19/10/2022
نصايح تربويه مهمه
***************
١-الموبايلات والتاب والتلفزيون ساعه ف اليوم مقسمه علي مرتين لان دا بياثر ع التركيز مهما كانت الاستفاده
٢-العياط ملوش عقاب يعني مينفعش تزعلي منه انه بيعيط.... العقاب ع الخطا بس والتصرف السليم مع العياط التجاهل مهما كان المكان والناس اللي حواليكي. يعني يعيط سيبيه يعيط ولا تقولي بس ولا تحاولي تراضيه ولا تسهيه في حاجه تانيه ولا تقوليله هزعل منك ولا كده عينك هتوجعك مفيش اي كومنت ولما يخلص عياط متلهموش ع العياط ولا تقولي انا زعلانه انك عيط... العياط دا تعبير عن الشعور مش خطا.
٣-قبل الخروج لازم يكون فيه اتفاق علي اللي هيحصل دا هيقلل المشاكل يعني احنا رايحين كارفور النهارده هنجيب حاجات للبيت وانت هتجيب حاجه واحده وهنلعب لعبتين بس..... لو وافق اوك اعترض يبقي خلاص مش هنخرج واللي اتفقنا عليه مش هيتغير مهما حصل
٤-ممنوع الاطفال تنام ف نفس الاوضه مع الاب والام بعد سنه
٥-ممنوع يدخلوا الحمام معانا او يشوفوا الاب والام اثناء تغيير الهدوم
٦-الطفل لو عمل حاجه غلط مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط في حد برضه متزعقلوش قدام النااس ع جنب وتواجهه وبعدين تطلعه يعتذر
٧-متعملش حساب لاي حد ع حساب ولادك ولو وسط مول وسط اهلك ف تاكسي اي حاجه تعملي الصح بغض النظر عن النااس متقوليش هسكته باي حاجه عشان النااس... الصح يتعمل تحت اي ظرف
٨-متخليش ولادك متكتفين ١٠٠%مش كل حاجه عندهم مش كل حاجه عاوزينها تيجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدو ايديهم وياخدوها لانه متعود معاه كل حاجه عاوزها
٩-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او ووقفي اللعب
١٠-ممنوع ياخدو اي لعبه من عند حد وهما نازلين وممنوع تدي اي لعبه من لعبهم لحد حتي لو بموافقتهم لانهم بعد كدا هيشوفوا ان عادي ياخدوا من عند حد طالما الناس بتاخد منهم.
١١-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتفقي معاه انه هيلعب مع الضيوف باللعب ولو رفض يبقي خلاص متلعبش وهما هيلعبوا لوحدهم
١٢-مينفعش نقول هقول لبابا لما يجي وبابا هيزعق. دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا...
17/10/2022
17/10/2022