Ahmed Gamal- English Teacher

بإذن الله سلسلة El. TOP السنة دي مختلفة عن قبل كده سلسلة التوب لطالب توب🩵

الحمدلله اللي كرمني مع حبايبي ٣ث السنة اللي فاتت 🩵🩵

انا فعلا فخور بيهم كلهم وفخور بدرجاتهم ونتايجهم وقبل كل ده فخور بمجهودهم وتعبهم والدرجة دي ما هي الا تحصيل حاصل…

اخواتي منهم اللي جاب درجات ما شاء الله زي الفل ومنهم اللي متوفقش ودرجاته مكنتش عاليه اوي

وفي الاخر انا المدرس اللي درس لده ولده وفخور ب ده وده واحتفلت ب ده وده وكلهم عندي واحد

ودي رسالة صغيرة بس لمدرسين اللي مبيفتكروش غير الناس اللي بتقفل والاوائل وبينسوا باقي الطلاب ويكسروا بخاطرهم …. اللي بيتخانقوا مع بعض على الاوائل اللي بينزلوا درجات واسكرينات فيك …….عيب يا مستر الكذب في الماركتينج ستيل كذب وربنا مش بيبارك 🤍

واخر حاجه… الف مليون مبروك لحبايبي الف مليون مبرووك🩵

رسالة لزمايلي المدرسين

لو ربنا كرمك ومع طلاب من ٣ث أو ٢ بكالوريا فدي نعمة كبيرة تستوجب شكرها… شكرها عن طريق إنك لازم تبقى فاهم إن فيه طالب وثق فيك وحط مصيره بعد ربنا بين أيديك .. مينفعش يكون بنسبالك سلعة تستغله وتوديه يمين وشمال… الطالب في المرحلة دي أمانة وجايلك وهو واثق فيك وربنا إدانا نعمة وفرصة كبيرة نسيب أثر طيب قادر يغير حياة كاملة لشخص فأحسنوا شكر النعم واتركوا أثرًا طيبًا 🤍🤍

بسم الله توكلنا على الله 🤍

البداية ان شاء الله من ٨/٨

للتواصل ومعرفة التفاصيل

01020550838

01006010953

مكسبي الحقيقي من قناة اليوتيوب….

قناة اليوتيوب السنة دي كانت واخده الجزء الأكبر من طاقتي ومجهودي

كل يوم بعد شغلي بقعد أصور… وأراجع الفيديو… وأعمل مونتاج …..وأعمل الديزين بتاع صورة الفيديو….. وأرد على تعليقات الناس ……وأشرح …..وأعمل كل ده وأنا حاطط قدام عيني حاجه واحده بس ….

الناس اللي بتستفيد بجد من القناة وبتدعيلي

وربنا كافئني بحجات كتير السنة دي على القناة دي

كافئني بأكتر من ٢ مليون مشاهدة لطلاب استفادوا من القناة🩵🎁
كافئني بحوالي عشرين ألف أخ وأخت من طلابي كان شرف ليا إنهم يكونوا من طلابي

والمكافئة الأكبر كان الحب الحقيقي اللي وصلي… اللي هسيبكم تشوفوه دلوقتي وتشاركوني الحب والشعور الجميل ده🩵

الحمدلله 🩵

الواحد معندوش لجان وجروبات وفريق ماركتينج يعمله حملة بعد الامتحان …. بس عندي طلاب يرفعوا راسي 🤍🤍

وانا دلوقتي مش حابب اتكلم عن الامتحان وتوقعاتي واقعد ازايد مع ان بفضل الله أسألة كتير من الامتحان مخرجتش بره ليالي الامتحان 🤌🏻🤌🏻

انا بس حابب اتكلم عن فرحة طلابي 🩵🩵

و عن الرحلة اللي الواحد كان بيحاول يتقي الله مع طلابه فيها ويشتغل بس في هدوء من غير حوارات وقيل وقال كتير ودعيت ربنا يكرمني في طلابي…

طلابي اللي وعدتهم من أول يوم هتسمعوا كلامي بالحرف هتخرجوا من الإمتحان مبسوطين 🩵🩵🎁

وانهارده كانت نتيجة تعبهم وتعبي لمدة اكتر من عشر شهور….

الحمدلله ان ربنا كرمهم ..والحمدلله على الاثر اللي سبتهلهم 🩵

وكمان مقدرش انسى طلاب الاونلاين (اليوتيوب)
تابعوا الكومنتات عشان تشوفوا رأيهم 🩵

اللهم لك الحمد وصلنا للنهاية..

بعد عام دراسي كامل حاولت اقدم فيه كل اللي عندي لطلابي اونلاين…

ربنا كرمني وقدني اني أقدم..

📌شرح المنهج كااامل
📌حل كتاب العمالقة ترم اول
📌حل كتاب العمالقة تيرم ثاني
📌حل كتاب الزيتونة مراجعة نهائية
📌وحل جميع النماذج الاسترشادية
📌وأخيرًا ليالي الامتحان ( سبع فيديوهات شرح وحل) لجمبع جزئيات المنهج

فيارب يتقبل مني العمل ده ويوفق طلابي واخواتي بكره ويقدرني ويعيني إني أقدم أكتر السنين الجاية 🤍🤍

دعواتكم 🤍

لينك المراجعة كاملة مجانًا في أول كومنت 🤍

بسم الله توكلنا على الله بداية ليالي الامتحان 🩵

مجانًا مجانًا لوجه الله أولًا ولكل اخواتي وحبايبي ثانيًا🤍🎁

كل اللي محتاجه في ال grammar بفضل الله 🥷🏻

📌الفيديو الاول : شرح الجرامر كامل كامل بكل تفاصيله في ٣ ساعات هتفتكر كل التفاصيل من غير تضييع وقت ومن غير كلام ملهوش لازمة.

📌الفيديو الثاني : حل اكثر من ٧٥٠ سؤال على جرامر المنهج والتراكمي من كل المصادر اللي تيجي في بالك في فيديو ٦ ساعات مفيش فكره تتخيلها او متتخيلهاش محلناش عليها.

وان شاءالله انتظروا فيديوهات ال skills و ال story 🚨🚨

لو تعرف اي حد في ٣ث اعمله منشن وهيدعيلك بإذن الله 🤍

اللينك تحت كل صورة🤍👇🏻