هي مبادره مجتمعيه تنمويه، تعمل على محو أميه الأطفال المتسربيين من التعليم في منطقه أبوهلال وإكسابهم بعض القيم والسلوكيات.
19/06/2020
••
اتمنى مبادرة حقى تاخد مركز .. اتمنى كل واحد تعب فى المبادرة انه يظهرها بشكل لائق يشوف ثمرة نجاح حاجة شارك فيها ودعمها بإخلاص وحب 🤍🌸..
ربنا يوفق كل المبادرات المشاركة فى المبادرة على مستوى الجمهورية 🤍🎈 .. فعاليات التكريم والحفل هتنزل على الصفحة يوم الحد بإذن الله 💪🏼🤍
تابعوا الصفحة هتنزل عليها الفعاليات اول بأول
08/06/2020
••
ابنك أو بنتك طفل كتوم ومش عارف تعمل ايه ؟!
اقرأ الكلام ده وهيفيدك
لو طفلك مابيحكيش عن حاجات بتحصل ف يومه ليك .. ومش بيتكلم ويشاركك تفاصيل حاجات معينة .. فلازم ده يلفت انتباهك وتحس ان فيه مشكلة وتدور ع الحل
كيفية التعامل مع الطفل الكتوم :
اتبع الخطوات دى علشان طفلك يبدأ يتفاعل مع اللى حواليه
1- مهم اوى الرعاية والاهتمام منكم لاطفالكم طول اليوم .. ومهم انهم يحسوا باهتمام اهلهم وانهم مش لوحدهم
2- لازم جدا تعرف طفلك محتاج ايه ! ومش لازم يتكلم .. وتحاول توفرهوله علشان ده مينعكسش عليه بالسئ .. ولو هو تعبان نفسيا او حسيتوا فيه حاجة غلط حاولوا تتكلموا معاهم .
3- ابنك او بنتك اهم من حاجات كتير ف حياتكم ولازم يكونوا اول اهتماماتكم .. اتواصلوا معاهم دايما
4- حسسوا ولادكم انكم ف اى وقت جاهزين تسمعوا مشاكلهم وحكاويهم .. وان دايما بابكم مفتوح
5- ولادكم لما يحكولكم مشكلة او حاجة مدايقاهم حاولوا توصلوا لمستوى فكرهم .. صاحبوهم .. لو عملوا مشكلة وحكوهالكم متخلوش ولادكم يخافوا منكم وماتتصرفوش تصرف يخليهم بعد كده يخافوا منكم .. علموهم فين الصح وفين الغلط
6- ابنكم الذكر عادى جدا يبكى مش جريمه .. لما تحاولوا تربوهم ع انهم ماينفعش يبكوا ده بيخلي فيه احتمالية كبيرة لانه يكون كتوم
7- انت قدوة ابنك .. علموهم من خلال افعالكم .. تصرفاتكم قدامهم تبقى محسوبة .. اخلاقكم تكون كويسة .. الاسرة السوية بتطلع طفل سوى .. والاسرة عليها الحمل الأكبر فى تنشئة الطفل
8- فيه حاجة كده بتحصل كتير يوميا .. اللى هو بتقول حاجة لكن كلامك بيبقى حامل رسالة تانية .. تقول لابنك انا بحبك وتضربه لانه اخطأ .. ده بيخليه يحس انك شخص متناقض
9- بلاش ابنك يبقى بيحكيلك حاجة وانت مش مركز معاه وولا مديله اهتمام .. اهتم بطفلك وحسسه ان كلامه وشخصه له قيمة عندك
10- اهتم باللى بيهتم بيه طفلك .. دراسة .. هواية .. نوع لبس .. نوع اكل .. اى حاجة خليها محط اهتمامك .. شاركه اهتماماته
12- لما يرجع طفلك من المدرسة اتكلمى معاه شوفى حصل ايه ف يومه .. وف دروسه .. ومع صحابه ..
اهتموا بولادكم 🤍
بمتابعة ا:
أحمد جمال رجب
فاطمه حسن
مسئول المبادرة :ميار محمد عبدالحكيم
27/05/2020
كلنا فى حياتنا أطفال لو مش ابنك فهو اخوك اختك او حد من عيلتك..وكلنا كمان عارفين إن الأطفال فيهم صفات مش حلوة بنحاوب نتغلب عليها ومن ضمن الصفات دى ((العند والعصبية))
نتغلب عليها ازاى؟؟!🤔👇
1_مناقشة الطفل بطرق بيحبها وسماعه وفهمه وده بيساعده أنه يكون إنسان قوى نفسيا.
2_تشجيعة عند السلوك الصح ودا بيساعده أنه يحس بالأمان والإتزان.
3_تشتيت انتباهه وقت إتجاهه لسلوك غلط عن طريق حاجه بيحبها لعبة او اكل او كتاب.
4_متفرضش عليه قراراتك وحسسه انه حر.
5_لو عنده عمل يقوم بيه حاول تقلله علشان ينفذه بحب.
6_اعرض عليه المشاركة بدل من فرضها علشان ينفذها ببساطة.
7_يكون للطفل روتين حياتى خاص بيه زى مثلا النوم من 12:10 ساعات يوميا.
8_تصحيح التصرف الغلط عن طريق التحذير.
واخيرا مش لازم كل العناد يكون مشكلة عند طفلك فى عناد يوضلة لشخص مستقل فيما بعد او شخص عنده إضرار وقناعة بنفسة.🌸🤍
بمتابعة ا:
أحمد جمال رجب
فاطمه حسن
مسئول المبادرة :ميار محمد عبدالحكيم
23/05/2020
••
اهلا اهلا بالعيد🥳
العيد فرحة حتى لو انت مكتأب ومش حاسس بفرحة عارف ليه فرحة!!
علشان دى سنة النبى وأصحابه رضى الله عنهم🌸
"فعن جبير بن نفير قال: كان أصحاي النبى صل الله عليه وسلم إذا التقوا يوم العيد يقول بعضهم لبعض تقبل الله منا ومنكم".
لذلك كل عيد ونحن أقرب إلى الله🤍✨🎈
21/05/2020
••
"أجواء رمضانية"
كان النبى يقول :"
20/05/2020
••
"أجواء رمضانية"
كان النبى يقول :"
18/05/2020
(Logistic لجنة ال)
بتدخل أى مكان سواء(إيفنتات_حفلات_سيشنات) وبتنبهر بيه وبفكرة تنظيمة بتخرج وأنت مبسوط من ناس اتعاملت معاهم وشوفت قد إيه هما عندهم لباقة فى الكلام لو حصل اى سوء تفاهم أثناء الحدث وحسن تصرف تجاهه ..
بتبدأ تسأل نفسك هما مين وإزاى كده عاملين حساب لكل حاجة ؟!
اقدر اقولك إن دول اللوجيستيك او لجنة ال OC فى بعض التيمات عبارة عن لجنة فيها ناس بمواصفات خاصة فى التعامل مع أى تجمعات...✊
وكيان زى مبادرتنا كان لازم تكون اللجنة دى من ضمنه▫
بمتابعة ا:
أحمد جمال رجب
فاطمه حسن
مسئول المبادرة :ميار محمد عبدالحكيم
17/05/2020
Activities committee:-
تيم الأنشطة دورهم لا يقل أهمية عن أي تيم تاني في مبادرتنا دورهم متتعدد فهما المسؤلين عن تحسن سلوك الأطفال وتحسين معنوياتهم وتحسين صحتهم وأنهم يبدأ يومهم الدراسي بنشاط ودة عن طريق :-👇
النشاط الفني :- و فية بيتم تنمية روح الإبداع لدي الأطفال عن طريق الرسم وعمل أشكال بالصلصال وتعليمهم بعض الحرف اليدوية البسيطة. 🎨🎴
نشاط القيم :- والنشاط دة بيحاولوا فية يحسنوا سلوك الأطفال وأخلاقهم وتصرفاتهم بس بطريقة سهلة وبسيطة زي القصص ومسرحيات العرائس. 🎠🎪
النشاط الرياضي :- ودة فية بيحاولوا يطوروا الناحية البدنية للأطفال وتنشيطهم في بداية اليوم الدراسي عن طريق بعض الألعاب والتمارين الرياضية ⚽💪
عاش جدآ تيم الأنشطة 👏👏🔥🔥🔥
بمتابعة :
أ / احمد جمال رجب.
أ / فاطمه حسن
مسؤول المبادرة : ميار محمد عبدالحكيم .