بسمة النور Light Basma

بسمة النور Light Basma معالج شعوري للصدمات النفسية والجروح العاطفية
كوتش في تشافي العلاقات الإنسانية والعلاقات الروحية

أخيراً بفضل الله جهزت المفاجئة الهدية اللي بسببها أخرت بوست عيد ميلادي يومين تلاتة بس قبل ماأقول هي إيه:الأول شكراً وملي...
20/07/2026

أخيراً بفضل الله جهزت المفاجئة الهدية اللي بسببها أخرت بوست عيد ميلادي يومين تلاتة بس قبل ماأقول هي إيه:

الأول شكراً ومليون شكراً من القلب لكل أحبابي الغاليين اللي هنوني بعيد ميلادي 💖💖 وكمان مليون شكراً من القلب لكل أحبابي الغاليين اللي وقفوا جنبي ودعموني وسندوني 💖💖 خلال السنة اللي عدت واللي عيشت فيها مشاعر مؤلمة وأحداث صعبة عليا كتير وكلها عدت بفضل الله
وشكرا ومليون شكراً من القلب لكل من جبر بخاطري ولو بكلمة وكل من قدم لي معروفاً علي مدار حياتي كلها💖💖
وبدون أي منشنات عشان البوست مايطولش مني أكتر من كده
وربنا يديمكم نعم جميلة في حياتي وهدايا جميلة من ربنا ليا طول العمر يارب آمين 🙏🙏

وقبل ماأقول الهدية المفاجئة
حابة أشارككم بأهم معني اتعلمته في حياتي عشان تبقي الهدية هديتين بالمرة😄 معني كنت متعلماه نظري واتعلمته عملي خلال السنة اللي عدت ويارب يستمر معايا طول عمري لأنه سر من أسرار دوام النعم ودوام الأحباب في حياتك إلي ماأراد الله:
"وهو إنك تشوف ربنا في كل حاجة .. وتشوف كل حاجة بتجيلك من البشر تشوفها إنها جايالك من ربنا ووصلتك من خلال الشخص ده .. إنك تشوف ربنا سبحانه وتعالي هو المصدر لكل حاجة ليك .. وإنه لافاعل في الكون حقيقي إلا الله "
بمعني أشهر حاجة مثلا وبشوفها في بوستات كتير لما نقول فلانة أو فلان ده سندي ده أماني ده دعمي
مع إنه مافيش حد سند بذاته ولا أمان ودعم بذاته ولأن البشر طبيعي أحوالهم متقلبة ومتغيرة فاللي النهاردة قدر يكون سند ممكن بكرة مايقدرش لظروف تعب أو وفاة أو انشغال أو أيا كان.
اتعلمت المعني التصحيحي لده
إن فلانة أو فلان دعم وسند من ربنا ليا أو أمان ربنا ليا أو هدية جميلة من ربنا ليا إن كل نعمة وكل حاجة جميلة بتوصلني من أي شخص ولو أبسط حاجة فهي نابعة من المصدر سبحانه وتعالي
حقيقي المعني ده لما نعيشه بإستمرار هيفرق في حبنا لربنا وفي قوة وعمق اتصالنا بربنا والمعني ده هيحمينا من التعلق المرضي وهيحافظ علي قوة العلاقات وهيحمينا من عدم شكر النعم لإننا بإستمرار هنشوفها نابعة من رب العالمين سبحانه وتعالي وهنحمده عليها ويزيد عندنا الرضا ونبدأ نشكر ربنا بأعمال من نفس نعمه علينا سبحانه .
والنبي عليه الصلاة والسلام كان عايش المعني ده مع ربنا في كل لحظة وربنا يعيننا علي الإقتداء بالقدوة العظمي عليه الصلاة والسلام علي قد مانقدر .

🌟 وأخيراً نعلن المفاجئة ⭐️
كنت وعدتكم في عيد ميلادي اللي فات اني هنشر جلسة مهمة جداً وعميقة جداً هي جلسة شفاء وتحرر قوية جدا كنت مسجلاها في الروقان من حوالي سنة ونص كده وظروف كتير حصلت وماقدرتش أنشرها

🎆🎇ودلوقتي بقولكم الجلسة متاحة حاليًا بشكل مجاني تماماً وبدون أي مقابل علي قناتي علي اليوتيوب بفضل الله
ومش بس كده هتلاقوا متاح علي القناة 5 جلسات كمان بالإضافة للجلسة الجديدة
يعني 6 جلسات شفاء وتحرر مجانية وهتفضل مجانية علطول

هي جلسات عميقة جداً وواثقة هتفرق جداً مع أي حد يطبقها بنية صادقة في الشفاء ونية صادقة في التحرر من السلبيات والآلام الموجودة بداخلنا

✨️وزي ماكتبت عليها : أتحداك تلاقي جلسة زيها علي اليوتيوب أو في أي حتة تانية لأنها بنفس التكنيك ونفس العمق اللي بستخدمه في الجلسات الخاصة المدفوعة ولكن حبيت أعملها بدون أي مقابل لأن زكاة العلم تبليغه وزي ماربنا قالنا { لن تنالوا البر حتي تنفقوا مما تحبون }
وعشان تبقي الجلسات دي كلها صدقة جارية ليا في حياتي وبعد مماتي خالصة لوجه الله تعالي .
وعشان تبقي الجلسات دي كلها من شكري لربنا علي النعمة اللي أنعمها عليا وعلي كل معلومة ربنا بيعلمهاني في مجال التشافي وتحرير المشاعر والتحرر من الصدمات النفسية.

لينك الجلسة الجديدة
وكمان لينك قناة اليوتيوب
هتلاقوهم في أول كومنت👇
وطبعا مهم جدا تطبقوهم وتشاركوهم مع أصدقائكم وكل معارفكم عشان يعم النفع
وبإذن الله الأيام الجاية هنشر علي القناة كمان الكورس المهم الدسم اللي قدمته علي التليجرام السنة اللي فاتت إن شاء الله .
بسمة أحمد عبد الرؤوف
بسمة النور
باحثة عن النور
من الظلمات إلي النور
سفيرة الحب الحقيقي الغير مشروط
معالج شعوري لتحرير المشاعر وتشافي الصدمات النفسية والجروح العاطفية.
كوتش في تشافي العلاقات الإنسانية والعلاقات الروحية

( في ) لتحرير المشاعر وتشافي الصدمات النفسية والجروح العاطفية. #كوتش في تشافي العلاقات الإنسانية والعلاقات ...
14/03/2026

( في )





لتحرير المشاعر وتشافي الصدمات النفسية والجروح العاطفية.
#كوتش في تشافي العلاقات الإنسانية والعلاقات الروحية
#رمضان
#التوبة
#الدعاء #القران #اسلاميات

خاطرتي من سورة طه 🔴أجمل آيتين بيلمسوني أوي فيها هو قوله تعالي : { وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ ع...
25/02/2026

خاطرتي من سورة طه

🔴أجمل آيتين بيلمسوني أوي فيها هو قوله تعالي : { وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي }
وقوله تعالي : { وَاصْطَنَعْتُكَ لِنَفْسِي }
الآيتين دول كل ماييجوا في بالي أو اسمعهم بحس إن ربنا بيكلمني أنا ..أيوة أنا ..مع إنهم خطاب لسيدنا موسي صلي الله عليه وسلم لكنهم خطاب ليك وليا ولكل واحد بيقرأهم أو بيسمعهم ..ربنا بيتنزل علينا بمعاني الجمال والقرب من خلالهم ..
الآيتين دول بقيوا أساسيين معايا في جلسات العلاج الشعوري سواء لنفسي أو لعملائي لأنها بترجعلنا شعورنا بقيمتنا الذاتية الأصلية اللي شوهتها تركيبة جروح وصدمات كتيرة جوانا ولما ندرك معانيهم ونستشعرهم من كل أعماقنا بيكونوا شفاء حقيقي لينا من الجروح دي.

{ وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي }
✨كل موقف بيحصلنا في حياتنا وكل ابتلاء بنتعرضله وكل الأحداث في حياتنا وكل حاجة بنشوفها قدامنا او بنسمعها ربنا بيربينا فيها علي عناية خاصة منه سبحانه وتعالى.. بيوصل أرواحنا بيه سبحانه أكتر وبيعلمنا إنه هو سبحانه المصدر اللامحدود لكل مانحتاج ..وبيصنعلنا بيها شخصياتنا ..بيصنعلنا بيها نسخة أفضل من ذاتنا.. بيعلمنا دروس مهمة بتقوينا وبتصلح فينا واحنا محتاجين نتطور ونرتقي بالدروس المهمة دي عشان نكمل باقي حياتنا باللي اتعلمناه وهكذا .
{ وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي }
كل حاجة فينا بتدل علي صنع رب العالمين ..لا وكمان بدقة وإتقان وإهتمام وعناية فائقة ..
✨كل حتة فينا بتعبر عن صنع الصانع البديع سبحانه وتعالى ..وأودع فينا صفاته علي قدرنا البشري ومهما الإنسان حاول يقلد صنع الصانع سبحانه وتعالى برضه مش هيعرف يوصل لنفس نتيجة البديع سبحانه وتعالى ..
الكلية مثلا سبحان الله كل كلية عندنا فيها مليون مصفاة مخصصة لكل مادة بتصفي كل حاجة في جسمنا وبعدين تدخل للجسم الكمية اللي هو محتاجها فقط ..تخيلوا الكلية بحجمها الصغير ده تكون مستوعبة جواها لمليون مصفاة! سبحان الخالق البديع سبحانه وتعالي
والإنسان صنع الكاميرا شبه العين بس برضه مهما اتطورت الكاميرات الإنسان ماقدرش يوصل لنفس دقة العين وإبداع البديع فيها وكل جمال فيها ..
والإنسان صنع الكمبيوتر والموبايلات عشان تبقي شبه المخ .. بس برضه عمره ماهيوصل لدقة خلايا المخ والعمليات اللي بتحصل داخل المخ وكل إبداع فيه من رب العالمين ..والعمليات الجراحية دلوقتي مهما بلغت دقتها وتطورها الكبير ونسب نجاحها العالية جدا برضه مش هتوصل دقتها ولنفس الخلق اللي ربنا خلقه بدقة فائقة وعناية خالصة منه سبحانه وتعالى.

🟣قوله تعالي { وَاصْطَنَعْتُكَ لِنَفْسِي } بتفكرني بقوله تعالى: { إنه من عبادنا المخلَصين }
الجملة دي فيها من القرب الشديد والحنية الربانية بطريقة رهيبة اللي تشعرنا إننا مخلوقين عشان نكون خلفائه بحق علي الأرض وعشان نكون قريبين من ربنا وعشان نكون موصولين بيه وبنستمد منه دايما كل اللي محتاجينه عشان يكون هو سبحانه سندنا وقوتنا ومصدر أماننا ومصدر الحب الحقيقي لينا ومصدر كل حاجة في حياتنا
بمعني بسيط جدا كأن ربنا بيقولنا يعني أنا خلقتك واستخلصتك عشان تكون ليا أنا عشان تكون قريب مني أنا مشعارفة أوصف بس هو معني كده بيجعل الإنسان أقرب لربنا وأجمل من الملائكة .

ده سبحانه وتعالى ماوكلش حد يخلقنا لكن سبحانه وتعالى هو بذاته العليا اللي خلق كل حتة فينا بعنايته عشان نحقق مراده مننا .. اللي هو الغرض اللي سبحانه وتعالى خلقنا وجابنا الدنيا عشانه ..يعني الدور اللي المطلوب مننا نقوم بيه والرسالة النورانية رسالتنا في الحياة اللي المفروض نكتشفها وننشرها وننوى بيها الدنيا عشان نحقق بحق { واصطنعتك لنفسي }
مشعارفة أوصف اللي جوايا أكتر من كده ..لكن متأكدة كل واحد منكم هيحس بأحاسيس ومشاعر ماتتوصفش لما يتخيل كده جمال وعظمة رب العالمين وهو بيبلغه بكده .

✨رابعة العدوية قالت إيه ؟
" فليتــك تحـلو والحياة مريـرة **** وليتك ترضى والأنام غضاب
وليت الذي بيني وبينك عامر**** وبينـي وبين العالمين خـراب
إذا صح منك الود فالكل هين*** وكل الذي فوق التراب تراب. "
⭐ ربنا سبحانه وتعالى قال : { أليس الله بكافٍ عبده }
يكفيك ربنا وحده معاك ويكفيك كل حاجة منحهالك ويكفيك تدرك إن كل حاجة بتوصلك من البشر فهي بتوصلك من ربنا من خلال البشر .

بسمة أحمد عبد الرؤوف
باحثة عن النور
سفيرة الحب الحقيقي الغير مشروط
معالج شعوري لتحرير المشاعر وتشافي الصدمات النفسية والجروح العاطفية
كوتش في تشافي العلاقات الإنسانية والعلاقات الروحية

ملحوظة
نفس الآيتين دول اتكلمت عنهم قبل كده في تأملاية طويلة علي جزئين وضحت فيها آثار الجروح العاطفية والصدمات النفسية علي تشويه قيمتنا الذاتية الفطرية الأصلية
مهم تقرأوهم اللينكات موجودة في أول كومنت 👇🏻

🔴 ياتري إيه هي نيتك الأساسية من رمضان السنة دي؟؟🟣وكمان بعد ماعدي ٦ أيام من رمضان ياتري إيه هو المعني الروحي الأساسي اللي...
24/02/2026

🔴 ياتري إيه هي نيتك الأساسية من رمضان السنة دي؟؟

🟣وكمان بعد ماعدي ٦ أيام من رمضان
ياتري إيه هو المعني الروحي الأساسي اللي ربنا ألهمك بيه ولمس قلبك ونورك من جواك واختارت تكمل بيه الباقي من رمضان؟؟..وعاوز المعني ده يسيطر عليك معظم يومك وتعيش بيه الباقي من رمضان وتكمل بيه حياتك بعد رمضان كمان؟؟
🌟النبي عليه الصلاة والسلام في الحديث الشريف قالنا [إنَّما الأعمالُ بالنِّيَّاتِ وإنَّما لِكلِّ امرئٍ ما نوى]

⭐أنا نويت لرمضان السنة دي بإذن الله أني أخرج منه نسخة أفضل من نفسي وربنا يعينني ويقويني علي كده يارب آمين
🌠 أما المعني الأساسي اللي حابة أعيشه وأربي نفسي عليه وأفكر نفسي بيه كل شوية طول رمضان السنة دي بإذن الله
هو معني لمس قلبي جداً سمعته في خاطرة الفجر لأستاذنا مصطفى حسني وهو
[ شهود النظرة واحترام الحضرة ]
يعني إنك تبقي في حضور دائم مع الله
يعني إنك تدرك بإستمرار أن الله شهيد وحاضر معك ويراك سبحانه وتعالى طول الوقت وفي كل لحظة
كما قال سبحانه وتعالى : { وهو معكم أينما كنتم }
وفي عبارة مشهورة بتعبر عن المعني ده وهي ( الله شاهدي..الله ناظري..الله مطلع علي ..الله يراني )
المعني ده لو التزمنا بيه وفكرنا نفسنا بيه طول الوقت هيعمل تغيير حقيقي لينا في حياتنا وعلاقاتنا ومعاملاتنا وهيساعدنا علي السيطرة علي انفعالاتنا المتسرعة وعلي الخشوع لربنا في الصلاة والعبادة بشعور وإحساس بالوصل بربنا من كل أعماقنا .
كل مانربي نفسنا بالتدريج علي المعني ده خلال رمضان كل ماتأثيره الإيجابي علينا هيبقي أفضل بالتدريج بإذن الله.

🎆 رمضان شهر التربية والإصلاح للنفس بجانب استعادة وصل أرواحنا بربنا والقرب منه سبحانه وتعالى...
عشان كده ياتري إنتوا نويتوا إيه لرمضان ده
وإيه المعني اللي عاوزين تعيشوا بيه أغلب يومكم في رمضان ده
وكمان ياتري سميتوه رمضان إيه؟ ....
النبي عليه الصلاة والسلام قال : [ من صام رمضان إيماناً واحتساباً غفر له ماتقدم من ذنيه ]
وقال عليه الصلاة والسلام: [ من قام رمضان إيماناً واحتساباً غفر له ماتقدم من ذنبه ]
بيوجهنا عليه الصلاة والسلام للوعي والإدراك والتركيز علي تحقيق نوايا معينة وعلي إننا مانكونش بنقلد وخلاص أهو شهر عبادة أعمل فيه زي ماالناس بتعمل وخلاص ..لكن لاء مش كده لأن رمضان فرصة كبيرة للتغيير للأفضل ..
تقدر خلال رمضان تعمل تحويل من السلبي للإيجابي ..تحويل كده لأكتر حاجات كنت شايفها سلبية في نفسك قبل رمضان تقدر تشتغل عليها في رمضان وتركز عليها وتحولها لإيجابي وتدعي ربنا يثبتك بعد رمضان
وكأنه كل الكون بيساعدك علي التغيير للأفضل.
🟣ها ياتري قررت يكون رمضان السنة دي بالنسبالك إيه ؟
بسمة أحمد عبد الرؤوف



سفيرة الحب الحقيقي الغير مشروط
معالج شعوري لتحرير المشاعر وتشافي الصدمات النفسية و الجروح العاطفية
كوتش في تشافي العلاقات الإنسانية والعلاقات الروحية

#رمضان

#تأملات

🌟أول جمعة من رمضان⭐جمعة مباركة عليكم جميعًا🙏🏻 مالقيتش أجمل من الحديث الشريف ده إنه يحفزنا ويعلي همتنا لرمضان 👇🏻أن سيدنا ...
20/02/2026

🌟أول جمعة من رمضان⭐
جمعة مباركة عليكم جميعًا🙏🏻
مالقيتش أجمل من الحديث الشريف ده إنه يحفزنا ويعلي همتنا لرمضان 👇🏻
أن سيدنا سلمان رضي الله عنه قَالَ: خَطَبَنَا رَسُولُ اللَّهِ صَلَّى اللَّهُ عَلَيْهِ وآله وَسَلَّمَ فِي آخِرِ يَوْمٍ مِنْ شَعْبَانَ، فَقَالَ: «أَيُّهَا النَّاسُ قَدْ أَظَلَّكُمْ شَهْرٌ عَظِيمٌ، شَهْرٌ مُبَارَكٌ، شَهْرٌ فِيهِ لَيْلَةٌ خَيْرٌ مِنْ أَلْفِ شَهْرٍ، جَعَلَ اللَّهُ صِيَامَهُ فَرِيضَةً، وَقِيَامَ لَيْلِهِ تَطَوُّعًا، مَنْ تَقَرَّبَ فِيهِ بِخَصْلَةٍ مِنَ الْخَيْرِ، كَانَ كَمَنْ أَدَّى فَرِيضَةً فِيمَا سِوَاهُ، وَمَنْ أَدَّى فِيهِ فَرِيضَةً، كَانَ كَمَنْ أَدَّى سَبْعِينَ فَرِيضَةً فِيمَا سِوَاهُ، وَهُوَ شَهْرُ الصَّبْرِ، وَالصَّبْرُ ثَوَابُهُ الْجَنَّةُ، وَشَهْرُ الْمُوَاسَاةِ، وَشَهْرٌ يَزْدَادُ فِيهِ رِزْقُ الْمُؤْمِنِ، مَنْ فَطَّرَ فِيهِ صَائِمًا كَانَ مَغْفِرَةً لِذُنُوبِهِ، وَعِتْقَ رَقَبَتِهِ مِنَ النَّارِ، وَكَانَ لَهُ مِثْلُ أَجْرِهِ مِنْ غَيْرِ أَنْ يَنْتَقِصَ مِنْ أَجْرِهِ شَيْءٌ». قَالُوا: لَيْسَ كُلُّنَا نَجِدُ مَا يُفَطِّرُ الصَّائِمَ. فَقَالَ: «يُعْطِي اللَّهُ هَذَا الثَّوَابَ مَنْ فَطَّرَ صَائِمًا عَلَى تَمْرَةٍ أَوْ شَرْبَةِ مَاءٍ أَوْ مَذْقَةِ لَبَنٍ، وَهُوَ شَهْرٌ أَوَّلُهُ رَحْمَةٌ، وَأَوْسَطُهُ مَغْفِرَةٌ، وَآخِرُهُ عِتْقٌ مِنَ النَّارِ، مَنْ خَفَّفَ عَنْ مَمْلُوكِهِ غَفَرَ اللَّهُ لَهُ، وَأَعْتَقَهُ مِنَ النَّارِ، وَاسْتَكْثِرُوا فِيهِ مِنْ أَرْبَعِ خِصَالٍ: خَصْلَتَيْنِ تُرْضُونَ بِهِمَا رَبَّكُمْ، وَخَصْلَتَيْنِ لَا غِنًى بِكُمْ عَنْهُمَا، فَأَمَّا الْخَصْلَتَانِ اللَّتَانِ تُرْضُونَ بِهِمَا رَبَّكُمْ، فَشَهَادَةُ أَنْ لَا إِلَهَ إِلَّا اللَّهُ، وَتَسْتَغْفِرُونَهُ، وَأَمَّا اللَّتَانِ لَا غِنًى بِكُمْ عَنْهُمَا، فَتَسْأَلُونَ اللَّهَ الْجَنَّةَ، وَتَعُوذُونَ بِهِ مِنَ النَّارِ، وَمَنْ أَشْبَعَ فِيهِ صَائِمًا، سَقَاهُ اللَّهُ مِنْ حَوْضِي شَرْبَةً لَا يَظْمَأُ حَتَّى يَدْخُلَ الْجَنَّةَ».

وده رأي دار الإفتاء المصرية في سند الحديث👇🏻
الخلاصة
بناءً على ما سبق، وفي واقعة السؤال: فما يُقال من أن هذا الحديث موضوع لا يجوز العمل به كلام غير دقيق؛ لأن الحديث المذكور وإن كان العلماء قد ضعفوه إلا أن جميع المعاني الواردة فيه صحيحة ثابتة بنصوص وشواهد أخرى، بالإضافة إلى أن فيه حثًّا على فضائل الأعمال المُجْمَع على جواز العمل به فيها.
والله سبحانه وتعالى أعلم.
المصدر في اللينك ده👇🏻
https://www.dar-alifta.org/ar/fatwa/details/20195/%D9%85%D8%AF%D9%89-%D8%B5%D8%AD%D8%A9-%D8%AD%D8%AF%D9%8A%D8%AB-%D8%B3%D9%84%D9%85%D8%A7%D9%86-%D9%81%D9%8A-%D8%AE%D8%B7%D8%A8%D8%A9-%D8%A7%D9%84%D9%86%D8%A8%D9%8A-%D9%81%D9%8A-%D8%A2%D8%AE%D8%B1-%D9%8A%D9%88%D9%85-%D9%85%D9%86-%D8%B4%D8%B9%D8%A8%D8%A7%D9%86

🌠 وطبعاً ماتنسوش النهاردة👇👇
🔹️الإكثار من الصلاة علي الحبيب سيدنا محمد صلي الله عليه وسلم
🔸️وقراءة سورة الكهف
🔷️والدعاء ليكم وليا ولجميع المسلمين في الساعة الأخيرة قبل صلاة المغرب
اللهم صلّ وسلم علي سيدنا محمدٍ وآله
اللهم صلِّ وسلم على سيدنا محمداً النور وعلي آله النور يانور
السماوات والأرض
اللهم صلّ وسلم علي سيدنا محمدٍ وآله وصحبه وسلم عدد خلقك ورضا نفسك وزنة عرشك ومداد كلماتك

27/01/2026

عمرك سألت نفسك ليه بتتوجع أكتر من غيرك؟
ليه الهجر بيكسر فيك حتة مش مفهومة؟
ليه أي تجاهل بسيط يقلب الدنيا جواك؟
الحقيقة الصادمة إن أغلب جروحنا العاطفية
مش بدأت في علاقاتنا الحالية…
بدأت في طفولتنا.
الحرمان العاطفي مش بس إحساس قديم،
ده أصل الصدمات،
وأساس كل خوف من الفقد،
وكل تعلق مؤلم،
وكل علاقة بتوجع أكتر ما تفرّح.
الفيديو ده مش اتهام لحد،
ده وعي…
وعشان لما تفهم الجرح،
تعرف تبدأ تشفيه.

💥اشترك الآن في برنامج التشافي للعودة إلى الفطرة النقية
📢وابدأ رحلة العودة لفطرتك النقية.
بسمة أحمد عبد الرؤوف
باحثة عن النور
من الظلمات إلي النور
سفيرة الحب الحقيقي الغير مشروط
معالج شعوري لتحرير المشاعر وتشافي الصدمات النفسية والجروح العاطفية.
كوتش في تشافي العلاقات الإنسانية والعلاقات الروحية .




#العلاقات

Address

مصر
Nag Hamadi
83641

Website

,

Alerts

Be the first to know and let us send you an email when بسمة النور Light Basma posts news and promotions. Your email address will not be used for any other purpose, and you can unsubscribe at any time.

Shortcuts

Share

Category