16/08/2025
الرضاعه الطبيعيه هي أهم وسيله لإنشاء الجهاز المناعي الأولي لطفلك
عشان كده لازم نهتم بيها و نهتم بيكي انتي كمان عشان توفري أفضل حمايه لطفلك 🌷🌷
في اطار الاحتفالية بفعاليات الأسبوع العالمي للرضاعة الطبيعية خلال شهر اغسطس لعام ٢٠٢٥ ..بالتنسيق وبالتعاون بين كل من الهيئة العامة للمستشفيات والمعاهد التعليمية ممثلة في المعهد القومي للتغذية والهيئة العامة للتأمين الصحى
تحت عنوان اعطاء الاولوية للرضاعة الطبيعية... عبر انشاء انظمة دعم مستمرة
ندعو سيادتكم لحضور يوم علمي مميز خاص بالرضاعة الطبيعية بحضور أساتذة في طب الأطفال والتغذية الاكلينيكية واستشاريين دوليين للرضاعة الطبيعية.
وذلك في تمام الساعة العاشرة صباحا يوم ١٩ من أغسطس الحالي في مستشفي المنيا للتامين الصحي
10/08/2025
منتشر الايام دي دعوات لتبرعات لامراض كتيره... ربنا يشفي أطفالنا جميعا يا رب
تعالوا نتعرف على الامراض دي زي الضمور العضلي الشوكي SMA
مرض جيني ويصيب خلايا عصبيه اساسيه في الحبل الشوكي بينتج عنه للاسف شلل في جميع العضلات.
طب ده يعني بيجي ازاى ؟؟
ده بيتورث بصوره جسديه متنحيه يعني بيبقي لازم كلا الام و الاب حامل للطفره الجيني او الجين المسبب المرض( و ده وارد جدا في مصر بسبب زواج الاقارب)
و من هنا اهميه عمل التحليل الجيني قبل الزواج و خصوصا الاقارب
في انواع كتير المرض ده و لكن الشبه اللي بيجي للاطفال منذ الولاده
طب السؤال المهم هل المرض ده له علاج ؟؟
في حقنه حاليا غاليه جدا جدا جدا فوق التخيل و اللي ممكن تساعد علي عد تدهور الحاله في حاله ان الطفل تم تشخيصه قبل عمر السنتين و تدهور الحاله.
هل الدوله بتوفره ؟
العلاج غالي جدا زي ما قولت تمن الحقنه الواحد ه ممكن توصل ل ٢ مليون دولار و بتتاخد مره واحده وهي اصلا علاج جيني بيزرع علي فيروس و يتم حقن الفيروس . انت متخيل العلاج غالي ليه.. و مع ذلك في مبادره في كل التأمين الصحي علي مستوى الجمهوريه... لكن هو علاج غالي جدا و مش كل الحالات بتتحسن عليه .
طب في امراض تاني بتعمل ضعف في العضلات؟
اه في للاسف .. و هنتكلم تاني في بوستات تاني
ربنا يشفي اولادنا جميعا.
و لو عايز تطمن علي ابنك اكتر و نموه الجسدي و العضلي و الذهني
عنوانا ميتوهش
د. الاء عاطف محمد
استشاري طب الاطفال
رئيس قسم الاطفال بالتأمين الصحي بالمنيا
03/08/2025
القواعد الذهبيه للاطفال:
مفيش تأخير مشي الا بعد عمر سنه ونصف.
مفيش تأخير تسنين الا بعد عمر سنه و نصف.
مفيش كالسيوم الا بعد تحليل كالسيوم متأين .
مفيش حاجه اسمها أنيميا الا بعد صوره دم كامله عشان نعرف نعرف نسبه الهيموجلوبين و نوع الانيميا ايه.
مفيش حاجه اسمها يعود علي البخاخات او جلسات البخار.
مفيش صفرا بتتعالج باللمبات في البيت.. هنروح في داهيه
وهنكمل تانى القواعد كتيره اوى... استنونا
و عنوانا ميتوهش
30/07/2025
قبل ما نتكلم عن ارتفاع الحراره... نسأل الاول امتي اقو ان الطفل ده سخن ؟
لو قسنا من فتحه الشرج و طلعت اكتر من ٣٨ درجه
و لو قسما من الفم و طلعت اكتر من ٣٧.٥ درجه
و لو قسنا من تحت الابط و طلعت اكتر من ٣٧.٢ درجه
طيب ليه الحراره بترتفع اصلا ؟؟
لان الجهاز المناعي للطفل كويس و بخير و يبدأ ان يقاوم الميكروبات الل بيهاجم الجسم و كمان بيصنع اجسام مضاده للميكروب.
يعني من الاخر السخونه دي دليل علي المعركه اللي دايره جوه جسم طفلك
بس امتى الحراره تبقي خطيره و كارثه.. اصل زمان كانوا يقولوا السخونه دي بتبوظ مخ الطفل ؟
ده بيحصل لما درجه حراره الطفل تبقي فوق ٤٢ و ده غالبا مش بيحصل لان حتى في اسوأ انواع الالتهابات البكتيري الحراره بتوصل ل ٤٠.٦ درجه .. و لو زادت ممكن يبقي الطفل لابس تقيل زياده او قاعد في مكان دافى ... يعني نهدى و نطمن
و هنتكلم في البوست الجاى نعمل ايه و نتصرف ازاى و علامات اللي تخلينا تجري عل المستشفي
26/07/2025
الجو حار جدا .. و الاطفال بتسخن بسرعه
طب نعمل ايه و نتصرف ازاى ؟؟؟
و ليه اصلا الحراره دي؟؟
طب ارتفاع الحراره ده وحش ؟؟ ابنى مناعته وحشه ؟؟
انا خايفه على مخ ابنى ؟
انزل حرارته ازاى.؟؟؟
كل ده هنبدأ نتكلم عنه في سلسله بوستات " ازاى اتعامل مع ابنى ؟"
تابعونا
05/06/2025
كل سنه و حضراتكم طيبين
عيد أضحي مبارك
28/05/2025
تم بحمد الله تعالي .. نقل العياده الي مقرها الجديد
شارع الزخرفيه .. أمام صيدليه هاني شنوده
في انتظاركم 🌹🌹🌹
14/07/2025
05/06/2025