا اسرة مع بعضينا🫂 , ف لو مش فاهم حاجة في دراستك هتلاقى 20 واحد يشرحلك ويفهمك ولو جيت الكلية اكتر من نص الدفعة معاك في المدينة لان اغلبيتكم هتكونوا مغتربين وهتكونوا مع بعض وهتقضوا احلى أيام في ال4 سنين
___________________________________________________________

💠قررت تشرفنا فيها تعالى بقا على اللى جاى دا لان دا المهم :

دى مجموعة من الصفحات اللى عايزك تتابعها طول مانت في الكلية

▶️ https://www.facebook.com/MTIS.psu.edu.eg
صفحة الكلية طبعا عشان تتابع كل ما هو جديد

▶️ https://www.facebook.com/ACPCPSU
دى بقا العشق اللى لو انت بتحب البرمجة لازم لازم لازم تشترك معانا في المسابقات و التدرييات والكونتست اللى هتبقى تتعمل قدام

▶️ https://bit.ly/3fEoCfA
و دا فيديو لباشمهندس مصطفى سعد بيوضحلك يعنى اى ACM

▶️ https://www.facebook.com/TecUnion
صفحة الاتحاد الخاصة بالكلية

▶️ https://www.facebook.com/PSUSB
IEEE دى مؤسسة مهندسي الكهرباء والإلكترونيات وهدفها هو تحقيق التقدم التعليميّ والتقنيّ في مجال الهندسة الكهربائية والإلكترونيّة والحاسبات وبيتم عمل دورات ومسابقات في البرمجة و الروبوتات

▶️ https://bit.ly/3lFRK9W
صفحه طلاب بتحب مصر جامعه بورسعيد بتنشر أنشطه رعايه شباب الجامعه

▶️ https://bit.ly/2VEhqso
صفحة الجوالة الخاصة بالكلية هتتعلم فيها ازاى تننمى نفسك ومهاراتك في الجانب الرياضى والعلمى

▶️ https://bit.ly/3yzmJIf
صفحة ابداع : بيتعمل فيها مسابقات تبع وزارة الشباب و الرياضة في كل المجالات

▶️ https://www.facebook.com/tiec.egypt
مركز الابتكار التكنولوجي وريادة الأعمال تبع وزارة الاتصالات بتقدم منح وخدمات للطلب واغلبها في مجال تكنولوجيا المعلومات والاتصالات ومسابقات وهاكاثون

▶️ https://bit.ly/2VG2ji5
دا جروب الايكو تبع وزارة الاتصالات بيتنشر عليه الفعاليات للشباب كفرص ومنح للشباب

▶️ https://www.facebook.com/ITIDAEgypt/
هيئة صناعة تكنولوجيا المعلومات تبع وزارة الاتصالات بتقدم منح زى منحة ال9 شهور الخاصة ب ITI

▶️ https://www.facebook.com/HuaweiICTAcademyEgy/
دي صفحه هواوي اكاديمي علي مستوي مصر و موجود عندنا في الجامعه هواوي اكاديمي بتقدم تدريبات في AI و الشبكات و 5G و Cloud

▶️ https://www.facebook.com/googledscpsu
دا نادى طلاب خاص بالمطورين فيه هتتعلم تكنولوجى ولغات برمجة وهتكون عارف التكنولوجى الجديدة المواكبة للعصر وهتتعرف على ناس حلوة وتكون علاقات جوه مصر وكمان برا مصر وتتعلم تشتغل في تيم وبينزل فورم كل فترة كدا لو عايزين ناس تكون معاهم في الميديا او الديزاين او التيكنيكال او الكور تيم

♦️نيجى بقى لنقطة مهمة وهيا هل اخد كورسات في المواد ؟
لا والف لا , فلوس ووقت ضايع عالفاضى وحوارات فاضية ملهاش لازمة وكل المنهج مشروح عاليوتيوب حرفيا وانت لو فاكر انك هتروح للكورس انه هيديك حاجة جديدة ف انت كدا بتضيع وقت انت أولى بيه لانه نفس ورق كتب الدكاترة وكمان شرح زميلك هيكون احسن من بتاع الكورس وهتشوف الكلام دا لما تيجى

عايزك الوقت دا توفره في انك تتعلم مهارة جديدة تتعلم لغة برمجة من الصفر وتتأسس computer science صح لان دا هيسهل الدنيا كلها قدام عليك 💫

💠https://bit.ly/3jAExwv
تسمع الفيديو داه يلخص عليك اسئلة كتير لانك هتتشتت جامد الفترة دى لو انت واحد عايز يبقى الكارير بتاعك فى الكمبيوتر ساينس وهتلاقى ناس بتاخدك يمين وشمال وهتفضل مكانك مشتت

Welcome For Our New Students ♥️