دكتور محمد حلمي السيد لطب الاطفال وحديثي الولادة

شوية صبر يا امهات
الدكتور مش ساحر هايحط ايدة علي راس ابنك هايخف
وابنك مش مكنة هتتصلح في نص ساعة

طبيعي كل مرض ياخد دورتة ووقتة
اليومين دول امراض كتيييير محتاجة صبر

حمي وردية يعني حرارة من ٣ الي ٥ ايام
وهاينتهي بطفح جلدي يستمر كام يوم

نزلات معوية يعني اسهال اسبوع
اهم حاجة توقف الترجيع ونمنع الجفاف

التهاب صديدي علي اللوز
يعني حرارة ٤٠ ورعشة ومفيش شهية
وعلاج مضاد حيوي مش اقل من اسبوع

جديري مائي يعني عزل وعلاج اسبوع

التهاب والم عنيف في العضلات
وصعوبة بالمشي بعد دور التهاب فيروسي
هيستمر اسبوع
ومهم المتابعة مع الدكتور في كل الامراض دي
وملاحظة وجود اي مضاعفات
ونخلي عندنا حسن ظن بربنا

اليوم العالمي للبوتي ترايننج
امبارح في العيادة حالات كلها ليها علاقة بالبوتي😭
امهات جايبة البوتي وجاية العيادة 😂😂
رافعين شعار ( هنعمل في اي مكان)😂😂
من الخوف فيه اطفال عندها احتباس بول او امساك من الخوف من التجربة
هونوا علي اولادكم
بلاش زعيق او تخويف
فيه اطفال بتتعلم بسرعة
وفيه اطفال بتاخد وقت

❤️❤️❤️

الأب هو طوق النجاة في لحظات الغرق، وجسر الأمان في لحظات الخوف... الطمأنينة التي لا تُشترى، والسند الذي لا يُعوّض ❤️
كل سنة وكل أب طيب وبخير ومتنساش تجيب هدايا لكل اللي في البيت بمناسبه عيد الاب 🤦🏻‍♂️😂
#ادمن

بيقولوا الأمومة بتعطي توهج وراحه ولمعان..

شكلي كل يوم وانا متوهجة🤭😅
#ادمن

لو انت مستعجل اتنين متسمعش كلامهم👇👇
الاول ( جي بي اس ) هتروح اخر بلاد الارض
والثاني ( الامهات) برضة هتروح اخر بلاد الارض
حكمة اليوم
اسمع من الامهات بهدووووء علشان تشخص صح
وبخصوص جي بي اس
اللي يسأل ميتوهش 😭😭

٦ شهور وبياكل بسكوت وشاي 😭😭
#كبسوله 💊 #اطفال
اسمعى كلامى👵 دوقي الواد 😋القهوة ☕علشان يطلع ذكى
الامهات 👩 بتشتكى ان ابنها بيشرب شاي و قهوة او صودا كتير وبيحبهم جدا 😍دا صح ولا غلط يا دكتور 👨‍⚕️
🤦🏻‍♂️للأسف في (٢.٥ ٪) من الأطفال أقل من خمس سنين بيشربوا كميات قليلة يوميا ونسبة منهم ظهر عليها أعراض إدمان 😟الكافيين وبيحصل لهم أعراض انسحاب لما يحاولوا يوقفوه

👈الأكاديمية الأمريكية📊 لطب الأطفال👶🏻 اكدت إن أقل سن مسموح فيه بشرب القهوة اوالشاي هو من ١٠ ل ١٢ سنة 👦ويكون فنجان صغير ومش يوميا
👈وطبعا كلنا 👩👨متعودين نشرب نسكافيه او شاي او قهوة والطفل لازم يشرب زينا😒
📍علشان كدة لازم تقللوا او تمنعوا شرب الشاي و القهوة قدام الاطفال 👶🏻ونفهمهم ان كترهم مش مفيد لجسمهم

🙋🏻‍♂️ومع ذالك ممكن نسمح بكميات قليلة من القهوة او الصودا او الشاي ☕على فترات متباعدة 🤷🏻‍♂️

📍طيب ايه المشكله🤔 لو شرب القهوة☕ زينا ⁉️

المشكله ان الشاي ☕والقهوة ☕ والصودا بيحتوى على نسبه كبيرة من الكافيين اللى ليه تاثير مضر على صحة الاطفال زى
(عدم التركيز/توتر/ قلق /فرط حركة/فقدان الشهية 🤢/الم في المعدة 😩/تسوس الاسنان/سمنة/سرعة ضربات القلب ❤️/ارتفاع ضغط الدم )

🙋🏻‍♂️اعتمدوا اكتر للاطفال على المشروبات المغذية والصحية 💪 لبن 🥛 /عصاير فريش🍹 .....

👈ملحوظه متسمعيش نصيحة تيته😅😅 لانها ممنوع للرضع 👶🏻
الام👩 بتشربها بس لو الطفل عنده صفرا💛و نايم مبيرضعش علشان نفوقه

شكرا مليكة حسين علي التصميمات الجميلة 🙏🙏

يا دكتور محمد شات جي بي تي قالي .....
رد فعلي 😂😂👇👇