Psychologist_ Hadeer Gaber

الناس بتاخد كورسات…
بس معايا بفضل الله بتتدرب وتشتغل من أول الطريق 👌
أبواب رزق وخبرة حقيقية بتتفتح…
من بيتك… ومن موبايلك 🌿
البرنامج التدريبي الشامل لإعداد أخصائيين تنمية مهارات وتعديل سلوك الأطفال
بسيط جدًا…
علشان أي بنت أو أم أو خريجة تقدر تبدأ المجال حتى لو من الصفر.
قوي جدًا…
لأنه بيجمع بين العلم النظري والتدريب العملي الحقيقي.
مفيد جدًا…
هتتعلمي فهم سلوك الطفل، تعديل السلوك، وتنمية المهارات خطوة بخطوة.
عملي جدًا…
مش مجرد محاضرات وخلاص…
فيه تطبيقات، تدريبات، ومواقف حقيقية من أرض الواقع ووضع برنامج وخطه علاجية لكل طفل
مرن جدًا…
ينفع من البيت… ومن الموبايل… وفي الوقت اللي يناسبك. بيكون كمان مسجل تقدري ترجعي ليه في اي وقت
كل يوم متدربات بيتعلموا مهارات جديدة…
ويفهموا الأطفال بشكل أعمق…
ويبدأوا طريقهم في مجال مهم ومطلوب جدًا ❤️
أنا هدير جابر أخصائية نفسية وتربية خاصة ومدربة معتمدة
ويسعدني أكون معاكم في رحلتكم لبداية قوية في المجال 🌿

هو ليه الطفل بيتصرف كدة؟ السر ورا تعديل السلوك 🧠🧠
​كتير بنفتكر إن تعديل سلوك الطفل معناه ببساطة إننا نخليه "يسمع الكلام" وينفذ الأوامر وخلاص. لكن الحقيقة مختلفة تماماً
​✅ تعديل السلوك الصح والفعّال بيبدأ بـ "إننا نفهم سبب السلوك قبل ما نحاول نغيره." 💡
​أي تصرف أو سلوك بيعمله الطفل (سواء حلو أو وحش) وراه دافع أو وظيفة معينة. علم النفس بيقولنا إن فيه 4 أسباب رئيسية لأي سلوك:
​🚪 1. الهروب: الطفل بيعمل كدة عشان يهرب من حاجة مطلوبة منه، أو موقف مش مريح بالنسبة له.
​👀 2. لفت الانتباه: بيحاول يخلي اللي حواليه يركزوا معاه وياخد اهتمامهم، حتى لو كان الاهتمام ده "زعيق" أو تهزيق.
​🎁 3. الحصول على شيء: ببساطة عايز ياخد لعبة، أو أكل، أو أي حاجة مادية هو عايزها.
​📶 4. التحفيز الحسي: بيعمل حركة معينة لأنها "بتكيفه" داخلياً، أو بيريحه، أو بيفرغ بيها طاقة حسية جواه.
​🎯 القاعدة الذهبية: "السلوك اللي مش فاهمين سببه.. مستحيل نعرف نعدله." 🗝️
​لو عرفنا السبب الحقيقي، هنقدر نقدم له البديل الصح ونعلمه إزاي يعبر عن احتياجاته بطريقة إيجابية.
​👨‍🏫 تعالوا نطبق الكلام ده سوا:
تخيلوا طفل بيبدأ يرمي لعبه ويعمل دوشة و"يكسر الدنيا" أول ما مامته تمسك التليفون وتتكلم فيه.
​تفتكروا، على حسب الأسباب الأربعة اللي قلناهم.. إيه هو الدافع الأقرب لتصرف الطفل ده؟ اكتبوا لنا رأيكم في التعليقات 👇👇
​ #أخصائيين

مبارك عليكم الشهر الفضيل 🌙
أسأل الله أن يجعلنا وإياكم من صوامه وقوامه، وأن يتقبل منا ومنكم صالح الأعمال.
كل عام وأنتم إلى الله أقرب

حبيت أعمل زي الترند 👀
يمكن الصورة كاريكاتير…
بس الرسالة حقيقية:
شغفي بالأطفال، وبكل أخصائية حابة تبدأ طريقها، هو اللي بيكبرني كل يوم 🌱
هدفي مش بس تعليم الطفل…
لكن صناعة جيل يفهم الطفل قبل ما يعلّمه 🤍
ومن خلال المحتوى الرقمي والكورسات التدريبية
بحاول أوصل رسالة بسيطة:
كل طفل يقدر يتطور… لو لقَى حد فاهمه صح ✨
قولولي بقى… شايفينها شبهّي؟ 😄
أخصائية تربية خاصة 💙
تنمية مهارات وتعديل سلوك 🧩
مدربة كورسات لإعداد الأخصائيات 🎓
ومنشئة محتوى رقمي بحلم بيكبر كل يوم 📱

ديا ترى مين الأخصائي الشاطر اللي عينه هتيجي على الغلطة فوراً؟ 🧐
في الصورة سيناريو بيحصل كتير.. أخصائي متحمس عايز يطور الطفل بسرعة، بس النتيجة ممكن تكون عكسية تماماً 📉
​المطلوب منكم في التعليقات:
1️⃣ إيه الغلطة الفنية اللي وقع فيها الأخصائي هنا؟
2️⃣ وإيه هو "المبدأ العلمي" اللي اتكسر في الموقف ده؟
​💡 تلميح: "مش كل سرعة شطارة.. والسر في السلالم 😉
​مستنية إجاباتكم.. وروني شطارة المحترفين💪👇

🚨 ابنك مش لوحده في أوضته فيه "ثعلب" مستخبي له ورا الشاشة
​الصور اللي قدامكم ، دي الحقيقة اللي بتحصل "دلوقتي" في ألعاب ولادنا تحت مسمى "اللعب". المحادثة دي عبارة عن فخ احترافي، هدفه مش بس السرقة، ده هدفه السيطرة الكاملة على عقل طفلك وعزله عنك تماماً.
​بصوا كدة "السم" مدسوس في العسل إزاي؟
​🪙 فخ الروبوكس: المحتال بيلعب على نقطة ضعف الطفل (العملة الوهمية) عشان يخليه "عبد" لأوامره.. "هيديك عملات مقابل إنك تنفذ اللي هقوله".
​🚫 "بابا هيضربك": دي أخطر نقطة! المحتال بيزرع الخوف بين الطفل وأهله، بيقنعه إن أبوه "وحش" وهيعاقبه، عشان الطفل يخبي السر ويلجأ للمحتال بس باعتباره "المنقذ".
​🕵️ التجنيد والابتزاز: الموضوع بيبدأ بطلب معلومة بسيطة مقابل "روبوكس"، وبينتهي بإن الطفل بقى جاسوس جوه بيته أو ضحية لابتزاز ملوش نهاية.
​روشتة الأمان (لازم تتحركوا فوراً):
​اللعب مش مجرد تسلية: الشات في ألعاب زي "Roblox" هو "الباب المفتوح" اللي بيدخل منه أي مجرم لقلب بيتك.. اقفلوا الشات فوراً من الإعدادات.
​مفيش حاجة ببلاش: علموا ولادكم إن اللي يوزع هدايا غالية لغريب هو شخص "خطر" مش كريم، وإن الأمان أهم بكتير من أي عملة وهمية.
​كوني "حضن" مش "قاضي": لو طفلك خاف منك، هيروح للي بيضحك عليه. ابنك لازم يحس إنه مهما غلط، إنتي الملجأ الأول والوحيد اللي هيحميه مش هيعاقبه.
​الرقابة مش تجسس.. دي حماية: ادخلي دلوقتي على (Parental Controls) واقفلوا خاصية الكلام مع الغرباء.
​الموضوع بيبدأ بـ "لعبة".. وممكن ينتهي بـ "كارثة" لو مخدناش بالنا.
​ ⚠️

بصمتكِ هي التي تصنع الفارق. تذكري دائماً أنكِ لم توجدي في حياة هؤلاء الأطفال صدفة، بل أنتِ جزء من خطة الله لتمهيد الطريق لهم. كوني لهم النور
#إلهام .

الحمد لله الذي بنعمته تتم الصالحات ✨
​"وَكَانَ فَضْلُ اللَّهِ عَلَيْكَ عَظِيمًا"
​طوال سنوات مضت، كنت أمارس التدريب بحب وشغف.. لكن إيماني بأن "من لا يتجدد يتبدد" دفعني لخوض هذه الرحلة الأكاديمية لصقل مهاراتي الحالية، والارتقاء بأدواتي التدريبية لمستوى أكثر احترافية.
​سعيدة جداً بحصولي على هذه الحزمة التدريبية المتقدمة (TOT - حقائب تدريبية - لغة الجسد)، لتكون داعماً قوياً لخبرتي الميدانية.
​الآن.. الخبرة تالقت بالاحترافية، والقادم أقوى بإذن الله💪
​ #شغف