Certification Board of Infection Control

كل عام وانتم بخير

إعادة إعمار غزة بالعلم
لأن العلم هو الوسيلة الأعظم للإعمار..
تعلن أكاديمية SPC عن مبادراتها لإعمار غزة عن طريق تقديم 20 منحة لأطباء الأسنان الفلسطينيين في كلٍ من التخصصات التالية:
- The Art of Aesthetic Dentistry Diploma.
- Smart Clinical Pedodontics Diploma.
- Complete Guide Orthodontics Diploma.
- Minor Oral Surgery Course..

- آملين أن تكون هذه وقفة ولو بسيطة في صف إخواننا في فلسطين في طريق مقاومتهم ضد الإحتلال.
التسجيل من خلال الرابط التالي:
https://forms.gle/sEc3mWvWnyizbMVD7

, it seems impossible until you do it.

Congrats Dr.Nissrine and wish you lasting success💥💪🎉🎉🎊

ازمة كورونا مكملة معانا كدكاترة شويه حلوين ✔️
حتى لو فتحنا عياداتنا هنفضل ناخد اجرائاتنا الاحترازية لزمن قدام 😷

🔹اننا نتتعلم اكتر عن الinfection control مبقاش اختيار دي حاجه لو معملنهاش هنعرض نفسنا ومرضانا للخطر

🔹اتعلم اكتر ادخل على اليوتيوب اشترك في كورسات فري اقرا كتب عن الinfection control

🔹و هتستفيد اكتر لو حضرت كورس كبير في الموضوع ده واخدت شهادة زي البورد الامريكي في مكافحة العدوى CBIC عشان تزود نسبة ثقة المرضى فيك

🔹فكر في الموضوع بعقلانية كده واحسبها صح ماتضيعش فرصة الحظر والوقت الكبير الفاضي عندك وبالنسبة للفيز اكاديمية SPC حلتهالك بخصم كبير وفرصة تقسط الفيز على اكتر من دفعة

للتسجيل ولمعلومات أكثر:-
: http://www.spc-eg.com/apply.php
أو اتصل بنا على أو واتس اب : (+2) 01112813694




#خليك في البيت

Home Page - SPC Academy SPC Dental Training Academy

الالتهاب الكبدى الوبائى ( B,C,D) يمكن أن يؤدى إلى سرطان الكبد.

اعرف المسببات:
٥ مسببات
١- الحقن غير الآمن
٢-الدم الملوث ومشتقاته (الصفائح الدموية)
٣- العلاقات الجنسية غير الآمنة
٤- رسم الوشم أو عمل ثقوب فى الجسم (Body piercing)
٥- عدم تطعيم الأطفال حديثى الولادة

احنا اتكلمنا عن أساليب التعقيم البوست اللي فات بس متكلمناش ازاى نتأكد من فاعلية وكفاءة دورات التعقيم
هنتعرف النهاردة على مؤشرات عملية التعقيم وكيفية استخدامهم

هما 3 مؤشرات بنتأكد بيهم
أولا: المؤشرات الميكانيكية
دى بنراقبها بإننا نتابع العدادات اللى بتقيس الوقت والحرارة والضغط في جهاز الأوتوكلاف أثناء عملية التعقيم.

ثانيا :المؤشرات الكيميائية
ويوجد منها 6 فئات
الفئة 1: بتكون موجودة على باكت التعقيم من برا بتغير لونها لو اتعرضت لبعض ظروف التعقيم وطبعا دي مش كفاية لوحدها

1- اختبار (Bowie- dick test)
اختبار كفاءة التخلص الكامل من الهواء داخل الجهاز

1- اختبار(Bowie- dick test)
دة اختبار بيتعمل يوميا في أول كل يوم وبيتحط في وسط مجموعة من الفوط على الرف السفلي في جهاز التعقيم

2-اختبار (Helix test)
ده بيستخدم مع الآلات والأدوات ذات التجاويف

الفئة 3: دي مؤشرات بتوضع جوا كل عبوة تعقيم وبتقيس متغير واحد (حرارة أو درجة تشبع بالبخار أو زمن) على حسب تعليمات الشركة المصنعة

الفئة 4 و5 و6 توضع في كل دورة أو داخل كل عبوة تعقيم
طبعا الفئات دي أفضل لأنها بتقيس أكتر من متغير في نفس الوقت اسمها مؤشرات تداخلية عشان السبب دة

ثالثا المؤشرات البيولوجية (Biological indicator):
ودي مفيش أي بديل عنها من كل اللى فوق، ليه بقى؟ لأن من اسمها كدة هي بتكشف عن حاجة تانية خالص؛ بتتأكد من القضاء على كافة أنواع وأطوار الميكروبات اللي قد تكون موجوده في المادة المعرضة للتعقيم حتى الحويصلات البكتيرية الأكثر مقاومة لظروف التعقيم وبتحددلنا عملية التعقيم دي تمت بنجاح ولا لأ..
ازاي؟ فكرة المؤشر دة إنه بيكون كبسولات موجود جواه حويصلات بكتيرية من نوع معين
(Geobacillus Stearothermophilus or Bacillus atrophaeus)
داخل جهاز التعقيم أثناء عمله وبعد انتهاء عملية التعقيم بناخد الكبسولات دي ونكسرها ويتم وضعها فى حضانة (incubator) تساعد على عملية الإنماء فى درجة حرارة معينة لمدة 48 ساعة المفروض لو عملية التعقيم تمت بنجاح يكون كل الSpores ماتت و ميحصلش أى نمو بكتيرى أو تكون نتيجته سلبية.

طيب لو طلعت إيجابية وحصل نمو بكتيري؟ هنبص على المؤشرات الكيميائية والفيزيائية لو كويسين يبقى هنعيده تاني مرة كمان لو طلع إيجابى برضو لازم يتم وقف عمل الجهاز وإبلاغ الصيانة ولو في أي حاجة من الآلات المعقمة تحتوي على أجزاء للزرع (Implant) من أي نوع لازم يعاد تعقيمها.

بنستخدمه امتى الاختبار البيولوجى
1- فى حالة استخدام جهاز تعقيم لأول مرة
2- أسبوعيا
3- لو حصل أي عطل وعملناله صيانة لازم يستخدم بعد عملية الصيانة
4- لو الدورة فيها أجزاء صناعية مزروعة (Implants)

هنتكلم النهاردة عن آخر وأهم مرحلة في معالجة الآلات الجراحية وهي تعقيم الآلات الجراحية
هنتعرف على طرق التعقيم وازاى كمان نتأكد من كفاءة عملية التعقيم باستخدام مؤشرات التعقيم

أنواع التعقيم:
1-التعقيم الحرارى
أولا: التعقيم بالبخار تحت ضغط (جهاز الأوتوكلاف)
التعقيم الحرارى في منه أكتر من طريقة بس أحسن طريقة هي التعقيم باستخدام البخار تحت ضغط اللى هى فكرة جهاز الأوتوكلاف..
الأفضلية له عشان هو غير سام وقليل التكلفة وقاتل (الحويصلات البكتيرية) كمان بيرفع درجة حرارتة بسرعة بالغة وله قدرة كبيرة على اختراق الأنسجة والمسام، بس طبعا لا يستخدم مع الأدوات التى تتلف بسبب الحرارة.

طريقة التعقيم:
- 121 درجة مئوية لمدة 20 دقيقة تحت ضغط 1.036 بار
- 134 درجة مئوية لمدة 3-4 دقائق تحت ضغط 2.026 بار

ثانيا: أجهزة التعقيم الحراري الجاف (الفرن الحرارى):
طبعا الطريقة دي بتسخدم مع حاجات محدودة زي الزيوت والمراهم والمساحيق والأدوات المعدنية المصمتة، ولا تستخدم مع أى حاجة معرضة للحرق أو الانصهار زي الخيوط الجراحية والمفروشات لأنها بتوصل لدرجات حرارة عالية جدا (160 - 170 درجة) ويفضل كمان إن يكون فيها مروحة عشان توزع الهواء بشكل متساوي.

طيب والآلات اللي مبتستحملش الحرارة فوق دي هنعمل فيها إيه؟
هنا بقى النوع التاني من التعقيم اللى هو:
2- التعقيم تحت درجات الحرارة المنخفضة (Cold sterilization)
بنستخدم فيه يا إما حاجة زي أجهزة غاز أوكسيد الإيثيلين (Ethylene oxide) أو بلازما غاز فوق أوكسيد الهيدروجين (Hydrogen per oxide gas plasma)
أو التعقيم الكيميائى باستخدام السوائل الكميائية زي الجلوتالدهايد بتركيز فوق الـ 2 % أو فوق أوكسيد الهيدروجين وحامض البيراسيتيك (3 ,7%-0,23%) مع مراعاة زمن التلامس.

تكملة للبوست اللى فات واللى اتكلمنا فيه عن مرحلة تنظيف الآلات الجراحية وإن هى مرحلة أولية وأساسية قبل مرحلة التطهير أو التعقيم.
هنتكلم النهاردة عن أنواع وطرق تطهير الآلات الجراحية تطهير عالي المستوى (High level disinfection HLD)

طيب التطهير بيتم بطريقتين: إما باستخدام الحرارة أو باستخدام المواد الكيميائية

وطبعا التطهير الحراري أفضل، ليه؟ عشان اقتصادى أكتر أكيد ومش بسيب أى رواسب أو بقايا وكمان ملوش أى آثار سامة
طيب امتى مبتستخدمش التطهير الحراري؟

في حالة إن الأدوات دي مبتستحملش الحرارة وممكن يحصل فيها تلف (Heat sensitive tools ) زي المناظير مثلا، هنا بقى بنستخدم مواد كيميائية للتطهير.

أنواع وتركيزات المطهرات الكيميائية:
1-تركيز أكتر من 2% من الجلوترالدهايد ( Glutaraldehyde) لمدة من ( 20-90 دقيقة)
2-تركيز 7.5 من فوق أوكسيد الهيدروجين (Hydrogen Peroxide) لمدة (30 دقيقة)
3-حامض بيراسيتك وفوق أوكسيد الهيدروجين (0,23%-7,35%) لمدة 15 دقيقة
4-أورثوفثاالدهايد (( Orthophthaldehyde (OPA)، خمس دقايق للاستخدام بواسطة الماكينة، 12 دقيقة للاستخدام اليدوي.
طبعا المطهرات دى ليها مدة صلاحية معينة أو عدد دورات معينة على حسب كل مطهر وعشان نتأكد من فاعليتهم بيتم عمل اختبار يومي باستخدام شريط كاشف (Test strips) لو مظهرش اللون المظبوط أو كان فيه بطش مثلا دة بيدل إن فاعلية المطهر قلت ولازم يتغير، وطبعا بعد مرحلة التطهير باستخدام المطهرات الكيميائية لازم يتم شطف الآلات بماء معقم أو ماء سبق غليه حديثا.

لو مهتم بمجال مكافحة العدوى… احجز مكانك دلوقتي في دبلومة مكافحة العدوى من SPC

الدبلومة هتبدأ ٣٠/٨
تقدر تحضرها في مقر الأكاديمية في القاهرة أو أونلاين من أي مكان في العالم

للحجز ولمعلومات أكثر:
www.spc-eg.com/apply.php

أو اتصل بنا على:
(+2) 01112828284

يعنى ايه مكافحة العدوى وليه الفترة الاخيرة بقت طفرة فى المستشفيات؟
مكافحة العدوى او التحكم بالعدوى هو جزء مهم جدا من أجزاء الجودة الصحية هدفه حماية المريض اولا و مقدمى الخدمة الصحية ثانيا و البيئة المحيطة بيهم من اكتساب العدوى وانتقال الأمراض

ليه بقت كل المستشفيات فى السنين الاخيرة بتهتم بتطبيق إجراءات مكافحة العدوى ؟
الموضوع بدأ فى مصر تقريبا من سنة ٢٠٠٦ ياخذ شكل تانى أول مظهرت انفلونزا الطيور فى مصر وحصل ذعر وخوف
دة غير ان المعدلات و الاحصئيات العالمية بتقول ان العدوى المكتسبة داخل المستشفى بقت واحدة من اهم اسباب الوفاه سنويا و كمان اخر احصائية عملتها الcenters of disease controlling and prevention (cdc) الولايات المتحدة الامريكية بتقول ان واحد من كل ٣١ مريض مستشفى عنده على الاقل عدوى واحدة مكتسبة من المستشفى

مين يقدر يشتغل فى مجال مكافحة العدوى؟
- اى حد فى المجال الطبى او عنده خلفية طبية يقدر يكون ممارس مكافحة عدوى زى (الاطباء البشريين ، اطباء الاسنان ، الصيادلة ، التمريض ، العلاج الطبيعى، الاطباء البيطرين......).

- لو مهتم بمجال مكافحة العدوى تقدر تحجز دلوقتي في دبلومة مكافحة العدوى التأهيلية لامتحان البورد الأمريكي
موعد بداية الدبلومة: 30 أغسطس

- تقدر تحضر الكورس اونلاين من اى مكان فى العالم، والمحاضرات هتكون متسجلة تقدر ترجعلها فى اى وقت

للتسجيل ولمعلومات أكثر عن الكورس:
http://www.spc-eg.com/programs.php?id=8

أو اتصل على: (متاح واتساب)
01112828284 (2+)

التنظيف والتطهير والتعقيم من أهم الإجراءات اللى لازم نتبعها مع المعدات الطبية والآلات الجراحية واتباع هذه الإجراءات يؤمن العلاج الصحى لكل مريض.. هنتكلم عن مراحل معالجة الأدوات من أول التنظيف النهاردة إلى مراحل التطهير والتعقيم فى المقالات الجاية.

المرحلة الأولى:
التنظيف:
التنظيف الفعال للأدوات والأجهزة الطبية قبل التعقيم أو التطهير مهم جدا جدا، ليه بقى؟ عشان نقلل خطر انتقال العدوى أكيد ونقلل مستوى التلوث الابتدائى (Bioburden ) من على السطح المراد تطهيرها أو تعقيمها.
الملوثات الرئيسية اللى بتكون موجودة على الأسطح وعايزة اتخلص منها بتكون مكونة من بروتين زى (الدم والمخاط .. الخ) والبروتين دة بيتجمد وبيتجلط لما يتعرض للحرارة أثناء مرحلة التعقيم فطبعا عملية التنظيف دى مهمة جدا عشان لو متعملتش أو متمتش صح كدة التعقيم أو التطهير مش هيتم بكفاءة عالية، مش بس كدة لا طبعا لازم تتنظف فورا بعد الاستخدام عشان الملوثات أو المواد العضوية دى لما بتنشف على الآلة بتبقى أصعب بكتير ازالتها.

-الوسائل : عملية التنظيف ممكن تكون يدوى أو آلى
طيب كل وسيلة بتم ازاى؟
أولا اليدوى: يفضل نقع الأدوات قبل تنظيفها (مثال: الأدوات التي يتم استخدامها في غرفة العمليات و المتسخة بشدة) هنملى حاوية عميقة بكمية من الماء ومحلول منظف بحيث تحتوى هذه الحاوية على سلة من شبك السلك ثم توضع الأدوات بداخل السلة الشبكية لمدة من 3 – 5 دقائق وبعد كدة نخرج الادوات ونقلبها على ترابيزة أو صينية عشان نفصل الأدوات عن بعضها قبيل تنظيفها ولازم نفك الآلات اللى فيها مفصلات أو قابلة للفك ونستخدم ماء بارد والمحلول المنظف أحسن عشان احنا عرفنا تأثير الحرارة على المواد البروتينية وبنستخدم فرشاه ناعمة فى اتجاه واحد تحت سطح المياه.

ثانيا :التنظيف الآلى والأفضل هو أن يتم استخدام جهاز التنظيف بالموجات فوق الصوتية(Ultrasonic cleaner).طيب هو إيه جهاز ألترا سونيك دة وبينظف ازاى ؟
ببساطة جدا دى آلة تنظيف أوتوماتيكية بتستخدم الموجات فوق الصوتية (العاده من 20-400 كيلو هرتز)، الجهاز فيه طاسة بيتملى مياة أو محلول معالج على حسب، الجهاز بيطلع موجات فوق صوتيه بتستمر الموجات من ٣ إلى ٨ دقايق وده حسب نوع الجهاز المستخدم. الموجات الفوق صوتية بتعمل فقاعات عن طريق (تجويف) في الماء، الفقاعات دى لما بتنفجر بتطلع طاقة فراغ كبيرة جدا على هيئة حرارة و ضغط بتخلق موجه مضغوطه بتوصل إلي عمق في كل زاويه موجود فيها المياه وتبدأ في تفكيك الملوثات الأخرى والنتيجة هي تنظيف سريع وفعال جدا وبكدة احنا وفرنا الحماية المناسبة للتعامل مع الآلات خلال المراحل التي تعقب التنظيف.