20/02/2024
مين قالك إن دورك. ك ولى أمر إنك تودى ابنك دروس وبس❌
دروس من غير متابعة منك = صفر.
دروس مع معلم غير متمكن= صفر.
دروس من غير ما تخلق دافع عند ابنك = صفر.
دروس من غير تحفيز وتشجيع دائم = صفر.
لو بتدور على المدرس اللى معاه العصا السحرية بدون أى مجهود منك، فابشر هتصرف فلوس لا حصر لها والمحصلة هتفضل صفر.
أسوأ نموذج بقابله على الاطلاق نموذج "بفلوسى".
ولى الأمر اللي متخيل أن بالفلوس ابنه هيبقى خارق !! هيعمل إيه بقى المدرس مع ابنك اللى معندوش استعداد يفتح كتاب مع غياب المتابعة تماما منك!!
لو الفلوس هى المقياس كان زمان الطلاب اللى فى المدارس الخاصة خارقين.
أفضل طالب بقابله هو اللى بيكون عنده إستعداد للتعلم وده طبعاً بيبقى بفضل أهله فشكراً بجد للناس دى حتى لو مستواه ضعيف بحب جداً أشتغل معاه وأزود الدافع عنده.
المعادلة ببساطة
معلم متطور متمكن + ولى أمر واعى + طالب مهيئ للتعلم === طالب متفوق.♥️
