Ahmed Saleh / Educational Services

من اعظم واجمل الحاجات الي ممكن تعملها اليومين دول لو جاتلك فرصة او في ايدك انك تسهلها علي حد (تخليها سهلة) او تجبر بخاطر حد مثلا اعمل كده ومتترددش.

الدنيا صعبة دلوقتي في كل مناحي الحياة وعلي كل المستويات.

حاول انت تخليك طاقة النور او الشيء السهل اللين في حياة الي حواليك، ثوابها كبير اوي اليومين دول إن شاء الله.

صباح الخير 🌸❤️

IGCSE Accounting 0452 - Past papers practice introductory session

IGCSE Accounting 0452 - Past Paper Practice - Introductory Session Introductory Session about Past Paper Practice, In which we discuss the practice detailed plan will be used in the practice / You might need to adjust video ...

Accounting 💰 💵

Impact of Debit & Credit on Financial Statements' elements

Very nice 💡 👌

وانت بتبدأ Session جديدة، وناس كتير هتبدأ Online Classes ومش متعودة علي الـ Online دي شوية نصائح علشان تعرف تستفيد ك طالب من الـ Online أكثر إستفادة:

- حاول متحضرش من موبايل أو شاشة صغير، حاول تحضر من لاب توب او PC أو أي شاشة كبيرة علشان يبقي مجهودك كله متوجه للإستيعاب مش للتركيز إذا كان الكلام صغير ولا كبير.

- لو الـ Online Class، هتبدأ مثلاً 7 ، اعمل حسابك تبقي جاهز تماماً تماماً من 6:45 أو 6:50 علشان في الغالب أو 10 أو 15 دقيقة هما أهم وقت في الـ Class كله.

- حاول توفر لنفسك مكان هاديء علي قد ما تقدر علشان تعرف تركز.

- حاول توفر لنفسك Headphone بـ Microphone علشان تعرف تشارك وتسأل وتوقف الي بيشرح لو احتجت.

- حاول تجهز كل حاجتك ودنيتك قبل ما تبدأ ازازة مياة، الحاجة الي انت عايز تشربها، علشان متبقاش مضطر تقوم في النص لأي سبب وشرح يضيع منك (الا لو عندك Emergency اطلب من الي بيشرح ينتظر دقيقتن تلاتة لحد ما ترجع - مش ده الطبيعي بس كلنا بيحصلنا ظروف).

- حاول تبعد عنك كل حاجة ممكن تشتت تركيزك أو تخليك تسرح زي موبايلك، أو حاجة ممكن تقعد تلعب فيها (ناس كتير الروح الشريرة الخاصة بالإختراعات مش بتيجي إلا ساعة الـ Online Class وبتلبس شخصية Bill Gates وتصلح في سلك الشاحن المقطوع أو ترسم رسومات عظيمة 😁).

- خلي جنبك ورقة وقلم علشان تعرف تاخد Notes أول بـ أول أو تجمع أسألتك تسألها في الأخر حسب الـ Class Guidelines الي بيحطها الـ Instructor تسأل في النص أو تسأل في الأخر.

- حاول تخليك Mute إلا لو هتتكلم منعاً لتداخل الأصوات بالإضافة إن في بعض الـ Applications زي الـ Microsoft Teams بيبقي في Eco لو أكتر من حد Unmute.

- حاول تأمن مصدر انترنت إضافي علشان لا قدر الله لو الانترنت فصل منك تحلق تتصرف وفي الغالب مصدر الانترنت الإضافي بيكون Mobile Hot Spot وتكون عامل Divert للمكالمات علشان متجيش مكالمة تفصل الـ Hot Spot.

- لو فاتح الـ Microphone وحد جنبك زعق أو حد دخل عليك فجأة وميعرفش ان انت في حصة وعلي صوته او بتاع الروبابكيا عدي من تحت البيت وبدأ يشدو بأعذب الألحان 😁 اوعي تتكسف أو تتحرج وتتوتر فتفقد تركيزك - انت مش هتبقي أسوء حظاً من الراجل الجميل ده 👇 الي كان بيعمل Interview مع الـ BBC وولاده دخلوا عليه وفضل محافظ علي ثباته الإنفعالي 😂.

https://www.youtube.com/watch?v=TnKfpoIMn7s

أجدع وأكبر منك في Business Meetings وحصلهم Interruption والناس خرجت من المواقف دي بشكل لطيف 😁.

- لو حصل تقطيع في الصوت من الـ Instructor الي بيشرح، حاول تلفت انتباهه أما من خلال الـ Microphone أو الـ Chat Box و توضح ليه الدنيا وقعت معاك من أول فين علشان يعيد تاني.

- حاول تذاكر علطول بعد الـ Online Class أو تاني يوم بالكتير علشان وانت لسه فاكر الي اخدته.

- استخدم إضاءة مناسبة ليك علشان تعرف تشوف كويس.

- حاول تقفل الـ Camera بأي حاجة علشان لو ايدك جات عليها واتفتحت بالغلط (إلا لو جزء من الـ Session المفروض تظهر بـ وشك).

- خليك فاتح صفحة Word تكتب فيها علشان لو حبيت تـ Share Screen وتوصل فكرة للـ Instructor او الناس الي حاضرة معاك. أو تنزل Scanner Application علي الموبايل علشان تصور بيها حاجة حلتها أو كتبتها وعايز تبعتها في الـ Chat Box.

دمتم طيبين وبكل خير 🌹🌿

Ahmed Saleh
Cambridge Accounting Examiner

أطفال يقاطعون مقابلة مهمة لوالدهم على شاشة بي بي سي قاطع أطفال صغار مقابلة لوالدهم البروفيسور روبيرت كيلي، الخبير في شؤون كوريا الجنوبية، عندما كان يتحدث على الهواء مباشرة مع قناة BBC، الجمعة، عن قرار عزل رئيس...

من الحاجات الجميلة واللطيفة أوي الي ممكن تعملها وانت بتبدأ session جديدة هي الـ Flash Cards.

والـ Flash Cards هي بتبقي ورق صغير زي الي في الصورة (أو متقيدش نفسك بشكل معين، الشكل الي انت تحبه) بيتكتب فيه Math Rules، Definitions، Biology Drawings، Dates، Diagrams، Chapter highlights وملوش شكل معين، كل واحد والشكل الي بيرتاح ليه.

إستخداماته ؟ نوعين:

- في طلبة من ضمن الـ Study approach بتاعها انها بتعتمد علي الـ Flash Cards في العموم وبتعتمد عليها وقت الـ Revision بدل ما ترجع للكتاب أو الـ Notes تاني وتبص في 100 أو 200 ورقة من تاني.

- في طلبة بتستخدمها علشان تعالج بيها حاجات بتقع فيها معينة عندها زي مثلا طالب مش بيفتكر الـ Rules أوي، في أجزاء في الـ Definitions بتقع منه فـ بيحط الـ Definitions في صورة Key wording.

أوقات بيكون في بدائل للـ Flash Cards زي Revision Notes بس مشكلتها انها One model fit، وعمرها ما هتكون زي الي انت بتكتبه بإيدك انت وبتعمله Customization علي نفسك بمشاكلك الي انت ادري بيها من أي حد، وانت بتحط note صغيرة جنب Definition معين بمثال عملي علشان يفكرك بالقصة والموضوع تاني لما ترجعله.

أيه أفضل وقت تعمل فيه Flash cards ؟

بعد كل Chapter أو درس معين وأنت فاكر الأحداث والمواضيع، تيجي علي نهاية الـ Session تعرف ترجعلها وتبص عليها وانت بتراجع أو وقت انت فيه عندك ملل ومش قادر تذاكر بس لازم تذاكر 🙂 بتنفع في الحاجات دي.

دمتم طيبين وبكل خير 🌹🌿

Ahmed Saleh
Cambridge Accounting Examiner

ده أول Post في الـ Page 🙂 وهبدأ بإجابة سؤال طلبة كتير بتسأله:

مبنعرفش نتعامل مع السؤال، أو مبنعرفش ننظم إجابتنا ؟

الي بيجيب الإجابة الصح بعد المذاكرة طبعاً هو التخطيط الجيد للإجابة، أي إجابة سؤال بيبقي ليه خطة في الإجابة وخطة مش معناها حاجة معقدة، بس القصة كلها بتبقي دقيقة أو دقيقتين بتنظيم فيهم نفسك علشان تعرف تجاوب بشكل احترافي، ومن الحاجات الي بتساعدك علي التخطيط (علي سبيل المثال لا الحصر) بشكل جيد النقاط التالية:

- بتقرأ المطلوب منك مرة واتنين وتلاتة إن لزم الأمر، ولو مثلا سؤال مركب بتبدأ تقسمه لـ Sub Requirements وتبدأ تتعامل كل Sub Requirements علي حدة.

طيب بتقسم ازي ؟ علي حسب توزيع الدرجات، بالموضوع، الوقت الي انت عامل حسابك هتصرفه علي كل سؤال، ..... إلي أخره

- بتقرأ الـ Given مرة بتاخد فكرة عن الموضوع، ومرة تانية تبدأ تحط خط تحت الـ Key Information، أي سؤال بيبقي فيه Information عادية و Key Information والـ Key Information هي المعلومة الي انت بتمسك منها طرف خيط تبني من أجابتك.

في التعامل مع الـ Key Information، الناس مدارس في ناس مثلا بتحط خط أو بتاخد Notes برة علي جنب بحيث إن مثلا Paragraph طويل بيصفي علي 4 أو 5 نقاط مهمة تلخيص بتستخدمهم في بناء الإجابة.

- بتبدأ تعمل شكل تخيلي للإجابة في دماغك، يعني مثلا هبدأ بـ Intro وبعد كده إجابة علطول وهيبين الـ workings وسط إجابتي أو مثلاً هحط إجابتي وابدأ ادي References علي الـ Workings زي مثلا W1 واخلي الـ Workings في ورقة لوحدها.

- لو عندي Graph هيترسم هيتحط فين الأول ولا في وسط الإجابة ولا في الأخر علشان يدعم الفكرة أكتر أو ازاي يخدم إجابتي بأفضل شكل.

للحديث بقية إن شاء الله

دمتم طيبين 🌹🌿

Ahmed Saleh
Cambridge Accounting Examiner