ACM MU

14/06/2026

جاهز تبدأ رحلتك فى الجرافيك ديزاين؟
يسعدنا أن نعلن عن بداية دورة جديدة من تدريب الجرافيك ديزاين بمحتوى أٌقوى ومكثف يأهلك لسوق العمل من خلال تطوير مزيج من المهارات الإبداعية والعملية الهامة.
محتوى التدريب :
⭕مقدمة عن مجالات الجرافيك المختلفة وإزاي تتعلم المجال المناسب ليك.
⭕شرح عملى ومبسط لبرنامج الفوتوشوب
⭕ قواعد التصميم الأكاديمية.
⭕نظريات الجرافيك المختلفة زي الألوان والخطوط وغيرها.
⭕تصاميم السوشيال ميديا.
⭕تصميم البوسترات.
⭕تصاميم الدمج الاحترافية.
⭕توظيف الذكاء الاصطناعي في التصميم.
أكتر من 30 ساعة تدريبية هنشتغل فيها على 15 بروجيكت عملي متفاوتين في الصعوبة هيخلوك جاهز لسوق العمل بمعرض أعمال قوي يبرز مهاراتك.

سجل دلوقتي والحق مكانك معانا.

لينك التسجيل :

https://forms.gle/3NLiyPjtJWpU7Buq9

16/05/2026

متفوتش الفرصة وشارك مع أصحابك 💪🏽🔥

عندك امتحانات ومش عارف تركز؟

كل شوية تقول "هبدأ أذاكر"… وفجأة تلاقي اليوم خلص ؟ 🤔

علشان كده عملنا
" Mastery League " ✨

فكرة المسابقة بسيطة:
كل ساعة مذاكرة = نقاط
وكل ما تذاكر أكتر… فرصتك تكسب تكبر.

وفي النهاية
أعلى شخص في النقاط هياخد خصم حصري على الـ Workspace طول فترة الامتحانات.

📍المسابقة هتكون داخل Tech Mastery Hub
⏳ لمدة أسبوع كامل

وفي Bonus Points كمان 👀
لو جيت بدري، أو جبت صاحبك يذاكر معاك،
وحتى لو سلمت موبايلك ساعتين وركزت في مذاكرتك هتاخد نقاط إضافية 🤩

💬 مين جاهز يبدأ التحدي؟
https://forms.gle/EnHZnZaSbS2Bkwcp6

15/05/2026

لو وصلت لمرحلة إنك فاهم الأساسيات ومش عايز تفضل واقف مكانك، ده وقت النقلة. التدريب ده مش مجرد كورس، ده تجربة عملية هتخليك تعيش الواقع زي ما هو: هجمات، دفاعات، وتحليل مواقف حقيقية. هنا هتتعلم إزاي تفكر زي المهاجم وتتصرف زي المحترف، وتبني لنفسك مكان وسط الناس اللي فعلاً شغالة في السيكيورتي.

المطلوب يكون معاك:
- Network Fundamentals
- OS (Windows & Linux)
- Security+

التراكات المتاحة:
- Blue Team (SOC): الدفاع، المراقبة، وحماية الأنظمة
- Red Team (Pen Tester): الهجوم، اختبار الاختراق، والتفكير بعقلية الهاكر

التدريب هيقدملك:
- شغل عملي، مش مجرد نظري.
- هتتعامل مع تحديات واقعية تخليك جاهز لسوق العمل.
- هتتعلم إزاي تحلل الهجمات وتبني خط دفاع قوي.
- هتفتح لنفسك فرص جديدة في مجال الأمن السيبراني.

التدريب دا علشان يرفع مستواك ويخليك أقرب للاحتراف.
العدد محدود احجز مكانك دلوقتي قبل ما يفوتك!

08/05/2026

بنتقدّم بخالص الشكر والتقدير لشركائنا الكرام اللي شاركونا وكان بينا تعاون ليوم مميز:
- حلوانى الصمدي - المنيا
- EraaSoft
- قصر المحمدي
- Elheyba Digital Print مطبعة الهيبة للطباعة الديجيتال والتوريدات العمومية
- ليلى ستور

اليوم ده كان مميز جدًا بتعاونكم، وأثمر وانعكس أثره في تعزيز العلاقات وتبادل الخبرات.
إحنا مبسوطين بكل اللي تحقق خلال التعاون ده، ومتحمسين لتعاونات جاية بينا وسعيدين بالنتائج اللي طلعت.

30/04/2026

يسعدنا نعلن عن تعاون جديد مع Bzon Company
شركة بتقدّم حلول برمجية وخدمات Digital Marketing بشكل احترافي، وبتساعد الشباب ياخدوا خبرة حقيقية من خلال فرص Internship مش مجرد كورسات وخلاص.

من خلال التعاون ده هنقدر نوفرلكم:

* خبرة عملية حقيقية في مجالات البرمجة والدDigital marketing
* فرص Internship تساعدك تدخل سوق الشغل بشكل أقوى
* محتوى عملي مفيد بعيد عن الحشو النظري

لو عايز تبدأ صح وتطوّر نفسك بجد، التعاون ده معمول علشانك 👌

Follow the full Bzon channel on WhatsApp 👇
https://whatsapp.com/channel/0029Vb7uQRJDp2Q1CW8d3i3h

25/04/2026

مقتطفات من فعالية Visionaries – Eagle Vision🔥
التي تمت يوم الخميس الماضي في كلية دار علوم، والتي جمعت بين الإبداع والابتكار، وأبرزت طاقات شبابية ملهمة وقدمت تجارب متنوعة في مجالات التدريب، الأمن، وتحليل البيانات. الفعالية كانت مساحة للتواصل وتبادل الأفكار، حيث تفاعل الحضور مع الضيوف المبدعين بشكل مباشر، وخرجوا برؤى جديدة تلهمهم في مسيرتهم الأكاديمية والمهنية.

25/04/2026

الحمد لله الذي وفقنا وأعاننا على إنجاح هذا اليوم المميز … يوم اجتمعنا فيه على الإبداع، وتشاركنا فيه الرؤى والأفكار.

نتقدم بخالص الشكر والتقدير لمعالي الأستاذ الدكتور عصام الدين صادق فرحات رئيس الجامعة على اهتمامه المستمر بالأنشطة الطلابية ورعايته الدائمة لمثل هذه الفعاليات.

كما نتوجه بخالص الشكر والتقدير إلى الاستاذ الدكتور عصام حليم حسين عميد الكلية على دعمه الكبير وحضوره الكريم، الذي أضفى قيمة خاصة على هذا الحدث.

ولا يسعنا إلا أن نتوجه بالتحية والتقدير والامتنان إلى المتحدثين المميزين الذين شاركونا خبراتهم وتجاربهم، وأثروا البرنامج بمداخلاتهم القيمة، فكانوا بحق مصدر إلهام لكل الحاضرين.
كذلك نشكر من القلب كل الحضور الذين شرفونا بوجودهم، وشاركوا معنا اللحظات، وكانوا جزءًا من نجاح هذا اليوم. حضوركم هو الدليل الأكبر على أن Visionaries ليست مجرد فعالية، بل هي مجتمع حي يتشارك المعرفة والطموح.

وأخيرًا، نتوجه بالشكر إلى الفريق المنظّم … الفريق الذي عمل ليل ونهار، خطط ونفذ، وواجه التحديات بروح واحدة، حتي يكون هذا اليوم بهذه النتيجة. أنتم الأبطال الحقيقيون وراء الكواليس، ونجاح Visionaries هو نجاحكم أنتم أولًا.
باسم Visionaries – Eagle Vision، نشكر الجميع، ونعدكم أن القادم سيكون أكبر وأقوى … وإلى لقاء جديد يجمعنا على الإبداع والرؤية والتميز.

22/04/2026

مستنيينكم بكره😍🔥🔥

21/04/2026

كلنا بنجرب وبنحاول وخايفين في آخر الطريق منوصلش ، بس بشمهندس أسامة أحمد بدأ من مطور عادي … لواحد من أبرز المؤثرين في مجال التقنية!

بشمهندس Osama Ahmed قدر يثبت إن النجاح مش محتاج ملايين المتابعين ولا محتوى معقد، لكن محتاج قيمة + استمرارية + لمسة شخصية.

وأثبت دا من خلال إنجازاته الرقمية:
- Top 1% على LinkedIn في مصر
- Top 2% عالميًا
- Top 4% في JavaScript Worldwide
- Top 5% في IT & Tech في مصر
- أكتر من 18 ألف متابع على LinkedIn.
- تم اختياره كـ TEDx Speaker ليشارك أفكاره وتجربته مع
جمهور واسع.
- Top 1 على مستوى مصر في مجال JavaScipt على LinkedIn - حسب Favikon

ومع خبره:
- أكتر من 3 سنين في تطوير تطبيقات ويب باستخدام React و Next.js.
- شارك في بناء منصات متعددة اللغات ومشاريع عالية الأداء.
- بيتميز بأسلوبه في تبسيط الأفكار المعقدة وتحويلها لحلول أنيقة وسهلة.

وجوده في الايفينت هيكون فرصة لأي حد عايز يتعلم إزاي يبني براند شخصي قوي، ويطور نفسه في مجال التقنية، ويحول شغفه لإنجازات ملموسة.

مستنينكم يوم ٤/٢٣ ، الأماكن محدودة … احجز مكانك وخليك جزء من التجربة اللي هتغير مفهوم التعليم والتطوير التقني!

20/04/2026

لما التعليم يقابل الإبداع … النتيجة بتكون حاجة مختلفة تمامًا!

مبسوطين إن ولتاني مره علي التوالي بنستضيف فريق شكراً يسطا واللي أكيد وجودهم هيضيف قيمة خاصة للايفينت.

فريق ShukranYasta - شكرا يسطا قدر يغير مفهوم تعلم الإنجليزي عند آلاف الشباب، بأسلوب شبابي، ممتع، وتفاعلي.
مع أكتر من:

- 312 ألف متابع على تيك توك
- 1.5 مليون إعجاب على فيديوهاتهم.
- 32 ألف مشترك على يوتيوب مع محتوى متنوع بين التحديات، الكورسات، والترجمة.
- 1.9 مليون متابع علي الفيس بوك

الارقام دي مش مجرد نجاح رقمي .. ولكن دي قصة إبداع وتطوير هتسمعوها بنفسكم. قدروا يوصَّلوا اللغة بشكل سلس وممتع وبسيط يخلي اي حد يستمتع باللغة والمحتوي.

مستنينكم يوم ٤/٢٣ ومتنسوش تجيبوا صحابكم علشان كلكم تستفيدوا.
أحجز بسرعة علشان الاماكن محدودة، وخليك جزء من التجربة اللي هتغير مفهوم التعليم!