Pinprick - شكة دبوس

ما الزواج إلا عقد انتقالِ ولاية..
كانت المرأة قبله خاضعة لسيادة وولاية أبيها أو أخيها
ثم جاء رجل بحق الله وبالميثاق الغليظ ينتزع هذه الولاية وتؤول إليه
فالقوامة والسيادة له
وعليها الطاعة
وعليه ما كان يقوم عليه أبوها "مأكل ومشربٌ ومسكنٌ وملبسٌ ودواء"
وعليه بحق الله المودة والرحمة والرأفة واللين والحب وأن يكون عضدًا وسقفًا إذا اشتد قيظ الحياة، وغصنًا إذا اشتد عصفها..

والرجل العاقل يشاور امرأته، فإن جانبت مشورتها الصواب أعمل رأيه غير ملتفتٍ، والقيِّمُ لا يُنازَعُ في سيادته، لذلك فإن الزواج ليس تشاركًا بل هو سيادة للرجل، وطاعة من المرأة
والمرأة العاقلة لا تناطح الرجل ولا تُنادّه.. كما لم تناطح والدها وكما كان له حق الطاعة عليها في غير معصية الإله جل وعز..

خليك راجل وافهم إن العلاقة هرمية وليست أفقية، علشان هيستعبطوك وهتتركب وهتبقى نُكته أقسم بالله😀🌹

تم تنفيذ الرسم المطلوب😀 على أكمل وجه.

هاحكي قصة مهمة.. في زوجة تواصلت معايا إن زوجها عايز تخيلات وكلام أثناء العلاقة كإن والدتها وأختها موجودين وبيعمل معاهم كده.. وسألتني هل ده طبيعي، وهل عليها أن ترضى بذلك ولا ترفض؟ وهل لو رفضت كده تكون ناشز؟
وقالت إنها لما بتقبل بيكون زوجها في غاية السعادة وبعد ما يخلص بيقول لها إن دي مجرد تخيلات بتحفز الإثارة.. وفي المقابل هو بيتعامل مع والدتها وأختها باحترام ولم يظهر عليه شيء.

فقلت لها إن دي فانتازيا من النوع الخطير، وقد تذهب لأبعد من مجرد التخيل، وإن اللي بيحصل دلوقتي مجرد خطوة هو بيسهل بيها عليها إنها تروح معاه للخطوة اللي بعدها.

النهارده تواصلت معايا إنه بالفعل راح للخطوة اللي بعدها وبدأ يطلب منها صور لوالدتها وأختها بلبس البيت وكان تعليله إن ده هيساعده يحفز الخيال أكثر وتكون المتعة أعلى، وكرر جملته الشهيرة "ده مجرد تخيلات مفيش حاجة حقيقية"
وبعدها بدأ يتكلم إنه نفسه يعمل معاهم جنس على الحقيقة، وإنه مش هيسعى لده إلا بموافقتهم، وإنه عنده مقدرة عالية يخليهم يوافقوا بس هي ترضى..
ولما انهارت قدامه من الغضب قال لها إنه مش هدفه يخونها لكن من حبه فيها عايز يعمل كده مع حد يخصها علشان ده هيكون ممتع إنه من طرفها..
هاكتفي بهذا القدر من الحكاية وإن كان لسه فيها أكثر لكن علشان التفاصيل الباقية للأسف خطر.

هجاوب على السؤال اللي في الاسكرين بقى
التخيلات لو كانت في رأسه فقط ففي حكمها خلاف بين الفقهاء، فالجمهور على أنها حرام إذا استحضرها واستجمعها الإنسان بنفسه، وليست حرامًا إذا هاجمت التخيلات رأسه، واستدفعها فلم تنصرف. خد بالك كل ده عن شخص جواه خيالات ومتكلمش خالص، ده الحكم الشرعي ليها.
المشكلة فين بقى؟
إن الطبقة الأولى من الفانتازيا والتخيلات بتكون حبيسة الصدر، يعني بيفكر فيها مع نفسه وبيستحضرها لزيادة المتعة؛ ولإن الدماغ مبرمج على خاصية الـ Habituation التعود فبيحصل عنده Tolerance Effect أي أنك كلما كررت نفس المثير، يبدأ تأثيره يقل مع الوقت، وتبدأ رحلة البحث عن مثيرات أقوى أو أكثر غرابة للحصول على نفس مستوى الإثارة السابق. لذلك بعض الفانتازيات لا تتوقف عند حدود التخيل، بل تتحول إلى سباق محموم نحو جرعات أعلى من الإثارة.

والأخطر إن الدماغ لا يفرِّق كثيرًا بين الشيء الذي تكافئ نفسك عليه في الخيال والشيء الذي تسعى لتحقيقه في الواقع؛ فكل خطوة عملية نحو الفانتازيا تجعلها أكثر رسوخًا في المسارات العصبية للمخ، وأكثر حضورًا أثناء الإثارة الجنسية.

لذلك الرجل الذي فك أسر التخيلات من عقله إلى فمه وبدأ يناقشها مع زوجته، قريبًا ما سيذهب لأبعد من ذلك لاهثا خلف نفس جرعة الدوبامين اللي كان بيحصلها قبل كده من حاجات بسيطة.. أما ترى إلى قول ربنا "أرأيتَ من اتخذَ إلهه هواه أفأنت تكون عليه وكيلا أم تحسب أن أكثرهم يسمعون أو يعقلون إن هم إلا كالأنعام بل هم أضل سبيلا" فصار يعبد الدوبامين ويأتمر بأمره ولا يتوقف عن طاعة دماغه إلا أن ينقذه الله ربنا.

يا ست الكل، ويا كل ست طيبة زوجها طلب منها يتكلموا عن المحارم أو استحضار ناس في العلاقة رجالا كانوا أو نساءً، ارفضي قطعا ولا يعيبك إن غضِبَ عليك، ولا تلعنك ملائكة الله إن بات في فراشه وهو عليكِ ساخط، ولو لقيتيه متضرر أوي من رفضك ومنصرف عن العلاقة الجنسية كلها فمن فضلك ساعديه يزور طبيب نفسي لإنه محتاج استشارة متخصص.
الله يعافي الناس من كل هذا الهم والشذوذ والقرف.. وحسبنا الله وكفى.

المرأة لا تأمُر؛ والرجل الحق لا يأتَمِرُ للنساء،..
وإن جاء الطلب منهن في صيغة الأمر فلا تُطع.. وقل أفٍ وانهر.. ولا يمُرُّ الأمر مرور الكرام أبدًا..

قال سيدي سيد الخلقﷺ "ما رأيتُ أسلب لِلُبِّ الرجل الحازم من إحداكن.."
فالمرأة تسلُب قلوبنا باللين والرأفة والحنان والصوت الخفيض، ولهن حِيَلٌ لتأخذ حبابِ عيونك،..
لكنها لا تأمر🌹
فـ خليك راجل كده يا صاحبي ومتجبلناش الكلام الله يسترك علشان احنا ماشيين بالدوا والتساهيل على الله😁

مقال مهم لكل الرجال على وجه البسيطة
أقسام واضحة بطريقة سهلة.. شوف ايه منهم انت محتاج فيه دليل هتلاقي هنا دليل شامل بإذن الله تعالى.

النظافة الشخصية للرجال | 8 أقسام في ما لا يسع الرجل جهله مقال شمولي عن النظافة وأدواتها وأين تتوافر وكيفية استخدامها - عن حلاقة وتشذيب الشعر الخاص - عن آداب النظافة الخفية التي لا يتنبه لها الرجل | للباحثين

عِ هذه يا صديقي..
إن المرأة تكون على أقوى حال إذا "ضعُفَت" لك؛
وتكون على أضعف حالِ إذا "استقوت" عليك..

وما وُضِعَ اللين في شيء إلا زانه..
فلما زوجتك تحاول تستقوي عليك وتناطحك وتُنادُّك.. إنزل انت، وهي هتهدى؛ ولما تهدى = كل حاجة هتتعمل زي ما انت عايز.

كائن الباتونساليه ده☺️ لا يُناطَح يا غالي.. فـ انت لو فهمت التركيبة دي هتيجي وقت الخناق تبقى عارف إن كل واحد فيكم ماسك طرف حبل رقيق دقيق، وانت العاقل المتزن الرجل الذي يحافظ على دوام اتصالكما بحبل المودة والرحمة،
فلما هي تشد الطرف بتاعها.. انت ترخيه بالله عليك،
ولما هي ترخي ابقى شد براحتك😄 "الحبل"

هفهمك..
شوف كده الوصف الدقيق ده "استوصوا بالنساءِ خيرًا ، فإنهن عوانٍ عندكم"
النبيﷺ بيوصفها بالأسيرة، كلمة عوانٍ هذه معناها أسيراتٌ
فهل تتخيل إنك لو أسرت إنسان يعني سجنته عندك ينفع يناطحك؟
أنت آمر السجن وهو سجين لديك، فكيف يناطحك؟

أفهمك أكثر..
فلسفة الأسر في الإسلام عجيبة جدا، لو انت سجنت إنسان عندك، فهو له حقوق أنت مسؤول عنها أمام الله عز وجل، مسؤول عن طعامه وشرابه وكسوته، وكل حاجة انت سجنته ميعرفش يعملها وهو في حاجة إليها صارت مسؤوليتك خلاص، ده حق دينك كفله ليه، فكأنك انت اللي أسير عنده مش هو، لإنك هتشتغل وتتعب علشان توفر احتياجاته، وربنا يعاقبك عقاب مرير لو قصرت في هذا الحق..
هذا كله مع أسير الحرب..

فكيفَ بأسيرةٍ اختارت آسرها، وَرَضِيت بحالة الأسر، واستمتعت بها، وهى أجمل عندها من مكوثها فى بيت أبيها..
وهى فى بيتها كملكةٍ وأنت مملوكٌ لها، تخرج النهار نكِدُّ لتطعمها وتكْسُها، أسيرٌ فى كل ما تحبسها عنه.
وهذه الرقيقة اللينة التي وصفها الله أنها "سكن" كرحىً مُثبتة فى فلاة، وأنت مخطوم مسروجٌ معقولٌ إليها، هى تؤتى أُكُلها حيث تدور أنت، وأنت أسيرٌ بعِقالك بها، وهى أسيرةٌ بعقلِك فيها..
كلاكما أسيرٌ عند صاحبه..

فـ اعقل كده وزِنِ الأمور، ومتخربش بيتك علشان اسمالله عليك الكرامة والبتنجان المقلي، كائن بيطلع على مفيش وبينزل على مفيش والله، بس انت تفهم وتقود الدفة بـ رجولة.

بوكس العريس VIP هدية مني لاخويا اللي ربنا منّ عليه وترك الإباحية بمساعدة مقال الفقير إلى الله أسيم نصار♥️
روح لصيدليتنا "9 شارع النزهة - أرض الجولف أمام الرقابة الإدارية عند مطلع كوبري النزهة".. ولو أنا مكونتش موجود وريهم إنك صاحب الرسالة، وقل لهم أخويا أسيم سايب لي بوكس العريس هدية بمناسبة زواجي♥️.. وألف مبارك يا حبيب🔥

نعم، قد رسمناها لأجل ذلك في المقام الأول.. الله يسعدكم♥️

لا يا عم محبش اتكلم عن حد في ظهره😀

تتوب وتتزوج♥️
جماعة "استر يا دولي" تفضلوا التعليقات مفتوحة.

إياك تاخد قرارات، أو توافق على طلبات وقت الإثارة الجنسية، أقسملك بالله ده فخ🤦🏻‍♂️ اهرب.

مما أقرَّه عُقلاء الناس، إننا عندنا راسين لو واحد فيهم اشتغل التاني بيعطل… قل لها: إن شاء الله بس نخلص، ونتناقش.. وعيوني ليكي يا ست الناس😀 ولما تخلص انت عارف هتعمل إيه كويس.