Elsha3er

عايشين فالدنيا دى شركه
عشان عِشرتنا فيها تدوم
بلاش نملاها غدر ولوم
يا نبنى بحبنا تركه
يا نملى قلوبنا مالبِركه
عايز تلاقينى ف وقوعك
ساند كتفك بقؤلك قوم
بلاش ترمينى بالباطل
عشان اصلا ميفرقليش
أنا شغال ومش عاطل
وبيك من غيرك لسه هعيش
وبردو مهما تتكلم كلامك واصل
فإيه فايدتها تخسرنى
كده صورتك بقت أحلى
لما ف غيبتى تستحلى
يا راجل عيب
ده مهما كبرنا
وعِلينا أخرنا تراب
فبلاش نتباهى بالعيبه
ونتضحك حتى عالخيبه
كأننا كونا يوم أغراب
ملخص كل حدوته ف دنيتنا
مفيش كلمه يوم بتروح
ولا بتعدى بالساهل
لكن ف ناس تمامها تبوح
وكونت فاكرها تستاهل #وعجبى

محستهاش..
دنيا غريبه مريبه مبقتش بتتعاش عماله تكسر ف ضلوعنا وتزود دايما ف وجعنا وبتسرق عمرنا ببلاش أصلها مش ناويه تجيبها لبر عايشين فيها عيشة المضطر بنخاف من بكره عشان كارهين اليوم المتعاد بغباوته ما خلاص الهم زياده وفاض من كتر قساوته ياما نفسى انام واصحى ف مدرستى وسط صحابى وكتبى وكراستى كونت بشوف بعيونى حلاوة الكون كونت بحب ارجع من بره اشوف كرتون حتى قناته لسه فاكرها ومين ينساها سبايستون... ضحكتم فجأه ع الايام واهو جه الدور تضحك هى سرقت عمرنا بنت القلابه سرقت احلامنا ومشاعرنا وحبايبنا وسايببلنا اللمه الكدابه...
#بقلمى

طب قولى مين سابك مرتاح
لا هتسلم من كل كلامهم
ولا حتى هتستكفى جراح
هتعيش طول عمرك قدامهم
ومحدش فيهم يفتكرك
ولما تموت يبكو عشانك
ويقولو ياريتنا احنا مكانك
ويقولو ده كان طيب وحنين
بس خلاص يا خساره راح
مش بينافقو هوما اتفقو
هيحبوك ايوه بجد
بس ما بينكم حيطه سد
محدش حاول يكسرها
يبقى ازاى ممكن ترتاح
جايز لو فكرت تغير تفكيرهم
او حتى تطيب بخاطرهم
ممكن بس ساعتها تلاقى
جوه قلوبهم حته براح
وياريتك تقدر ترتااااح
#بقلمى

محدش عايش الأحداث بتفاصيلها
قصصكم فيها بردو هموم
لكن عايشين وبنكافح
وصوتنا فالحياه مكتوم
يا عالم ايه هيحصل بكره
ما جايز تنتهى الأحداث
ونمشى من الحياه وخلاص
هنبقى ف ثانيه ذكرى وعادى
قصص غيرنا هتلهيهم
وينسونا وهيعيشو كأننا مجيناش
ولا كونا ف يوم عايشين
يا صاحبى يا اخويا
ويا كل احبابى ف الرحله
بلاش تنسو ايامى
معاكم الحياه احلى
انا والله متعلق ف حبل الود
ومش ضامن اعيش للغد
وعمرى ما هقدر انساكم
ولما هغيب عن عينكم
هتفضل روحى جواكم
هتفضل روحى جواكم
#بقلمى

يا ناس هتروحو من الدنيا مش هتعيشو أبد الضهر هتنزلو تحت فالضلمه لا فارقه معاكو غنا ولا فقر هتموتو وترجعو للطين وتتحاسبو حساب ملكين هتخسرو ايه اغلى من روحكم مفيش حقد ولا كره ولا غل هيداوى جروحكم
اصلها مش صعبه تعيشها نضيف وانا مش قصدى من بره ما ياما ناس تراب الماس ولابسه براند وشياكه وهوما اساسا اوس5 ناس عالم فالاصل حكاكه 👌👌
#بقلمى

قالولنا الدنيا رحله
اوقاتها الكتيره وحشه
بس بحبايبك بتحلى
واللى لينا فيها سيره
هنمشى وهى باقيه
فبلاش غرور وغيره
عشان الدنيا ساقيه
هتلف عالكل مش هتسيب حد
ف عذاب وحد حياته فل
يعنى اخرها الرحيل
حقيقه ملهاش بديل
فيا نصفى القلوب
ونقبل بالعيوب
ونعيش راضيين
يا نشيل من بعض
ونعيش خايفين
اللى حاسبها منافسه خسران
واللى سايبها ع ربنا كسبان
متخبوش المحبه
والعمر بيتسرق
بيروح حبه حبه
ومحدش يوم فرق

#بقلمى✍️✍️

الحب يأتى بالمواقف كلما ازدادت جمالا تفوق مشاعرنا الجبال فيا من ملكت القلب والعقل والوجدان وسرقت الفؤاد بكل لين وحنان أنت اللذى جعلت روحى تنهمر ف عيناك وغزلت من نظراتك عشقا قوى البنيان ف هل لى أن أبوح ب سرا كاد أن يقتلنى شوقا إنى ورب العزه مغرم ومغروم وغارم وكل ما يحمله معنى الغرام 🙏❤
بقلمى

تعيش إنسان بقلب وعقل ويا الناس هتطلع فجأه مالظالمين ف ناس فاهمه وناس بتحس وناس م الهم مش بتخس ولا بينقص وجعهم يوووم ... فصدق دايما الايام عشان بتدووور وبتحسر وبتكسر طموح اللى معندوش روح تسانده ف كل حالاته تشاركه ف زعله وآهاته تحس بإنه رغم صموده مدمر وواقف واقفه تبان جامده وهو يا عينى متكسر... حياتنا غلاف من بره يبان شفاف وبيلمع ف وقت الضحك والفرحه تلاقى الشعب كله معاك بيهتف ليك وبيحبك ووقت الشده كله نساك ولا شايفك ولا بيسمع ولا عمره ف يوم حبك.... خلاصة القول محدش عايش حياة غيره ولا عمره هيعيشها فبالتأكيد لا أنا مظلوم ولا ظالم ولو كان حكمك إنى ظلمتك تعالى نبدل الأحداث وشيل عنى وأشيل عنك وعيش سنى وأعيش سنك وشوف كام مره حذرتك من التكرار اللى بيخلى حياتنا مرار....
#بقلمى

سباق حياتك ألف جوله مهما تخسر لسه باقى ليك محاوله المهم متنكسرش وسيب دموعك جوه منك دايما عيونك بيها أولى ،،،،، أهلك وناسك أو حبايبك كل واحد عنده رحله انت دورك فيها نعمه واوعى تقسى على اللى منك اصل الوجع بدايته كلمه ،،،،، أوقات كتيره بعتذر بس ف سكوت ساعتها روحى بتنكسر من غير ما أموت بس الحقيقه إنى ندمت عشان ف حقك يوم غلطت،،،، متعاتبونيش انا مش ملاك انا شخص عادى طيب وعصبى وبردو هادى مش بدور عالتنافس فالحوار لإنى فاهم مش بقاوح او حمار،،،،
#بقلمى 🖋️🖋️🖋️

الحكايه بينا بدأت📽️📽️📽️
يوم ما قلبى دق دقه🤍❤️
لما عينى يومها شافت👀👀
بنت فيها حنان و رقه🌸🌸
وابتدينا ويا بعض عمر تانى👩🏽‍🤝‍👩🏻
عمر غير الأولانى☝🏻😊😊
عشنا فيه اجمل ليالى🙈🙈
كونا فيها اجمل حبايب👩🏻‍❤️‍👨🏻👩🏻‍❤️‍👨🏻
هى نجمه فوق سحاب🌟☁️
حلم افتكرته ف يوم سراب🌑
بس أما شافها قلبى ولاقاها❤️‍🔥❤️‍🔥
دوبت فيها وف هواها💘💘
يا اغلى بنات الكون ف عنيا🙊🙊
انتى حياتى وكل ما ليا 😘😘
عشت معاكى اجمل اوقاتى🌹🌸
وبيكى هعيش أيامى الجايه👩🏻‍❤️‍👨🏻🌹
جميله ف كل تفاصيلك👸🏻👸🏻
وبفرح لما اغنيلك🎤🎤🎤🕺
بحس انى ملكت الكون🌏🌏🌏
ولما تغيبى عن عينى بعيش مجنون😵‍💫😵‍💫
وروحى بتبقى رايحالك وقلبى بيبقى وياكى 👩🏻‍❤️‍👨🏻👩🏻‍❤️‍👨🏻
دأنا لو هنسى كل الناس لا يمكن انتى أنساكى🙈🙈
#بقلمى

Ma7möúD ël7ãrīry 👌🏻👌🏻
دارى حكايتك ف دموعك بكره وجعها يقوى ضلوعك اصل الوجع اللى ميكسرش يزيدك قوه ف متستهترش وسيب الدنيا تعلم فيك عيش جواها كأنك ضيف ادخل واخرج منها خفيف و متستكبرش تميل للريح وتعدى معاها أصل الشتا مش زى الصيف واوعى تبيع خليك شجره ف فصل خريف سايبه ورقها يطير فالجو ومهما بتخسر واثقه هيجى يوم تحلو اصل الدنيا زى ما فيها شتا او صيف لسه فيها ربيع وخريف ف متفكرش الحب حياه مفيهاش حرمان دأحنا ف دنيا أضعف مخلوق فيها الإنسان اللى بيجرى ورا شهواته وبيها يدمر كل حياته واللى بيهرب مالتفكير بسجاره ودخان بيطير واللى بيفضل فالدوامه عايم فالهم بعوامه وأخرتها هيغرق ويضيع واللى بناه ف سنين يتهد بقلة عقل وكتر الشد
ف دارى حكايتك جواك وأنسى وجعها ورب العرش معاك💖

بقول هنساكى وبتعذب وانا بقولها يا دنيا حلمت اعيش فيها ملحقتش حتى ادخلها حياتى ف بعدك انتى عذاب أبوس ايدك كفايا غياب ولو عالجرح يتداوى بمليون فرح كفايا عند وقساوه ولووم عالجرح تعالى نكمل الاحلام وندعى ربنا يهون وتجرى بينا الايام ونتلاقى ف ليله جميله نتهنى ما عشنا حياتنا نستنى وقلوبنا عايشه مشتاقه ☹️☹️☹️.....

ومين قال انى هنساك او حتى فكرت اديتك كل حاجه و ف لحظه بيا غدرت جاى تطلب سماح وكأن مفيش جراح كلامك وجعنى وغيابك كسرنى و ف بعدك عيشت غربه لا فيها زاد ولا فرح لا عارفه راجع تانى ولا شايفه فيك غير جرح
مكنش سهل عليا اشوفك بتبيعنى وعايز تنسانى وازاى اهون عليك تسيبنى لحد تانى ازاى مش كونت بتقول انى روحك ونور عنيك ازاى هونت عليك لو تقدر تعيش من غيرى كونت افتكرنى وانا بقولك مليش غيرك😭😭😭.....

عتابك ليا بالدنيا وغلطان انا ف حقك سامحينى مليش بعدك روح تانيه يا نور عينى ده غيابك عنى علمنى وربانى وحبى ليكى فوقنى وصحانى عرفت انى مليش غيرك وحياتى أساسها ف وجودك مانا عايش على وعودك حتى وانتى بعيده عنى روحك كانت بتواسينى وكل ما اقرب من الموت طيفك منه يحمينى ويهمسلى ف عز بكايا بصوتك كانك انتى معايا يقولى خليك جمبى خليك قريب من عينى واحشنى حضنك يدفينى وحياتى عندك سامحينى😢😢....
Ma7möúD ël7ãrīry