د حسن المصري ـ Dr Hassan Elmasry

بلاش "يا أبيض يا أسود"!
بلاش تفكير "الكل أو لا شيء".
يا ألتزم ١٠٠٪ يا أعك ١٠٠٪.
لو أكلت صباع محشي واحد، أقول "خلاص باظت" وآكل الحلة كلها.
و الحل في المنطقة الرمادية حلوة!
أكلت حاجة غلط؟
مش مشكلة.
كمل باقي يومك صح.
متخليش غلطة صغيرة تهد المبدأ كله.
المرونة هي سر النجاح.
عرفوني مين بيقع في فخ "يا أبيض يا أسود"؟
#مرونة #توازن #استمر

بص وراك.. وشوف قطعت قد إيه!
دايماً باصين لقدام، "لسه فاضلي ٢٠ كيلو".
وبننسى اللي أنجزناه.
لكن الحل ان النهاردة آخر الشهر التاني!
بص وراك.
شوف التغيرات الصغيرة.
نومك، نفسيتك، مقاساتك، صحتك.
احتفل بكل إنجاز صغير.
إنت بطل، وتستاهل تفرح بنفسك.
اكتب ليا في التعليقات كلمة واحدة توصف بيها شعورك بعد شهرين من المحاولة؟
#احتفال #إنجاز #فخر #مكملين

بروتين الغلابة.. والأغنيا كمان!
كتير بيقولوا ان "البروتين غالي واللحمة والفراخ نار".
لكن الحل في البقوليات!
العدس، الفاصوليا البيضا، اللوبيا، الحمص. مصادر بروتين نباتي هايلة، وفيها ألياف، وبتشبع جداً، وسعرها على قد الإيد.
اطبخها بطريقة صحية (زيت قليل) واستفيد.
#بقوليات #توفير #تغذية

الويك إند.. مش للأكل بس!
يوم الجمعة بيبقى يوم "الدمار الشامل" في الأكل، وبنكسل نجهز للأسبوع الجديد.
و الحل انك تخلي ساعة واحدة يوم الجمعة أو السبت لتجهيز "أساسيات" الأسبوع.
اسلق بيض، اغسل خضار، جهز تتبيلات.
الساعة دي هترحمك من "حيرة كل يوم" وهتنقذك من الدليفري.
عرفوني بتجهزوا وجباتكم امتى؟
#تجهيز #تنظيم #ذكاء

الشوي.. فن وطعم وصحة!
المشكلة في ان القلي في الزيت هو أسهل طريقة،
بس بيملا الشرايين دهون.
و الحل في الشوي اللي بيصفي الدهون من اللحوم وبيخلي طعمها مدخن ولذيذ.
مش لازم شواية فحم، أي "جريل" على البوتاجاز أو حتى في الفرن بيؤدي الغرض.
تتبيلة حلوة ونار هادية، وكُل أحلى أكل صحي.
عرفني بتحب الفراخ مشوية ولا بانيه؟
#شوي #دايت #وصفات

جوع ولا "وحم"؟
فجأة بيبقى نفسك في بيتزا أو شيكولاتة.
ده غالباً مش جوع حقيقي، ده "اشتياق" (Craving).
والحل انك لو جعان بجد، هترضى بأي أكل (تفاحة مثلاً).
لو مصمم على "البيتزا" يبقى ده جوع عاطفي أو اشتياق.
حاول تشتت نفسك بـ ١٠ دقايق مشي أو مكالمة تليفون، غالباً الرغبة دي هتروح.
عرفني إيه الأكلة اللي دايماً بتضعف قدامها؟
#تحكم #نصيحة #وعي

شوف نفسك زي ما تحب تكون!
المشكلة ان صورتنا الذهنية عن نفسنا مهزوزة.
شايفين نفسنا "تخان" ومش هنقدر نتغير.
والحل انك تجرب تمرين "التخيل".
غمض عينك وتخيل نفسك وصلت للوزن اللي بتحلم بيه.
تخيل لبسك، حركتك الخفيفة، ثقتك بنفسك.
الصورة دي هتديك طاقة وحافز رهيب إنك تحولها لواقع.
عرفني نفسك تلبس إيه لما تخس؟
#تخيل #إيجابية #حلم

اللمة الحلوة.. بتشجع!
المشكلة انك صعب تعمل دايت لوحدك والبيت كله بياكل محشي وحلويات.
لكن الحل انك تدور على شريك.
صاحبك، أختك، زوجك.
اتفقوا تاكلوا صحي سوا، وتتمشوا سوا.
المشاركة بتخلق التزام ومنافسة شريفة وبتخلي الرحلة أمتع بكتير.
دلوقتي اعمل منشن لشريك الرحلة وقوله "يلا بينا"!
#تشجيع #عائلة

جسمك محتاج "راحة" عشان يتغير!
المشكلة اننا بنطحن نفسنا رياضة كل يوم، وبنستغرب إن جسمنا ثابت أو تعبان ومجهد.
و الحل في أيام الراحة (Rest Days) مهمة زي أيام التمرين بالضبط.
في الوقت ده العضلات بتتبني والجسم بيعيد شحن طاقته.
ارتاح عشان تقدر تكمل بقوة.
عرفني بتعمل إيه في يوم الراحة بتاعك؟
#استشفاء #راحة #رياضة #توازن #صحة

البديل الصحي.. مش تعقيد!
لو بنحب الرز والمكرونة ومش عارفين نستغنى عنهم.
و الحل انك مش لازم تمنعهم.
بدّلهم!
جرب الرز البني، الفريك (هايل ومصري أصيل)، البرغل، الشوفان. الحبوب الكاملة دي بتشبع أكتر بكتير وبتحافظ على سكر الدم مظبوط.
عرفوني إيه البديل الصحي اللي جربته وحبيته؟
#فريك #دايت #تغذية

الاستمرارية أهم من الكمال!
المشكلة اننا يا نمشي ع المسطرة يا نبوظ الدنيا.
لو فوتنا تمرين يوم، نأنتخ باقي الأسبوع.
لو أكلنا حتة شيكولاتة، نخلص العلبة.
و الحل اللي بيخس مش اللي مبيغلطش.. اللي بيخس هو اللي بيقع ويقوم يكمل تاني يوم علطول.
خليك "مستمر" حتى لو بأخطاء، أحسن ما تكون "مثالي" لمدة أسبوع وتبطل.
مين هنا مكمل معانا بقاله فترة ومزهقش؟ اثبت حضورك!
#استمرارية #عزيمة #واقعية #نجاح

اسمع "إشارة" بطنك!
لو بناكل لحد ما بطنا توجعنا ونحس بالتخمة.
بنتجاهل إشارة "الشبع" وبنكمل أكل عشان الطعم حلو.
و الحل ان بطنك بتبعتلك إشارات.
أول ما تحس إنك "مرتاح" ومش جعان، وقف أكل فوراً.
حتى لو باقي في الطبق. دي علامة "الأصفر" في إشارة المرور.. استعد للوقوف!
عرفني هل بتعرف توقف أكل امتى؟
#شبع #وعي #صحة