Sedra Academy

مش جايين نعمل مشاكل ولا قلق 😎😎😎

❌❌❌❌❌❌❌❌❌❌

شكرا لأولياء الأمور اللي شرفونا وشكر خاص لكل المسّات ومربيات الحضانة رقم 1 🥇على تعبهم ومجهودهم وإخلاصهم في شغلهم، لأن النجاح اللي إحنا فيه ده تعب فريق كامل مش فرد واحد.

إحنا بفضل ربنا وبفضل تعبنا بقينا أحسن حضانه في الجديدة💪، وبصراحة إحنا واثقين في نفسنا جدًا، لأن اللي بنقدّمه مختلف، ومستوانا واضح، ومش شايفين حد زيّنا ولا في مستوانا.

وعندنا اشطر واقوي اخصائيات تخاطب متخصصين خرجين علوم إعاقه اوئل الدفعه مش اي حد ومش جديده علينا لأننا بنهتم بالتخصص

هدفنا دايمًا إننا نفضل رقم واحد، ونقدّم الجديد والأحسن لأولادنا، لأنهم يستاهلوا الأفضل واحنا مبنقبلش اي حد لان هدفنا تربوي وعلمي وسلوكي قبل ما يكون هدف مادي

والنجاح الحقيقي للحضانة يظهر في أخلاق الأطفال وسلوكهم

السادة أولياء الأمور الكرام،
يسعدنا دعوتكم لحضور اللقاء الأسري الذي تنظمه الحضانة، وذلك إيمانًا منا بأن التعاون بين الأسرة والحضانة هو الأساس في بناء شخصية أطفالنا وتنمية مهاراتهم.

اللقاء سيكون فرصة جميلة للتعارف، وتبادل الآراء، ومناقشة كل ما يهم مصلحة أطفالنا الغاليين.

📌 يرجى العلم أن اللقاء مخصص لأولياء الأمور فقط دون اصطحاب الأطفال، حتى نتمكن من تحقيق أقصى استفادة من اللقاء.

ونظرًا لتنظيم الاستضافة وتحديد العدد، نرجو من سيادتكم تأكيد الحضور مسبقًا.

☕🍽️ سيتخلل اللقاء بوفيه خفيف تقديرًا لحضوركم ومشاركتكم.

نتشرف بحضوركم ونسعد بتواصلكم، لما فيه الخير لأبنائنا

🎁 وجوائز مميزة للأطفال الذين يحضر أولياء أمورهم اللقاء، تقديرًا لحرصكم ودعمكم لأبنائكم.

حضوركم يشرفنا ويسعدنا ونتطلع للقائكم لما فيه الخير والفائدة لأبنائنا.
� الموعد: السبت القادم ………
🕒 الوقت: الساعه 4مساءا………
📍 المكان: مقر الاكاديمه ……

مع خالص التقدير
مس /شروق نبيل الطوخي

لتاكيد حجز مكانك التواصل مع الاداره 😍

✨ "نشاط تلوين جماعي بالألوان المائية.. شغلنا إيدينا وخيالنا مع بعض 🤩🎨"

Good job 👏

🍓 Strawberry Day 🍓
تعرفنا على الفراولة 🍓
لونها – شكلها – طعمها
ونمّينا مهارات الأطفال بطريقة ممتعة 🌈

🍓🍓🍓🍓day🍓🍓🍓🍓

👶✨ لو طفلك لحد من ٣,٢ سنوات بيعمل التصرفات دي، اعرفي إنه *طبيعي جدًا وده دليل إنه بيتطور بشكل رائع 👏
مهم جدًا نفهم طبيعة المرحلة دي، لأن كتير من الأمهات والآباء بيحتاروا قدام بعض السلوكيات ويشوفوها “عناد أو دلع أو قلة تربية”… والحقيقة إن كل فعل بيعمله الطفل في أول ٣ سنوات وراه هدف كبير وخطوة أساسية في نموه ❤️

خليني أقولك أمثلة 👇

😭 البكاء الكتير: دي لغته الوحيدة للتعبير… بيقول “أنا جعان، أنا محتاج حضنك”. لما تردي عليه بتحسسيه بالأمان وده أساس الثقة بينكم.

🎲 يرمي الحاجة ويطلبها تاني: بيجرب علاقة السبب والنتيجة (هتقع؟ هتتحرك؟). وده بينمي فضوله وفهمه للعالم.

🙅‍♂️ يقول لأ كتير: مش عناد… ده بداية إثبات الذات وتكوين شخصية مستقلة.

🏃‍♀️ حركة وطاقة وتنطيط: جسمه ومخه عندهم طاقة بيخرجوها في التنطيط و الحركة ودا مفيد للنمو وبتقوي عضلاته وتبني ثقته بنفسه.

🧩 اللعب العشوائي والتخر..يب : بيفتح الأدراج، يفضي الشنط، يلعب في الميه… ده استكشاف للبيئة اللي حواليه، وبيطور ذكاءه الحسي والحركي مش قصدة يبوظلك ترتيب البيت هو لسه ميفهمش دا .

🌈 خيال واسع: يكلم نفسه أو العابه ويعمل لنفسه عالم كبير مليان شخصيات حقيقية او وهمية دي بداية الإبداع والتفكير الابتكاري.

😡 نوبات الغضب: صر..يخ أو رمي نفسه على الأرض… لأنه لسه مش بيعرف يعبر بالكلام. هنا محتاج يلاقي هدوء وتوجيه بديل والتصرف اللي هتعمليه في الوقت دا هيدوم معاه للابد فاعدي واتصرفي بحكمة مش بعص.بية وغ.صب .

🤱 التعلق بالأم: ده اللي بيبني عنده “الارتباط الآمن”. لما يشبع من حضنك هيطلع مستقل وواثق بنفسه بعدين مش دلع ولكن انتي مصدر أمانه .

🗣️ التقليد المستمر: يقلد كلامك وحركاتك… وده أسرع طريق لتعلم اللغة والسلوك الاجتماعي فخلو بالكم بتقولو ايه وبتتصرفو ازاي .

🍽️ اللخبطة في الأكل: مرة ياكل كتير ومرة يرفض… طبيعي جدًا حسب احتياجات جسمه المتغيرة مش علشان بيدلع ولا بيرفض هو لسه بيحاول يستكشف الطعم فغيري ونوعي وحببيه في الاكل .

🔁 تكرار الكلام أو الفعل: يعيد نفس الكلمة أو الحركة ميت مرة… لأنه كده بيثبت المعلومة في دماغه بغبغان صغير .
💡 الخلاصة:
ابنك مش “متعب” ولا “عنيد”… هو بيتعلم وبيكبر صح 🌱.
إنتي دورك تحتوي، تصبري، وتفرحي بالتطور ده بدل ما تزعلي منه.

🚫 متخليش كلام الناس يحبطك: “امنعيله… ربيه بالعنف… ده دلع” → كل ده غلط.
✅ الحقيقة إن اللي بيحصل ده خطوات طبيعية في طريق النمو.

💖 ابنك بيكبر قدام عينيكي… ودي أكبر نعمة محتاجة منك صبر ووعي.
# اخصائية / رنا خالد
بكالوريوس علوم الاعاقة والتأهيل
تخاطب. تعديل سلوك .تنمية مهارات.

🌾غدانا يا اخواتي في الغيط 🌴♥️

❤️احلي بنات مصرويه شرقاويه صعيديه🇪🇬😂