جيل

يُحكى أن هناك أمة طل عليها هلال العيد 🩵✨
كل عام وكل الأمة طيبة وبخير ونصر وسعادة
❤️ 🖤🤍💚

ليلة القدر... أولادك معاكي ولا عليكي؟!

لو قدرنا نحمس أولادنا من دلوقتي
بإذن الله بدل ما يفرهدونا هيساعدونا 😅
ودا هيحصل لو.. لو..
نخليهم جزء من الصورة.. مش نبعدهم عن الحدث

هما مش عايزين يسمعوا كلام كبير
ولا كلام مهم الحقيقة
هما في المرحلة دي من عمرهم أبسط من كدا
بيحبوا الفوازير.. بعض الأسرار الغامضة
وعايزين يعيشوا قصة هما أبطالها.

طيب جميل... ليلة القدر قصة جميلة.. خليهم أبطالها
مهدي لأولادك قبل العشر الأواخر..
▪️احكيلهم فضل ليلة القدر.. في جلسة صفا بعد الفطار مرة
▪️مرة تانية زودي فضولهم.. مش عارفين ميعادها بالظبط👀
▪️وفاجئيهم إنه ليها علامات 😃
▪️اختبريهم في اللي يعرفوه عنها.. أجواء بتاكل معاهم 😅
▪️اسمعي خططهم عن اللي عايزين يعملوه الليلة دي
▪️ساعديهم يجهزوا دعواتهم ويكتبوها ✨

ولما تبدأ العشر الأواخر
مش هتكوني انتي لوحدك اللي عندك خطة لاستقبال الليلة
هما كذلك عندهم خطط صغننة جميلة
وكدا مش هما لوحدهم اللي هيكونوا أبطال الليلة دي..
انتي كمان بطلة حقيقية🩵✨

إلهمي غيرك.. وشاركينا في التعليقات حاجات عملتيها مع أولادك أو أخوتك الصغيرين وعلمتهم أكتر عن ليلة القدر 🩵✨

"أتاكم شهرُ رمضانَ ، شهرٌ مبارَكٌ ، فرض اللهُ عليكم صيامَه ، تفتحُ فيه أبوابُ الجنَّةِ ، و تُغلَق فيه أبوابُ الجحيم ، وتُغَلُّ فيه مَرَدَةُ الشياطينِ ، وفيه ليلةٌ هي خيرٌ من ألف شهرٍ ، من حُرِمَ خيرَها فقد حُرِمَ"

كل عام وأنتم بخير❤️ 🖤🤍💚

يلا نخلي أطفالنا يلعبوا ويتنططوا..
ويستكشفو حاجة جديدة 🧐
ويعملوا ذكريات جميلة في رحلة مميزة قبل الدراسة ✨

🗓 الخميس 5 فبراير
⏰ التجمع الساعة 9 صباحاً بجمعية صلاح الدين
📌تكلفة الرحلة 150ج

برنامج الرحلة:
📍 المركز الاستكشافي للعلوم بالمنيا الجديدة
📍ثم التوجه إلى Kids Area لقضاء وقت مليان لعب ومتعة 🎉
🍔 مع وجبة لذيذة للأطفال
يوم مليان اكتشاف، لعب، وذكريات حلوة بإذن الله ✨

ابعتيلنا رسالة علشان تحجزي مكان لأطفالك ✨

هنعمل كيكة لذيذة سوا 👀💜

كيكة سهلة وبمكونات بسيطة تقدري تعمليها بعد كده في البيت وتبهري بيها أي حد 😍✨

مش بس كده… هنضحك، ونلعب، ونحكي، وناخد بريك حقيقي من أي ضغط 🤍 يوم كله طاقة حلوة وضحك من القلب 💛

ووسط الأجواء دي مش هننسى العمل الخيري لإننا أثناء تجمعنا
هننفذ نشاط خيري سوا بحب وفرحة 🫶

بكره مش مجرد يوم… ده ذكرى حلوة هتفضل محفورة في قلب كل أفنونة هتحضره عشان نختم الأجازة بيوم ميتنسيش💜

وأي حد حابب يشاركنا اليوم ده يقولنا بسرعة وهنستناه✨️💖

أوقات بنشوف ولادنا منعزلين وعلى طول مع نفسهم
وهما بيكونوا شايفنا سايبنهم مع نفسهم

أحياناً بسبب كتمانهم وإنهم مش عارفين ولا عايزين يعبروا
ولا احنا بنسألهم الأسئلة اللي المفروض نسألها فيعبروا

ونتيجة الكتمان!
احنا شايفنهم مع نفسهم ومنعزلين معندهمش احتياجات زيادة
وهما شايفينا مقصرين مش مهتمين باحتياجاتهم كفاية

ويوم ورا التاني الكتمان يزيد بس مش لوحده...
بيزيد معاه سوء الفهم والسخط والبعد وتراكم الأسئلة وتصرفات مزعجة ومشاكل كبيرة كان حلها بسيط... بس يتكلموا ونسمع.

ودا اللي هنساعد بناتنا يعملوه من خلال ورشتنا بكرة إن شاء الله
هنساعدهم يعرفوا أكتر عن نفسهم انطلاقاً من الوحي..
أيه حقوقهم وواجباتهم...
ازاي يعبروا عن نفسهم..
وازاي يختاروا الطريقة المناسبة حسب سن الناس حواليهم وطبيعة علاقتهم بيهم.

حتى لو هي انطوائية.. مش بتعرف تحكي
مش بتحب تحكي.. بتتكسف تحكي
الأنشطة اللي هيقدروا يعبروا من خلالها متنوعة وفيها مراعاة لاختلافات بناتنا وطباعهم 💜✨

📌ميعاد الورشة:
الإثنين 25 يناير
ابعتيلنا رسالة علشان نبعتلك التفاصيل ✨


#أفنان2026م