Smart Kids Nursery &Pre School

Smart Kids Nursery &Pre School Contact information, map and directions, contact form, opening hours, services, ratings, photos, videos and announcements from Smart Kids Nursery &Pre School, Nursery, Hadayek Al/Ahram , Villa 139 (ح), Nazlet el Simmân.

بلاش النكد والخناق قبل النوم مع الصغار😢😭😢😭😢😭*الدقائق اللي قبل النوم أكتر وقت عقلنا بيخزن معلومات و مشاعر بتأثر على أحلام...
11/07/2025

بلاش النكد والخناق قبل النوم مع الصغار😢😭😢😭😢😭

*الدقائق اللي قبل النوم أكتر وقت عقلنا بيخزن معلومات و مشاعر
بتأثر على أحلامنا و أفكارنا و رؤيتنا لليوم التالى ..

*مهم وضروري أن أطفالنا يناموا مبسوطين ..و حاسين بالحب و الأمان.
*يومهم بيكون مشحون أحداث و ضغوط و مشاهد مختلفة ..
محتاجين نفرغ السلبي منها و ندعم الحلو ... و نشحن طاقة ايجابية لليوم التالي ..

🤔🤔ازاى ممكن نساعد اطفالنا ⁉️⁉️

🌹تجنب اللوم و التحذير و النتبيهات ...

🌹التقرب من الطفل ... الجلوس بجانبه فى السرير ... تحكي و تضحكي و تطبطبي و تقبليه بحنان ..

🌹تشكريه أو تثني على تصرف ايجابي و لو صغير قام به طفلك فى اليوم ... حتى لو كان مجرد إنه وصل صحنه للمطبخ بدل ما يتركه على السفرة .

🌹.قراءة القرآن أو قصة لطيفة بها بعد ديني أو إخلاقي أو ترفيهي بسيط ..

🌹تخيلوا الجنة سوا لأن أغلب كلام الاطفال قبل النوم بيكون عن امنياتهم وأحلامهم واربطيهم بأن الجنة هي اللي فيها كل الأحلام والمستحيلات

🌹.شجعيه و خليه يتخيل نجاحه و انجازه فى اليوم التالي ، مثلا تفوقه بالمدرسة علاقاته مع صحابه .
🌹حسسيه إن الإنجاز والهدف تم تحقيقه.
القراءة كنز قبل النوم بتعالجي بيها مشاكل سلوكيات اليوم وبترسمي شخصيته في ابطال القصص ، وبتوسعي مداركه
لا
🌹العبوا لعبة ماذا لو ، ماذا لو اي حاجة ، ماذا لو السما مطرت بسكوت شوكولاته ، ماذا لو سقف البيت بقى مفتوح ع الفضاء ، ماذا لو من اجمل العاب الاسترخاء والخيال والمتعة قبل النوم وبتفتح أفق الطفل لانه اصلا كل الافكار دي بتيجي في باله قبل النوم .

🌹🌹الخلاصة

**تفادوا ...... و احذروا .... إن الطفل ينام دمعته على خده .
أو حزين بسبب دراسة...أو سلوك عمله.

بسمة الحب و الأمان و الثقة على وجه طفلك قبل النوم .. بترسم و تلون احلامه قبل النوم........ و تصرفاته طول اليوم ...

وافتكروا و انتم بتنيموا اطفالكم
كل يوم فى السرير.........تطبطبوا
و تلمسوا شعرهم . و تقبلوهم بحب و حنان
و انتم بتغطوهم عشان يحسوا بالأمان

هذه اللحظة بتفضل فى ذاكرتنا حية و اضحة
من طفولتنا لآخر يوم فى حياتنا.

عندما يلقي الطفل بجسده على الأرض ويضرب رأسه بسبب رفض طلباته، فإنه يعبر عن مشاعره بطريقة غير صحيحة لأنه لا يعرف بعد كيف ي...
11/07/2025

عندما يلقي الطفل بجسده على الأرض ويضرب رأسه بسبب رفض طلباته، فإنه يعبر عن مشاعره بطريقة غير صحيحة لأنه لا يعرف بعد كيف يدير إحباطه. هذا السلوك شائع بين الأطفال الصغار (1-4 سنوات)، لكن من المهم التعامل معه بهدوء وحكمة حتى لا يصبح عادة.

كيف تتعاملين مع هذا السلوك؟

1. ابقي هادئة ولا تستجيبي لنوبة الغضب

✔ لا تصرخي ولا تغضبي، بل حاولي البقاء هادئة لأن رد فعلك القوي قد يزيد من المشكلة.
✔ لا تستسلمي لطلبه فقط لإيقاف السلوك، لأن هذا سيجعله يفهم أن البكاء والصراخ وسيلة للحصول على ما يريد.

2. تأكدي من سلامته دون إظهار قلق مبالغ

✔ إذا بدأ بضرب رأسه بالأرض، ضعي وسادة أو سجادة تحته بهدوء دون أن تعلقي كثيرًا، حتى لا يشعر أن هذا السلوك يجذب انتباهك.
✔ إذا كان في مكان خطير، احمليه وانقليه إلى مكان آمن دون تعنيفه.

3. تجاهلي السلوك مع مراقبته

✔ إذا كان طفلك في مكان آمن، دعيه يهدأ بنفسه دون إعطائه اهتمامًا زائدًا.
✔ أظهري له أنك غير مهتمة بالصراخ، لكنك مستعدة للاستماع إليه عندما يهدأ.

4. بعد أن يهدأ، تحدثي معه بحزم لكن بحب

✔ اجلسي معه على مستوى عينيه وقولي بهدوء: "أنا أفهم أنك غاضب، لكن لا يمكننا الحصول على كل شيء بالبكاء والضرب."
✔ استخدمي كلمات بسيطة تناسب عمره مثل: "إذا أردت شيئًا، تحدث معي بهدوء."

5. علميه طرقًا أخرى للتعبير عن مشاعره

✔ ساعديه على التعبير بالكلمات: "أنا غاضب لأنني أردت اللعبة."
✔ علّميه طرقًا أخرى لتهدئة نفسه، مثل أخذ نفس عميق، العدّ إلى 5، أو احتضان لعبة مفضلة.

6. كوني حازمة في قراراتك

✔ لا تتراجعي عن رفضك لمجرد أنه بكى، حتى يفهم أن الصراخ ليس وسيلة للحصول على ما يريد.
✔ إذا كان الطلب معقولًا، وضحي له متى يمكنه الحصول عليه: "لن تأكل الحلوى الآن، ولكن يمكنك تناولها بعد الغداء."

7. امدحيه عندما يتصرف بهدوء
8. ضعي يدك تحت راسه في المكان الذي يضرب راسه به دون ابداء اي رد فعل اخر
✔ عندما يطلب شيئًا بطريقة جيدة، قولي له: "أحب أنك تحدثت معي بهدوء، شكرًا لك!"
✔ التعزيز الإيجابي يساعده على تكرار السلوك الجيد بدلاً من العصبية.

متى يجب القلق؟

إذا استمر الطفل في ضرب رأسه بشدة وبشكل متكرر، أو إذا كان يؤذي نفسه بشكل خطر، فمن الأفضل استشارة طبيب أطفال أو مختص نفسي لمعرفة الأسباب العميقة لهذا السلوك.

باتباع هذه الخطوات، سيتعلم طفلك تدريجيًا كيف يعبر عن مشاعره بطريقة صحيحة دون اللجوء للعنف أو العناد.

إزاي أعلّم طفلي حدوده الشخصية وأحميه من التحرش الجنسي؟🤔🤔تعليم الطفل (من عمر ٣ سنوات ) حدوده الشخصية هو جزء أساسي من حماي...
26/03/2025

إزاي أعلّم طفلي حدوده الشخصية وأحميه من التحرش الجنسي؟🤔🤔
تعليم الطفل (من عمر ٣ سنوات ) حدوده الشخصية هو جزء أساسي من حمايته من التحرش الجنسي. لما الطفل يعرف إن جسمه ملكه، ويعرف الحدود الآمنة للتعامل مع الآخرين، هيكون أكثر قدرة على حماية نفسه وطلب المساعدة وقت اللزوم
نعمل ايه؟

1️⃣ علّمه أسماء أجزاء جسمه بطريقة صحيحة
• من المهم إن الطفل يعرف أسماء أعضاء جسمه، بما فيها الأجزاء الخاصة، عشان يكون قادر يعبّر عن أي شيء غريب أو غير مريح يحصل له.

2️⃣ وضّح له الفرق بين اللمس الآمن وغير الآمن
• استخدم قاعدة “ملابس السباحة”: أي منطقة مغطاة بالمايوه/او الملابس الداخليه هي منطقة خاصة، ومحدش المفروض يلمسها أو يشوفها إلا في حالات ضرورية (زي الأم أثناء الاستحمام أو الطبيب مع وجود أحد الوالدين).

• علّمه أنواع اللمس:
✅ اللمس الآمن: زي الحضن من ماما أو بابا، أو مسك اليد أثناء تعديه الشارع.
❌ اللمس غير الآمن: أي لمس للأماكن الخاصة، أو لمس بيحسسه بعدم الراحة.

3️⃣ علّمه إنه من حقه يقول “لأ”
• الطفل لازم يعرف إنه مش مجبر على القبول بأي لمس مش مريح ليه، حتى لو من شخص كبير أو معروف للعائلة.
• درّبه على قول:
❌ “لأ! متعملش كده!”
❌ “أنا مش بحب كده، ابعد عني!”
❌ “هحكي لماما وبابا حالًا!”
• مهم كمان تعلّميه إنه لو حس بعدم الأمان، لازم يبتعد فورًا عن الشخص ويجري لمكان آمن.

4️⃣ مش مجبر على الأحضان والقبلات
• عوّدي طفلك إنه له الحق يرفض الأحضان أو القبلات حتى لو من أقارب أو أصدقاء.
• علّميه يقول بطريقة لطيفة: “أنا مش حابب أحضن دلوقتي، ممكن نسلم بإيدينا بدل كده؟”
• ده هيعلّمه إنه مش لازم يرضي الآخرين على حساب راحته وأمانه.

5️⃣ خليه يحكي لك أي حاجة غريبة بدون خوف
• لازم الطفل يعرف إنك دائمًا موجودة عشان يسمعك من غير ما يتعاقب أو يتلام.
• استخدمي جمل زي:
🗣 “لو حد قال لك متقوليش لماما، فده معناه إنك لازم تيجي تحكي لي فورًا!”
🗣 “أنا دايمًا في ضهرك، ومهما حصل هحميك.”
• لو الطفل حس بالأمان معاك، هيكون أكتر استعدادًا إنه يحكي لك أي حاجة تزعجه.

6️⃣ استخدم القصص ولعب الأدوار
• القصص المصورة عن الحدود الجسدية بتكون وسيلة فعالة لتوضيح الفكرة.
• جربي تمثيل مواقف مع طفلك زي:
❓ “لو حد قال لك تعال معايا لوحدنا؟”
❓ “لو حد لمس جسمك بطريقة مش مريحة؟”
❓ “لو حد قال لك ده سر بيننا، متقولش لماما؟”
• ساعديه يرد بثقة ويتصرّف بحكمة.

7️⃣ وضّح له إنه لو حد طلب منه “سر” عن جسمه، لازم يحكي لك فورًا
• المتحرشين دايمًا بيحاولوا يخلو الطفل يخفي الحقيقة عن أهله.
• علّمي طفلك إنه مفيش أسرار بينه وبين أي شخص عن جسمه، ولو حد طلب منه يخبي حاجة، لازم يحكي لك فورًا.

8️⃣ أكّد له إنه مش هيتعاقب لو حد حاول يؤذيه
• الأطفال أحيانًا بيخافوا يعترفوا إنهم تعرضوا لتحرش بسبب الخوف من العقاب أو اللوم.
• أكدي لطفلك إن الغلط مش غلطته، وإنه لو حكى لك، مش هتزعلي منه، لكن هتساعديه وتحميه.

🚫🚫ملاحظة مهمة:

حماية طفلك من التحرش الجنسي تبدأ من:

- تعزيز ثقته بنفسه، وإعطائه الأدوات اللي تخليه يقدر يحمي نفسه ويطلب المساعدة وقت الحاجة.
- الحوار المستمر والوعي هم خط الدفاع الأول لطفلك
منقول

16/03/2025

# #- ابنك شتم أخوه بدل ما تقوليله " عيب كدا "❎
قوليله " إن الله ليبغضَ الفاحشِ البذيء " ✅
- بنتك ضربت أخوها بدل ما تقوليلها " اخص عليكِ "❎
قوليلها " المُسلم من سلِمَ المُسلمون من لسانه و يده " ✅
- لما ابنك يكتب بخط وحش بدل ما تقوليله
" المُدّرس هيقول ايه؟! "❎
قوليله " إن الله يحب إذا عملَ أحدكُم عملًا أن يُتقِنه " ✅
- ابنك بيرد عليكِ بصوت عالي بدل ما تقوليله
"أنا أمك يا قليل الأدب!"❎
قوليله " ولا تقُل لهما أفٍ ولا تنهرهمُا وقُل لهما قولًا كريما " ✅
- ابنك أو بنتك بيصرفوا كتير بدل ما تحرميهم من المصروف❎
فهميهم إن ربنا سبحانه وتعالى " لا يُحب المُسرفين " ✅
صدقًا بتفرق وتأثيرها أحسن و أسرع بمراحل ، والأهم من كدا بتربي ابن يراقب الله في أعماله بدل ما يراقب الناس 💛
القُرآن مش بس للتعبد ، والسُنَّة مش للتبارك ..
القُرآن والسُنَّة منهج حياة لازم نعيشهم و نطبقهم و نتنفسهم .💛

❤️❤️❤️❤️
12/11/2024

❤️❤️❤️❤️

Address

Hadayek Al/Ahram , Villa 139 (ح)
Nazlet El Simmân

Opening Hours

Monday 7am - 6pm
Tuesday 7am - 6pm
Wednesday 7am - 6pm
Thursday 7am - 6pm
Sunday 7am - 6pm

Telephone

+201551316462

Website

Alerts

Be the first to know and let us send you an email when Smart Kids Nursery &Pre School posts news and promotions. Your email address will not be used for any other purpose, and you can unsubscribe at any time.

Contact The School

Send a message to Smart Kids Nursery &Pre School:

Shortcuts

Share

Category