Mr.Mostafa Elnashar

ما دمت في الدنيا فاعلم أنك ستفقد اليوم وتملك غدا وتفقد غدا وتملك اليوم وبين ما ملكت وما فقدت يبقي دائما معك الله..وهذه هي سنة الله في كونه يعيش الانسان في كبد بين ماض كان يرجوه وبين حاضر لم يكن يتمناه وبين مستقبل يجهله وينتظر حدوثه بين خوف ورجاء فإذا أردت أن تخرج من هذا الصراع فتذكر دائما قوله تعالي
: { اللَّهُ يَبْسُطُ الرِّزْقَ لِمَن يَشَاءُ وَيَقْدِرُ ۚ وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ}
حينها ستهدأ نفسك وتسكن جراحك وتعلم أن
الأمر كله بيد الله وهو الذي يعلم سبحانه وتعالي أين تكمن أسباب الخير في هذه الدنيا حتي تصل إلي الخير الأعظم في الآخرة..وأخير سل الله دائما "اللهم اكتب لي الخير حيث كان ثم ارضني به" فالرضا بقضاء الله دائما مفتاح لخيري الدنيا والآخرة لأن رب الخير لا يكتب إلا الخير....فأمر المؤمن كله خير....والسلام

نقلا عن زميلي مدرس الكيمياء
ازاي اذاكر الكيمياء يا دكتور محمد رزق؟
سؤال بيوصلني كتير .. يا دكتور محمد رزق بذاكر الكيمياء واجي احل بلاقي صعوبه 🫣
اغلب الطلبة عندهم مشاكل مع الكيمياء ومش عارفين يذاكروها هقولكوا تعملوا ايه
1️⃣ ابدأ امسك المنهج شوفه بيتكلم عن ايه وكام باب وكام درس ... تمام ..تمام ..
2️⃣ هنبدأ بالدرس الاول ؛
لو انت بتاخد درس تابع شرح المستر و لو مش بتحضر اسمع الشرح علي اليوتيوب وركز كويس وانت بتسمع مش تسرع الفديو ... حافظك يا كبيير 😍
3️⃣ بعد كده هات ورقه وشويه اقلام ( ازرق واسود واحمر وفوسفوري ) ...😁 هي حفله يا دكتور محمد رزق 🤩 ركز يا بني ربنا يسترها معاك 🫵 واكتب اهم النقاط في الدرس اللي بتذكرة وشكل كل معلومه بلون المذاكرة بالورقة والقلم مش بنقرا جرايد احنا 💪💚
4️⃣ دروس الكيمياء مش كبيرة ف مش هتضطر تقسمها بس لو حسيت ان الكم كبير عليك قسمه لجزئين بس متقومش من مكانك الا لما تخلص الجزء المحدد ليك .
5️⃣ نيجي لطريقه المذكرة بقا وده المهم ✍️
افهم التعريفات قبل ما تحفظها وافهم القوانين قبل ما تحفظها وبعد كده مع التكرار هتلاقي نفسك حفظتهم
6️⃣ وانت بتذاكر حاول تربط القوانين ببعضها وتشوف علاقة التعريف ده باللي قبله وتربط المنهج كله ببعضه وتمشي بالنظام ده لحد ما تخلص مذاكرة 💚
7️⃣ ذاكرت وبقيت تمام نبدأ في حل التمارين بقي 💪💚
انت عارف المذاكرة من غير حل اسئلة زي عربية ماركتها عالية جدااا بس مفيهاش بنزين😂
ف لازم تعود نفسك علي الحل الكتير بس لازم تحل بالنظام الجديد اختار مثلا كتابين من الكتب الخارجية وابدا حل منهم وقارن اجابتك بالاجابات الصح والسؤال اللي مش فاهمه شوف حله علي اليوتيوب او اسأل المستر او نزل الاسئلة في الجروب هنا او اي جروب تاني .
8️⃣ طبيعي جدا انك تغلط في سؤال واتنين وتلاتة وعشرة كمان -اعرف فكرة السؤال اللي غلطت فيه وافهمه كويس علشان لو جيه قدامك متغلطش فيه تاني ومتقلقش انت تمام وده طبيعي مع الجميع .
9️⃣ في نهاية كل باب هتلاقي نفسك عندك كمية افكار في دماغك كتيرة جدا تؤهلك لتقفيل الامتحان بإذن الله 💚
وبالتوفيق للجميع ان شاء الله 💚
د محمد رزق معلم الكيمياء 🌹

انهاردة سواق الميني باص كان مشغل ابنه
الصغير كمسري ، ف الواد مبسوط اوي و بيقول له
عايز اطلع زيك لما اكبر في مشهد لطيف يعني ، ف قال له لا انت تطلع دكتور او مهندس إنما سواق ايه بقى لا مينفعش
بصراحة معرفتش امسك نفسي قولت له ياسطى الدكتور مرزي وراك اهو والله مش لاقي عيادة تلمه 😂
العربية ضحكت و الراجل معرفش يرد بصراحة ، لكن اللي
جنبي بيسألني ازاي دكتور و مش لاقي
شغل و بتاع ، ف حكت له ازاي السوق متشبع عندنا
و الدنيا ثعبة خالث ، قال لي اومال الجيل الجديد يخش ايه بقى ، قولت له العلم بيتطور و التكنولوجيا و كدا
ف يدخل حاسبات و معلومات مجالها حلو و لها شغل ، ضحك و قال ما انا خريج حاسبات و قاعد جنبك اهو مش لاقي شغل 😂

منقووول😂

اصبح من المؤكد ان امتحانات الثانوية العامة ستتضمن اسئلة مقالية بالإضافة لاسئلة الاختيار من متعدد
وستكون كل الاسئلة لقياس مستويات الفهم والتطبيق والتحليل ولا عودة للاسئلة المقالية التقليدية.
حسن محرم

لما تدعى ربنا بالحاجة اللي بتتمناها من ضمن استجابة ربنا ليك إنه يمنع عنك الحاجة اللي بتتمناها وبتدعى بيها لإنها مش خير ليك ،

ياصديقي ربنا مش بيدينا الحاجة اللي بنتمناها ع طول ، ربنا بيدينا الحاجة اللي بنحتاجها لإن اللي بنتمناه ده ممكن يكون هلاك لينا إنما اللي محتاجينه هو الأصلح لينا ...

من المواقف الطريفة اللي حصلتلي ف التدريس اني مرة وانا بصحح Essay لطالب في أولى جامعة ، والمفروض ان الموضوع كان بيحكي فيه عن قصة او رحلة ك past event ويحكي كل تفاصيلها ..المهم لقيته كاتب جملتين منهم we read the open then ..….وجملة تانية : The car was going with me very good المهم فضلت ساعة عايز افهم هو يقصد ايه ..كملت تصحيح وانا كنت عارف الطالب ده وقابلته بعد كده وسألته على قصده .. قالي انه كان بيحكي عن يوم خطوبته …و الجملة الأولى يعني "قرينا الفاتحة" والتانية .."العربية كانت ماشية معايا زي الفل…قبل ماتعطل" هو ضحك وانا ضحكت ..ودي كانت احلى ترجمة حرفية شفتها ف حياتي 😂

ملحوظة: نجحته طبعا لأنه ماكذب
منقول عن صفحة Englisher

اعشق المحاولة وأكره الاستسلام
محدش بياكلها بالساهل زي ما بيقولوا.
لو عايز يبقالك نصيب في الدنيا اوعى تيأس من المحاولة بعد المحاولة.
اللي بيخسر هو اللي بييأس لكن المحاولة مكسب وتجربة وخطوة وطريق.
المحاولة هي سبب وجودك وسبب تشريفك بالعقل وسبب حملك للأمانة.
تحاول تتعب تحاول تجتهد تحاول تتمسك بالأصول والدين تحاول توصل تحاول تقوم بعد ما وقعت.
تقف تقول انا موجود، انا لسه بحاول

د/حازم عبدالتواب

من أخطر ما يفسد سعادة الإنسان في الحياة هو أن يكون ضعيفاً من الداخل بمعنى ..
• أن تحزن بسرعة .
• أن تتغير نفسيتك من أي كلمة .
• أن تتعلق بأي إنسان .
• أن تبالغ في كل المواقف .
• أن تكثر الشكوى والضجر .
• أن تهيم بكل ما يعجبك .
وهكذا تكون شخصاً هشاً من الداخل مهزوم نفسياً دائماً
علاج القوة النفسية :
• أن تكون بقوة الإرادة وعمق الثقة .
• ألا تحبط من الدنيا وإن ضاقت عليك مخارجها .
• ألا تهتم بالبشر وإن خانوك أو خذلوك .
• أن تقول يا رب أنت حسبي وكفى .
" المحارب ليس فقط من يحمل السلاح ..
‏بل أيضاً .. من يملك القوة العقلية والنفسية
صفحة إدارة الأعمال

إلى الطلاب المنكسرة قلوبهم
ابني العزيز :
الحياة طويلة ومجالات التفوق فيها كثيرة عليك بالثقة فيما عند الله
أحبب نفسك لا تجعل نظرة الشفقة إليك هي رأس مالك
انتهت صفحة من حياتك وبدأت صفحات
فلن تربح سباقا وأنت تنظر خلفك .
أعزكم ربي و أنار لكم سُبل الخير ورزقكم الرضا بقضائه والطمع في واسع عطائه . أحبكم جميعا في الله ❤️

مهما كانت نتيجتك احنا فخورين بيك ♥️