02/01/2026
نخلي بالنا طلاب أولي ثانوي 📜 كلنا عارفين إن الكتابة الهيروغليفية تعرف ب"الخط المقدس" عشان المصريين القدماء استخدموها فى كتابة النصوص الدينية فقط على جدران المعابد والمقابر.. صح؟
لأ غلط!🤯
لأن الكتابة الهيروغليفية استخدامها اتطور مع كل عصر والموضوع مفضلش ثابت..
▪️ البداية (الأساس): فعلاً كانت الهيروغليفية لكتابة النصوص الدينية فقط على الجدران الحجرية للمقابر والمعابد (عشان كدة سموها الخط المقدس). 🏛️
1️⃣التطور الأول فى (عصر الدولة القديمة): بدأوا يستخدموها في تدوين الأحداث التاريخية كمان، وأشهر دليل هو "حجر بالرمو". 🪨
2️⃣التطور الثاني فى (عصر الدولة الوسطى): السطح اللى بيتكتب عليه اتغير! بدل الحجر بدأوا يكتبوا بيها على الخشب، وظهرت "نصوص التوابيت". ⚰️
3️⃣ التطور الثالث فى (عصر الدولة الحديثة): بدأوا يكتبوها على ورق البردي باستخدام الحبر، وظهر "كتاب الموتى"📜
بس كده
#مسترـ علاء سليمان
معلم اول( ا) التاريخ والجغرافيا بالمدرسة
