03/09/2026
ازيكم يشباب يارب جميعا تكونوا بخير وافضل حال
حاله من التخبط في الاخبار والقلق ظهرت الساعات اللي فاتت دي وهي اللي خاصه بقرار تجميد بعض الشعب فالبوست ده مهم لكل واحد سواء طالب او اب وام
قرار تجميد بعض الشعب ما بين الواقع والمواقع
القرار من بعيد تحس انه وحش وأنه ازاي ومش إزاي
طب تعالي افهمك هي اي الفكره
الوزارة مش بتهزر في حته أنه الاحتياج هو الفيصل الوحيد في التكليف واني طالما احنا مش محتاجين وعندنا يكفينا فخلاص نبدء نخش علي الشعب اللي فيها عجز وناخد فيها كل الطلبه اللي داخله بحيث نسد العجز وده قرار ظاهره ممتاز وكويس ولكن كطالب ممكن يكون مش احسن حاجه تماما لو عاوز مثلا شعبه معينة ودي هتكون المشكله
طب اصلا دي الحاجه الحلوه اللي فيها اي؟؟
الحاجه الحلوه اللي فيها اني معني كده اني كل اللي دخل المعهد له تكليف حتي الآن بما فيهم اللي لسه داخلين
معناه أنه هينهي اسطوانة حسب الاحتياج اللي عامله تروما عند الكل وكله بيلعب عليها
الوزارة بتطمنك وبتنهي الشكوك بتاع كل شويه أنه يتري هنتكلف ولا لا وبتاخد التخصصات المطلوبة واللي فيها عجز فعلي موجود مش حشو وخلاص
كمان إجراءات تعديل التكليف مبقتش زي زمان في حاجات كتير فدي هتخلي ناس كتير تستلم وتشوف طريقها ونبدء نسد العجز الفعلي اللي موجود فعلا
اخيرا انت لازم تبقي فاهم اني تكليفك بإذن الله هيفضل موجود وده اللي ياما قولنا فيه ووضحناه للناس
بالتوفيق للجميع دائما وابدا يارب
