أسرة شبابيك _ طب المنيا

ى كسر ملل الدراسة و رغبة مشتركة فى إننا ندى فرصة لمواهبنا الدفينة إنها تطلع للنور .. و نية حقيقية إننا نقدم خدمة ونساعد بأي حاجة -و لو صغيرة - لمجتمعنا . . .

**********************************************
---------------------------------------------------------------------
طيب يا ترى أسرة شبابيك موجودة على الساحة من امتى ؟؟؟
الحمد لله أسرتنا موجودة فى الكلية بقالها 3 سنوات .. إحنا أول أسرة تكونت في الكلية بعد ثورة 25 يناير .. و الحمد لله منذ ظهرها و هى فى طليعة النشاط الطلابى فى الكلية .. ويمكن في الجامعة كمان بشهاده الجميع . . .

**********************************************
---------------------------------------------------------------------
و يا ترى ايه نشاطاتنا فى الأسرة ؟؟
كل حاجة تتخيلها أو تحلم بيها هتلاقينا بنقدمها
* خدمات علمية في المقام الأول طبعا لأن كليتنا كلية قمة ويهمنا التفوق العلمي قبل أي شئ ( كورسات علمية علي أعلي مستوي _ رحلات علمية _ دعم للمشاريع العلمية " مدينة زويل للعلوم والتكنولوجيا " _ مذكرات _ ملخصات _ ..... إلخ )
* أنشطة ترفيهية ودي إحنا مميزين فيها جداً جداً جداً ورحلات أكيد ( دريم بارك _ الغردقة _ بني حسن _ الأسكندرية _ الفيوم . . . إلخ )
وممكن تسألوا عننا من السنين اللي فاتت وكل سنة عندنا ما هو جديد ^_^
* خدمات إجتماعية ( مساعدات للطلاب الغير قادرين _ يوم اليتيم _ إفطار اليتيم _ يوم الأم _ مطاعم خيرية _ تبرع _ زيارات _ ..... إلخ )
* وأنشطة رياضية ( دورات كرة قدم _ دورات تنس طاولة _ أيام ترفيهيه _ ... إلخ )
* وأنشطة فنية ( معارض فنية _ مسابقات مواهب (رسم _ غناء _ عزف _ إنشاد _ تمثيل _ تقليد ....) _ .... إلخ )
* وأنشطة ثقافية ( معارض كتاب _ معلومات عامة _ مجلات _ صالون ثقافي _ مسابقات أدبية ( شعر ونثر وقصة قصيرة ....) ..... إلخ )
* وأنشطة دينية ( مسابقات حفظ قرآن كريم _ مسابقات في الأحاديث ... إلخ )
و .... و .... وأي حاجة تخطر ببالك هنساعدك تنفذها بالشكل المطلوب وأفضل كمان .

**********************************************
---------------------------------------------------------------------
هتقولي طيب يعني إيه " شـبــابــيـــك " ؟؟
هأقولك إختصار ل " شـبــاب بـيــك " يعني الأسرة هتبقي بـيــك وكل خدماتها لـيــك .. أفهمك تاني إحنا أسرة طلابية يعني مجموعة من الطلاب جمعتنا فكره واحده هي إننا نقدم خدمة لإخواتنا وزمايلنا الطلاب ونحاول علي قد ما نقدر نساعدكم ونخلي الحياة أجمل وأسهل في سنين دراستنا الطويلة في الكلية ..
كل ما في الأمر مجموعة طلبة بيساعدوكم عشان ما تواجهوش المصاعب والمشاكل اللي واجهناها قبل كده وكنا نتمني إن حد يقولنا نعمل إيه ونروح فين لما دخلنا الكلية .. دون إنتظار لأي مقابل .

**********************************************
---------------------------------------------------------------------
طبعا كتير هيسأل إحنا لينا توجه سياسى أو دينى معين ؟؟؟
ومالناش أي تـوجـه سيـاســي أو إنـتـمــاء ديـنــي
يا جماعة إحنا التوجه الوحيد و الحاجة اللى مجمعانا كلنا هى رغبتنا فى خدمة مجتمعنا سواء مجتمعنا الصغير فى الكلية .. و مجتمعنا الكبير اللى كلنا عايشين فيه .. حتى لو كانت الخدمة دى مجرد بسمة او تخليص زمايلنا من الملل ... علشان كدة إحنا شباب من كل فكر و كل لون . . .

**********************************************
---------------------------------------------------------------------
و اللى عاوز يشترك ويبقي عضو ويشتغل معانا في الأسرة محتاج يعمل ايه ؟؟؟
أهلا ومرحبا بيك في أي وقت إحنا بنرحب بيكم كلكم ويشرفنا إنضمامكم لينا وتكون واحد من أسرتنا المتواضعة أسـرة شـبـابـيــك
مش محتاج أى حاجة غير إنه يبقى عنده استعداد يكون له أخوات جداد و أسرة بجد فى الكلية .. و يقدر يتواصل معانا عن طريق جروبنا علي الفيس بوك :

https://www.facebook.com/groups/www.shababeek/

أو علي أكونت الأسرة أو يكلم أى حد من أعضاء الأسرة اللى يعرفهم فى الكلية ^_^

* للإستفسار ولمزيد من المعلومات :-
* 01011658644 _ 01062207918

**********************************************
---------------------------------------------------------------------
و يارب تكون كلمة أسرة مش مجرد اسم .. و اسم شبابيك مش مجرد كلمة .. و نكون فعلا أسرة .. و تكون فعلا أسرتنا شباك لينا على الدنيا . . .

**********************************************
*** أســـــــــــرة شــبـــــا بــــيـــــــــك ***
*** الـــطــــــــب بيـتـقـدم بـــيــــــــــك ***