21/02/2023
اتكلمنا الاسبوع الي فات عن العمل عن بعد Remote work
الاسبوع دا عايزين نشوف العمل الحر Freelancing
وزي ماحنا عارفين الفرق ما بينهم هو ان العمل عن بعد بيكون مع شركة واحدة اما العمل الحر بيكون بالtask او المهمة
فى البوست دة هنتكلم عن أهم مواقع العمل الحر الأجنبية والعربية
1- upwork.com
موقع "Upwork". الموقع بيتميز بعدد عملاء كبير جدا وبالتالى عدد وظائف ضخم فى مجالات مختلفة سواء تطوير مواقع ،تطبيقات، جرافيك، ترجمة، أو حتى إدخال بيانات وكتابة محتوى وتسويق ومبيعات وغيرهم كتير من المجالات.
2- freelancer.com
موقع freelancer من أوائل مواقع العمل الحر وهو موقع صاحب شعبية كبيرة. بيحتوى على مهام كتيرة زى تطوير المواقع، تحليل محركات البحث، تطبيقات الهاتف، جرافيك وتصميم الشعارات، الكتابة وغيرها من المجالات. كل اللى هتحتاجة انك تعمل بروفايل تعرض من خلاله مهاراتك وأعمالك السابقة وتبدأ تبحث عن مشاريع تناسبك. الموقع بياخد نسبة من الارباح مقابل استخدامه والربح من خلاله بشكل آمن.
3- guru.com
موقع يعتبر حلقة وصل بين العملاء و الفريلانسر .الموقع عليه أكتر من 3 مليون خدمة فى مجالات مختلفة من برمجة وتطوير وترجمة وتسويق وتصميم وغيرهم
4- toptal.com
احد أهم مواقع العمل الحر ويعتبر شبكة حصرية من كبار مطوري البرامج المستقلين ، والمصممين ، وخبراء التمويل ، ومديري المنتجات ، ومديري المشاريع في العالم.الموقع معتمد من العديد من الشركات الكبرى التى تعتمد على الموظفين المستقلين على الموقع فى إدارة مشروعاتهم مثل شركات (pfizer, Zendesk, Airbnb, وغيرهم.)
من أشهر المواقع العربية فى مجال العمل الحر
1- khamsat.com
موقع خمسات يعتبر أهم منصة عربية للعمل الحر. خمسات موقع عربى متخصص فى بيع وشراء الخدمات المصغرة .ممكن من خلال الموقع تعرض خدمات كتير بسيطة زى عمل عرض بوربوينت او تعديل صورة وغيره كتير من الخدمات البسيطة
2- mostaql.com
موقع عربى لراغبى العمل الحر وطبعا بيحل أهم مشكلة بالنسبة للكتير وهى مشكلة اللغة وهو متخصص فى تنفيذ المشاريع الكبيرة (على عكس موقع خمسات) بتتراوح سعرها من 25 ل 10 الأف دولار. راغب العمل فى الموقع بيعرض مهاراته فى صفحته الشخصية ويبدأ تصفح المشاريع ويختار المناسب له ويقدم عرض على صاحب الوظيفة
واستنونا في شروحات مخصصة اكتر قريباًَ
