درس فيزياء

Lifestory The endالنهاية

kobros-tech.com

#روشتة_إنقاذ_مصر

السلام علي الناس المحترمين
أنا أنشأت الصفحة دي بالأساس ﻷجل نشر العلم مثل ما تلقيته من أساتذتي اللي راعوا ظروفي كطفل يتيم و سمحوا ليا بحضور دروسهم مجاناً.

لكن علي رأس كل المدرسين اﻷستاذ محمد جودة اللي كان بيدرس لنا الفيزياء مجاناً بمسجد الهدي اللي كان بيشرف عليه اﻹخوان المسلمون وقتها.

و بما إني بدرس في أكبر معهد للعلوم و الهندسة في العالم، و جربت مستوي اﻷساتذة فيه و كمان مستوي الطلبة؛ فأنا أتأكد ليا مستوي الرقي في العلم اللي تلقيته من أستاذي و أستاذ خالي (اللي في سن والدتي) محمد جودة و كمان كزعم مني إني علي مستوي إستثنائي في تخصصي بفضله و فضل باقي اﻷساتذة و فضل جدتي حياة.

أنا حاليا تركت مجالي كجيوفيزيائي مصضطراً لأن مصر دولة العساكر و بس هما الوطنيين و هما اﻷشارف و هما اللي بيضحوا بحياتهم و عشان كدا هما بس اللي بيفهموا في كل حاجة (بإستثناء العلوم العسكرية) و أي فئة تانية لازم تكون بنت كلب، لكن مش ده موضوعي.

طبعاً حضراتكم متعرفوش أستاذي ولا فاهمين أزاي في بلد متخلفة ممكن يوجد مدرس زيه!

أولاً علي أيامه حيث كان في كلية العلوم و كان زميله اللي بعده مباشرة في السنة الدراسية المرحوم أحمد زويل؛ كان فيه تعليم حقيقي لكن مكنش فيه بحث علمي قوي فسافر أحمد زويل و عمل أسمه و فضل محمد جودة عشان يعملني (وده واجبي إن أثبت بما أوتيته أنه عمل أكبر مما عمل زميله؛ و الكل عمل الخير).

فأنا تلميذ له و تلميذ للدكتور زغلول النجار ﻷنهم علماء للأرض و أنا جيوفيزيائي.

حالياً بجانب دراستي اللي هي نفسها تطبيق للمشروع اللي تبنيته و هو blended learning project عشان لو الطالب في بلد متخلفة زي مصر ميستسلمش و ييأس و يقتل النور اللي في عقله، ﻷ هيكون بإمكانه يكمل دراسته عن بَعد مع أكبر الجامعات و يستفيد من ذكاءه و يحصل كمان علي درجة بكالوريوس أو ماجستير بمجهوده مش بمنحة و تمن متواضع و ممكن يكون مدعوم للطلبة غير القادرين.

أنا مؤمن بإن العلم الحقيقي المخلوط بدماء التضحية و اﻹخلاص هو اللي ينقذ وطن ضايع (مش زي ما قال قليل الوزن!)

طبعاً كتير جداً جداً يقول أصل القانون و النظام (اللي هو عارف إنه ضد العدل) هرد عليه بمثل بسيط خالص:
في الإعدادي اللجنه أغلبها غش عشان إبن مدير إدارة التربية و التعليم كان معانا لكن أحد الطبة في اللجنة أعترض ﻷن مجهوده هيضيع و عمل شكوي

النتيجة إن كل الطلبة شهدوا إن مكنش فيه غش ولا حاجة بإستثناء طالب واحد قال أنا كنت بحل أما اللي غش فمنتبهتش ليه عشان حل اﻹمتحان هو اللي شاغلني. طبعاً المراقبين حبوا يعاقبوا الولد اللي مشهدش أكتر من اللي أشتكي ﻷنه أحرجهم بشكل غير مباشر!

مثال تاني أكتر قوة أحد الطلبة العباقرة في كلية العلوم أسمه محمد القبرصلي أنا فاكره ﻷنه ولد ميتنساش، كان مدرسينه في الكلية مش بيقدروا يفهموه (أغلبهم يعني) و في سنة من السنين جاله ورق اﻹمتحان في بعض المواد و كان الدكتور عايز إجابة معينة و هي غلط أو عفي عليها الزمن
القبرصلي كتب الصح فسقط يقوم يسكت إنه سقط ﻷ بفضل إيعاظ من أحد العقلاء لم يراعي ليهم أمر أهتم ببناء شخصه لعب جوالة و كونغ فو و تايكوندوا وقت الدراسة و مداش المواد بتاعته أكتر من 10% من وقته و مجهوده وساعة اﻹمتحان كتب اللي الدكاترة عايزينه.
هل كدا سلم دماغه؟ أبداً في أخر سنة عمل مشروع بحث و مقال كتب فيه اللي هو عارفه و فاهمه و عمل شغل بجد مش مجرد مقالات منقولة من ويكيبيديا و كمان قرر يبعت بحثه لمجلة أجنبية عشان تنشره.

محمد كتب للدكاترة بتوعه في آخر البحث إن ده شغل بجد و هحاول أنشره و طلب منهم مساعدة في النشر لكن محدش فيهم رفع إيده ليه ﻷنهم مش فاهمين اللي هو عمله و بكدا أثبت بعد ما وزع بحثه عليهم كلهم إنهم تحت اﻷرض و هو في السما
علي فكرة خد أعلي درجة من دكتوره، مش هتصدق لكن حصل ﻷن هدفه من اللي عمله مش التعالي ولا التفاخر و إنما درس أخلاقي بكل زوق

مثال تاني ممتع جداً مادة سقت فيها و حضرها تاني سنة و الدكتورة حطت سؤال علي السبورة للي يقدر يحله محدش رفع إيده لكن محمد من وسط المدرجات شاور فابتستمله الدكتورة المحترمة اللي هي سقطته (: و تلف من ورا المدرجات لحد ما توصل جنبه و تطلب منه "تقول اﻹجابة من مكانك ولا تحب تطلع تكتبها علي السبورة" لكن هو رد بإن الإجابة بسيطة وفي كلمة واحدة هي كذا رغم إنها مسألة في الحركة الموجية اﻹجابة كانت مختصرة جداً
الدكتورة تقول برافو وكل الطلبة بدل ما يبصوا علي السبورة للأمام و يلفوا رقابهم للخلف نظراً لمحمد و للدكتورة تعجباً
محمد سقت أه لكنه ممتاز بشهادة اللي سقطوه و أخد حقه بعد كدا كدرجة و كدراسة في هارفرد و إم آي تي

دي عبرة للي باع داغه إنه ينوي فقط عمل الصح حتي لو قليل باللي ربنا يقدره عليه

محمد الوقت بيمارس إبداعه رغم أنف المخنثين و زغم وجود أعداء ليه طالبين موته أو حبسه لكنه المنتصر بفضل الله و هما المهزومين...

لو حسيت إنك أستفدت ممكن تشوف فيديو قصة حياتي و تستفيد أكتر:

Lifestory The endالنهاية

شرح الجزء الثانى من درس الحركة الموجية للصف الثانى الثانوى

الحركة الموجية 2 شرح الجزء الثانى من درس الحركة الموجية

شرح درس الحركة الموجية للصف الثانى الثانوى

الحركة الموجية شرح الجزء الأول من درس الحركة الموجية للصف الثانى الثانوى