02/09/2023
امبارح كان سيشن الجرافيك مع بشمهندس ايهاب واللى تناول حاجات كتير عن الجرافيك والشباب استفادوا منه جداً وده ظهر من الفيدباك والتفاعل اثناء السيشن ❤️🥰
🔸 يعني اي جرافيك ؟ و اي هي عناصر التصميم وانواعه؟
🔸 البرامج المستخدمة في الجرافيك ديزاين
🔸 مسار تعلم الجرافيك من البداية
🔸 اهم المصادر المجانية للتعلم
🔸هم مجالات الشغل والتخصصات
🔸 ازاي احسب سعر لشغلي ؟
🔸 ازاي اطور مستوايا في الجرافيك ؟
🔸مراحل عمل التصميم مع التطبيق
وكمان كان السيشن بحضور بشمهندس اشرف وبشمهندس سيد اللى شاركونا تجربتهم مع الجرافيك وبعض النصائح للشباب❤️🥰
وفى النهاية بنشكر بشمهندس ايهاب على التجربة اللذيذة دى اللى ان شاء الله تتكرر تانى ونشكر الشباب اللى حضرت❤️
✨ استنوا اللى جاى لسه مخلصناش ✨
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
29/08/2023
أهلاً يا اصدقاء مره تانيه 👀❤️
دلوقتي جه الوقت عشان نعلن عن سيشن ✨ graphic design ✨ مع بشمهندس ايهاب ❤️🥰
هيتناول خلال السيشن معلومات كتير تخص الجرافيك دايزين وهيشارك معانا تجربته فى تعلمه ❤️
🔸 بشمهندس/ ايهاب لطفي 🥰
🔸 Owner of EB Designs
🔸 Head of graphic design committee at MSP Tech Club - KafrElsheikh university
ميعاد السيشن ان شاء الله هيكون يوم الجمعة 1 سبتمبر الساعة 10 مساءاً ❤️⏳
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
26/08/2023
تكملة للبوست اللى فات هجاوب عليك ف سؤالك واللى هو ....
ازاى اكون PR شاطر ؟؟🥰
أولا: لازم تكون شخص اجتماعى لبق ف الكلام .. مش بتتكسف ..
ثانياً: لازم يكون عندك مهارة الاقناع (Negotiation) ودى Business و تمويل..
ال pr اللى بيميزه عن اى حد تانى .. زى ما بيقولوا “ممكن بيبيع الهوا ف ازايز”😉
ثالثاً: لازم يكون عندك مرونة ف التعامل (Flexible) ..
يعرف طريقة العرض والاقناع اللى تناسب كل شخصية ..
وع فكره قبل ما امشى عايز اقولك الصفات دى تقدر تكتسبها عادى جدا.
استنى رايح فين مالك مستعجل كده 🤌
اخر حاجه ممكن تسألك نفسك طب انا هستفاد ايه لما اكون PR يعنى ؟؟؟
فكروا شويه كده .....
ها فكرت ؟
تعالى اقولك الاجابه..
سؤال حلو 🤙 .. ممكن اقولك ان ال PR Member هو اكتر واحد يقدر يستفيد ف التيم ..
لأنه بيتعامل مع زمايله ف التيم وبيتعامل مع ناس كتيره من بره التيم فبيقدر يعمل شبكة علاقات قوية بتضيفله من الناحية الشخصية والعملية والعلمية وبلا بلا بلا ...
وانتظرونا ف سيشن قويه جدا عن ال PR تُطبخ ع نار هاديه 🔥
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
25/08/2023
مساء الفل يشباب المستقبل ♥️
عمرك سألت نفسك يعنى ايه PR ؟؟؟🎤
متفكرش كتير وتتعب عضلات مخك انا هقولك المفيد 😌
الاسم يخض شوية تحس انك داخل على وزارة الخارجية حاجه فخمه كده ..
الموضوع ابسط من كده بص يا ريس 👇👇👇
العلاقات العامة (Public Relations) دى موجودة ف اى مؤسسة من اول النشاط الطلابى لحد المؤسسات الحكومية والخاصة وحتى المؤسسات الدولية 👀
خد تعالى اقولك مسؤول العلاقات العامه ده بيعمل ايه ؟؟؟
أعضاء اللجنة دى بيمثلوا حلقة وصل بين المؤسسة اللى شغالين فيها والمجتمع الخارجى ..🗣️
بيمثلوا مؤسستهم ويعرضوا أفكارها والايفينتات اللى بتعملها (لو تيم تطوعى) والحاجات اللى تميزها عن غيرها.
وتحسن صورتها عند العملاء وتوصل وجهات نظر العملاء ومدى رضاهم عن المؤسسه او عدم رضاهم عنها..
ومش بس كده لا 🤙
ده بوشكاش كمان بيضحى 🤌 وهما كمان الافراد اللى بيخلصوا أى اجراءات او تصاريح خاصة بأى ايفينت بيتعمل (تصريحات الامن وما الى ذلك) ..
وهما اللى بيتفقوا على الاسبيكرز اللى موجودين فى يوم الايفنت وهما اللى لهم علاقه بالتواصل معاهم وتواجدهم من بداية اليوم.
و هما اللى منهم بيكون Host الايفنت وهو الشخص اللى بيقدم ال speakers فى الايفنت.
من الاخر كده عضو ال PR بيكون صورة للتيم قدام المجتمع ..🔥
عشان كده مش اى حد ينفع يبقى
تعالى اقولك بقا ايه مهارات ال PR 🫣
جيت ؟
استنى البوست الجاى بقا 🌚🔥
🔸لينك الواتساب للمتابعة:
https://chat.whatsapp.com/DUk2Is1ek48EgZu14urShil
23/08/2023
اخبارك يا صديقي 👀👀
جاي النهاردة اقولك انه خلاص ده اخر بوست فى سلسلة تعلم الجرافيك 🥹
بس لا تقلق لسه السيشن ولسه اللى جاى كتير من CY 🥱🚶
النهاردة هكلمك عن مجالين حلوين اوى بيحب حد يكون عنده صبر ورايق كده عشان بيحتاجوا مجهود شوية شويتين تلاتة كده 😁
اول واحد وده مش محتاج توضيح لى هو موضح نفسه 😂
وهو المونتاج والتعديل على الفيديو 📽️
وعشان تتعلم المجال ده هتحتاج برامج معينة وتحتاج مصادر لتعلم البرامج دى 👇👇
✨هتحتاج برنامج بريميير ودافينشي ريزولف وكمان افترافيكت ✨
🔸وهنا هنروح لقناة مصطفى مكرم ❤️
لبريميير 👇👇👇
https://youtube.com/playlist?list=PLZ5zEGbaMXXUeWnaYFycrGIBjK7R4k1_n
لدافينشي ريزولف 👇👇👇
https://youtube.com/playlist?list=PLZ5zEGbaMXXVFoFJBD_NW-PcidoD6l69D
🔸🔸🔸🔸🔸🔸🔸🔸🔸🔸🔸
نيجي للمجال اللى بعد كده وده مجال بنستخدمه فى حاجات كتير اوى ومنها الاعلانات والدعايا وهو ✨تصميم 3D✨
وده مجال لذيذ اوى وعشان تتعلمه محتاج تعرف اى البرامج اللى بتستخدم فيه وتتعلمها منين 👇👇👇
✨البرامج المستخدمه هنا برنامج مايا وبرنامج 3D max وسينما فور دى ✨
🔸وعشان تتعلم 3D max 👇👇👇
https://youtube.com/playlist?list=PLElQRioaFMAt070vQWqFagA37uED6PGA9
🔸وعشان تتعلم برنامج مايا 👇👇👇
https://youtube.com/playlist?list=PLElQRioaFMAtTP7awYXhiTuK_nnBD91Wz
كده يا صديقي نقدر نقول انتهينا من السلسلة دى وعاوزك تعرف ان كل ده اجتهاد شخصي وان هدفنا فى الاول والآخر مساعدتك ❤️
وكمان عاوزك تعرف انك تبدا اى حاجه وتحترفها ده مش امر سهل ده امر بياخد مجهود والتزام ومثابرة عشان توصل لمستوي كويس فى اى مجال ويضمن ليك دخل كويس ❤️
وكمان يا صديقي افتكر ان اى حاجه هتحط فيها مجهود النهاردة هتحصد ثمارها بكرة متستناش لبكرة وتقول هبدا وبكرة يجيب بعده وهكذا تقعد تسوف لحد ما الوقت يضيع عالفاضى توكل عالله وابدا واكيد ربنا هيكرمك ❤️
✨ استني البوست القادم بميعاد السيشن ومتنساش تعمل لايك للبيدچ عشان تتابع كل جديد وصدقني اللى جاي مفيد ✨
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
22/08/2023
أهلاً بيك يا صديقي مره تانيه 👀👀
بس المره دى مختلفة شوية عشان هنتناول مجالاين من مجالات الجرافيك ..... اى هما ؟ وازاى نتعلمهم ؟🤔🤔
تعال واحده واحده يا صديقي وهقولك لا تقلق🫶
اول مجال ممكن تستخدمه فى الاعلانات والدعايا وكمان تستخدمه انك تعمل فيديوهات شرح بس من غير ما تظهر تخلى بديل ليك اللى يظهر ويتكلم ويتفاعل ..... هتقولى اى دا ازاى ؟🙂
هقولك ومش بس كده يا صديقي ده كمان تقدر منه تعمل فيلم ولا حلقة تعرضها على يوتيوب زى حلقات طحالب كده عارفها اظن عدت عليك قبل كده 🚶
المجال ده هو الموشن جرافيك ببساطة بشوفه الذ مجال فى مجالات الجرافيك وتقدر منه تعمل حاجات كتير اوى وممتع اوى 😁
تعال اقولك علطول ازاى تتعلمه واى البرامج اللى محتاجها عشان تتعلمه 🥱
✨البرامج المستخدمه هنا بشكل رئيسى هما افترافيكت والليستراتور وكمان الفوتوشوب وأحياناً سينما فور دي✨
🔸عشان تتعلم افترافيكت من حد متخصص فى الموشن جرافيك فهى قناة محمد زقزوق والكورس 👇👇👇
https://youtube.com/playlist?list=PL-z-8g2oM249k5ZZNLcLlhZCUD0KHE_zB
🔸اكيد قناة فكرة لصهيب اللى هتلاقى عليها حاجات كتير اوى للموشن جرافيك 👇👇👇
https://youtube.com/playlist?list=PLoDxv8qkd4fYt0aedfyYyFOgo-HW9UpmM
https://youtube.com/playlist?list=PLoDxv8qkd4fZolnA1-rygxxGgj_t5j8iB
🔸كمان عندك قناة soni designer اللى هتلاقى حاجات كتير اوى عن الموشن جرافيك 👇👇👇
https://youtube.com/playlist?list=PLo2GNBOPnuCcuzSLlVbNXMGo2894or-wO
🔸🔸🔸🔸🔸🔸🔸🔸🔸
تعال بقى عالمجال التانى يا صديقي وده مجال ممتع ولذيذ وفى شغل كتير وحاجه عاوزه حد رايق 🫣
عارف يا صديقي التطبيقات والمواقع اللى انت بتشوفها وبتنبهر بالتصميم بتاعها وتقول اى التصميم الرايق ده اهو ده اللى بيعمله المجال ده 😁
وهو UI/UX designer او مصمم واجهات المستخدم للمواقع والتطبيقات❤️
طب اى البرامج اللى بنستخدمها هنا واى مصادر التعلم ؟🤔
✨البرامج اللى هتحتاجها هى Adobe Xd , Figma والفوتوشوب ✨
ومصادر التعلم عندك 👇👇👇
🔸لتعلم برنامج ادوبى اكس دى عندك قناة محمد شلتوت👇
https://youtube.com/playlist?list=PLUhFNApKVEvxGNIGSfL8rJksIIsSw7Jm0
🔸وفى قناة محمد درويش كمان لبرنامج ادوبى اكس دى 👇
https://youtube.com/playlist?list=PLRemWV5koZLBR1khj5OlC_xLkdsI8G5DF
🔸لتعلم برنامج figma فى قناة برمج 👇👇
https://youtube.com/playlist?list=PLkIliLHi5M4LosGOLzn2f6baDETNsYpCZ
بس كده يا صديقي خلصت النهاردة معلش لو البوست كان طزيل عليك بس بنحاول نقدملك اكبر قدر بسرعة عشان فى حاجات جايه كتير 😉🚶
متنساش تعمل لايك للبيدچ وتستني الجديد ❤️🚶
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
21/08/2023
ازيك يا صديقي اخبارك اى 👀👀
نتمنى تكون بخير 🥰
يلا بينا نكمل مجالات الجرافيك اللى كنا بدانا فيها .... مستعد ؟🤔🤔
بص يا صديقي فاكر تصميم الشعارات والهوية البصرية للشركات اللى احنا اتكلمنا عنها البوست اللى فات .... فاكر ولا مش فاكر 🧐🧐
اكيد فاكر يا صديقي عارف انك شاطر وبتركز فى البوستات🥰
الشركات دى بقى يا صديقي بتحتاج انها تعمل دعايا وإعلانات سواء بقى صور فيديوهات حاجات كتير بتندرج تحت الدعايا والإعلانات وده المجال التانى يا صديقي 🥱
طب ازاى تقدر تتعلمه واى البرامج اللى بتستخدمها فيه ؟🤔
اكيد زى ما انت عارف ان CY مش هتسيبك كده 😁
✨هتحتاج هنا برامج فوتوشوب والليستراتور واندايزين وعشان تعلى من شغلك هتحتاج برنامج سينما فور دي وافترأفيكت✨
ودلوقتي هقولك على مصادر التعلم المجانية يا صديقي من خلال يوتيوب 👇👇👇
وهنا تيجى دور قناة نور دايزين❤️
اللى هناخد منها تلات حاجات
🔸تعلم الفوتوشوب من خلال اتنين بلاى ليست
https://youtube.com/playlist?list=PL3u1QOo0h2a4vvznkkBdVKkRHvNTHXp9G
https://youtube.com/playlist?list=PL3u1QOo0h2a4h_taiisLA6y2gNuMuPJ4P
🔸 كورس تعلم تصميمات السوشيال ميديا
https://youtube.com/playlist?list=PL3u1QOo0h2a7M5zpXyJmC6eNWmJ7kmfj4
🔸 كورس لاساسيات الدمج وحاجات كتير كده
https://youtube.com/playlist?list=PL3u1QOo0h2a4w0Iongvvj7dhufEKgI4UH
نيجى بقى لقناة تقريباً هتلاقى عليها كل حاجه وهى قناة مصطفى مكرم ❤️
🔸كورس لتعلم الفوتوشوب
https://youtube.com/playlist?list=PLZ5zEGbaMXXWsB4rL674dSs3K4B_95pOk
🔸كورس تعلم افترافيكت
https://youtube.com/playlist?list=PLZ5zEGbaMXXWNuWs9MkpHZDlubZ6JuTq3
🔸كورس تعلم الليستراتور
https://youtube.com/playlist?list=PLZ5zEGbaMXXVg7zXIEqOqHHFOxX3PO0tU
🔸كورس تعلم انديزين
https://youtube.com/playlist?list=PLZ5zEGbaMXXUIQRJ8XamBYdNrdALIljS1
🔸كورس تعلم سينما فور دى
https://youtube.com/playlist?list=PLZ5zEGbaMXXWNgMmQPluxNDyz_gAW2wqm
وبس كده يا صديقي ده كان بوست النهاردة 🥰
مش محتاج اقولك تعمل لايك للبيدچ وتستني البوستات الجاية اللى اكيد هتكون مفيدة ليك عشان انت عارف ده كويس 🙂❤️
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
20/08/2023
ازيك يا صديقي فاكرني 👀
اه اللى كلمتك عن الجرافيك دايزين المره اللى فاتت وقولتلك المره الجايه هكلمك عن المجالات وتتعلمها منين والبرامج وكل ده ..... افتكرت ؟ 🤔
طب يلا بينا يا صديقي 🚶
فالبداية عارف يا صديقي لوجوهات الشركات العلامة اللى انت بتشوفها دى تعرف ان دى شركة كذا زى Apple وبيبسي وغيرهم ؟
اه هو ده مجال اسمه تصميم الشعارات والهوية البصرية للشركات ✨
طب هتسالني وتقولي ودى اتعلمها ازاى ؟🤔
هقولك ودى تفوتنى برده انت عارف ان CY علطول جنبك وبتقدملك المفيد عارف ولا مش عارف 🧐
فالبداية يا صديقي انت محتاج ادوات عشان تقدر تتعلم ازاى تعمل شعارات وهوية بصرية ... طب اى هى الادوات دى ؟🤔
هما ببساطة برنامجين وهما الليستراتور وفوتوشوب .... هتقولى حلو اتعلمهم ازاى بقى 🙂
تانى يا زكي تاني مقولنا CY جنبك ومش هتسيبك 🧐
دى مجموعة من قنوات اليوتيوب المجانية اللى هتقدملك كورسات تتعلم فيها البرامج وتتعلم فيها ازاى تصمم هواية بصرية وشعارات للشركات وتشتغل وتدخل دخل كويس كمان يا صديقي بعدهم 😁
🔸اول حاجه فى قناة محمد خيال اللى هتلاقى عليها كورس كامل لتعلم الليستراتور 👇👇👇
https://youtube.com/playlist?list=PLHoKeP3s3W92HTLX_mJeha4SnGdZ9E2VQ
🔸وهتلاقى كمان كورس التصميم التجارى والاعلانى 👇👇👇
https://youtube.com/playlist?list=PLHoKeP3s3W90rKWBrvl3fLLvxC6QMXdd9
🔸فى كمان قناة نور حمصى اللى هتلاقى عليها دورة لتعلم تصميم الشعارات والهوية البصرية بشكل عام الجزء الاكاديمى 👇👇
https://youtube.com/playlist?list=PLPTNqXpQ2tbhiwgReYlo1h3wkHFWZDVu9
🔸وفى كمان كورس من عمر عطا الله 👇👇👇
https://youtube.com/playlist?list=PLg9ps5Gu0MiC_T2Spv3tMmmQjhpCrKC7Z
وبس كده يا صديقي دى المصادر اللى محتاجها عشان تتعلم متنساش بقى تدعيلنا دعوة حلوة كده وتتابعنا وتستنا اللى جاى عشان لسه مخلصناش🥱❤️
تابعنا ..... عشان اللى جاى كله مفيد ليك 🚶❤️
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
19/08/2023
ازيك يا صديقي 👀👀
أحياناً بيكون فى دماغك افكار كتير عاوز تخرجها بس مش عارف تعبر بالكلام ..... صح ؟
طب تعرف انك ممكن تعبر بالجرافيك دايزين ؟ هتقولى اى دا
هقولك يا صديقي ببساطة انك تقدر توصل فكرة او تحل مشكلة عن طريق التصميم 🤔
هتقولى مش فاهم حاجه ..... هقولك يا صديقي مشوفتش الاعلانات اللى فى الشارع الاعلانات اللى بتقابلك على منصات السوشيال ميديا المختلفة .... هتقولى اه طبعاً 😅
هقولك هو ده اهو الشخص اللى عمل الصورة دى عن طريق انه جمع مجموعة عناصر ادت الغرض اللى انت فهمته منها اهو ده مثال على الجرافيك دايزين 🚶
طبعاً مش بس كده دى حاجه مبسطة اوى اوى عن المجال الكبير جداً اللى فى جواه تخصصات كتير جداً ممكن تتعلمها وتضمنلك دخل كويس 🥰
اتحمست ومش عارف تبدا ازاى صح ولا عارف اى المجالات ولا اى حاجه 😂
متقلقش يا صديقي دائماً CY معاك وبتقدملك الحل 🫶
دى بلاى ليست بتعرفك بالتفصيل اى هو الجرافيك دايزين والاساسيات بتاعته البدايات كده ومفيده جداً 😌
https://youtube.com/playlist?list=PL4xeUOr3Yk9fMuDOuggAd6NO44oIVVKWF
وطبعاً يا صديقي مش هديلك دى واسيبك كده عشان عارفك شخص كسول 😂
عشان كده تابع البوستات الجاية اللى هنتكلم فيها عن المجال بشكل اكبر ومجالاته والبرامج المستخدمه فيه وازاى تقدر تتعلمه كمان من على يوتيوب وبشكل مجانى🫣
ومش بس كده بوشكاش محفوظ بيضحى النهاردة وكمان بعد نهاية سلسلة البوستات التعريفية والتعليمية دى هنقدملك سيشن مجانى عن كل ده ❤️🔥
فتابع الصفحة واستني الجديد 😉🚶
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
18/08/2023
أهلاً يا اصدقاء لعلكم بخير 🥰
امبارح كان سيشن How to be HR اللى قدمه بشمهندس عبدالله وتناول فيه مواضيع كتير زى ⬇️⬇️⬇️
🔸اى هو ال HR
🔸اى اهداف وادوار ال HR
🔸اى مجالات ال HR
🔸تاريخ ال HR
وكان فى قاعدة ذهبية فى السيشن وهى ✨دائماً اختار الانسب مش الافضل✨
والشباب اللى حضرت استفادت جداً من السيشن وده ظهر من الفيدباك والتفاعل مع البشمهندس خلال السيشن ❤️
عشان كده نحب نشكر البشمهندس على مجهوده الجميل وشرحه اللى كان فى افادة كبيرة للشباب ❤️🥰
ونحب نشكر كل الشباب اللى حضرت ونقدملهم شهادات تقديراً لحضورهم ونتمنى يستفيدوا دائماً ❤️✨
16/08/2023
أهلاً اهلاً يا اصدقاء 👀👀
لعلكم بخير ❤️🥰
اتأخرنا عليكم عارفين بس اول لما جهزنا وشوفنا حد قوي ولى خبرة كويسة يتكلم عن المجال نزلنا علطول 🔥
دلوقتى بنعلن عن سيشن رايقة اوى عن ✨ how to be HR ✨ مع حد لى خبرة كبيرة فالمجال و Head HR فى كتير من التيمات 🥱❤️❤️
بشمهندس . عبدالله صابر ❤️
🔸Former Head of Human Resources at W.S- Team.
🔸Former Human Resources Specialist (HR
معرض الأزهر للتطبيقات الهندسية Specialist
🔸Former Head of Human Resources at SEG AI-Azhar Student Chapter.
🔸Former Head of Human Resources at SPURT Global.
🔸معادنا 17 اغسطس/ الساعه 10 مساءاً ⏳
🔸المحاضرة مجانية وهتتكلم عن مواضيع مهمة زى اى هو HR وازاى تكون HR وحاجات تانيه ❤️🚶
🔸عشان تعرف تفاصيل الحضور متنساش تدخل جروب الواتساب اللى هيكون عليه كل التفاصيل 🥰
https://chat.whatsapp.com/DUk2Is1ek48EgZu14urShi
15/08/2023
أهلاً يا اصدقاء 👀👀
عارفين قد اى اتأخرنا وقصرنا فى حاجات بس ده خارج عن ارادتنا للاسف 🥲
بس ان شاء الله هنحاول نعوض الفترة الجاية اكيد واللى ناقص سواء كورس ال marketing او ال HR اول ما نجهز انستراكتور كويسين هننزل بيهم ❤️🥰
المهم ده السلسلة الرابعة وهتكون عن مجال الكل عاوز يتعلمه مجال ابداعي كده محتاج فن وتكته 🔥
ببساطة ال graphic design مش عاوز اقول متعوب على البوستات اللى هتنزل الايام الجايه قد اى فى تجميع الماتريل ومصادر التعلم وكل ده بس بجد نوعدكم بعظمة ان شاء الله ❤️❤️🔥
استنوا شغل يليق بيكم وبينا 😌❤️
متنساش تتابع البيدچ وتنضم لجروب الواتساب للمتابعة 🥰
🔸لينك الواتساب للمتابعة :
https://chat.whatsapp.com/DUk2Is1ek48EgZu14urShil
22/08/2023
21/08/2023
20/08/2023
19/08/2023
18/08/2023
16/08/2023
15/08/2023