Qu'rani-قرآني

Qu'rani-قرآني بناء جيل قرآني فريد .

بدأنا أولى خطواتنا في "قرآني" من سورة الأخلاق، سورة الحجرات، السورة اللي ربنا خاطب فيها المؤمنين بأرقى آداب التعامل.تأمل...
29/07/2025

بدأنا أولى خطواتنا في "قرآني" من سورة الأخلاق، سورة الحجرات، السورة اللي ربنا خاطب فيها المؤمنين بأرقى آداب التعامل.

تأملنا بعض من أسماء الله الحسنى.

تعلمنا أكتر عن أحكام الصلاة وشروطها.

وختمنا بلحظة إبداع مع نشاط الأورجامي، عبّر فيها الأطفال عن فهمهم بطريقتهم الخاصة 💛

في "قرآني"، بنزرع القيم بنور القرآن. 📖✨

🌟 في ورشة قرآني الأسبوع ده، قرأنا من سورة المزمل واتعلمنا عن الصلاة: من أول الوضوء لحد كيفية الصلاة خطوة بخطوة، ولسه مكم...
11/07/2025

🌟 في ورشة قرآني الأسبوع ده، قرأنا من سورة المزمل واتعلمنا عن الصلاة: من أول الوضوء لحد كيفية الصلاة خطوة بخطوة، ولسه مكملين الرحلة 💛

لو حابين أولادكم يعيشوا تجربة فريدة مع القرآن، يتعلموا، يتأملوا، ويتواصلوا مع ربنا بحب... فـ قرآني هو المكان المناسب 💫

🌟 في "قرآني" الإسبوع ده، عشنا لحظات مميزة ما بين نور الآيات ومتعة التفاعل!📖 بدأنا رحلتنا مع سورة المزمل، وقرينا مع الأطف...
30/06/2025

🌟 في "قرآني" الإسبوع ده، عشنا لحظات مميزة ما بين نور الآيات ومتعة التفاعل!

📖 بدأنا رحلتنا مع سورة المزمل، وقرينا مع الأطفال وتأملنا أول آيات السورة، واتعلمنا منها أهمية القيام والصبر والتقوى، وازاي ربنا بيهيئنا لحمل رسالة عظيمة 💫

✨ بعد كده سافرنا مع قصة سيدنا موسى عليه السلام، وشوفنا شجاعته وإزاي واجه فرعون بكلمة الحق، واتكلمنا عن الثقة في الله والاعتماد عليه حتى في أصعب اللحظات.

🎨 ومن جمال الورشة كمان… عملنا نشاط اسمه "تيجان النِعم" 👑
كل طفل كتب نِعَم ربنا عليه في تاجرته، ولبسها تذكرة إنه يكون دايمًا شاكر، شايف النعمة، وحاسس بيها.

🎯 بنحب نعلّم الأطفال إزاي يربطوا بين اللي بيقرؤوه وبين حياتهم اليومية، إزاي يطبقوا، ويعيشوا بالقرآن مش بس يحفظوه 💙

السلام عليكم ورحمة الله وبركاته،انطلقنا مع الأطفال في رحلة مع سورة العاديات!شرحنا معاني الكلمات، وتعرفنا على العاديات: ا...
24/06/2025

السلام عليكم ورحمة الله وبركاته،

انطلقنا مع الأطفال في رحلة مع سورة العاديات!
شرحنا معاني الكلمات، وتعرفنا على العاديات: الخيل التي تعدو في سبيل الله، وازاي ربنا أقسم بيها لعِظَم ما فيها من قوة وإخلاص وجهد 💥

تأملنا سويًا في معنى الجحود اللي في قلب الإنسان، لما ينسى نعم ربنا، واتكلمنا عن خطورة حب المال لو سيطر على القلب، وإن الإنسان لازم يفتكر دايمًا يوم القيامة، يوم تُبعثر القبور وتنكشف الأسرار.

اتعلمنا من الورشة:

إن القوة الحقيقية مش بس في العَدْو، لكن في الإخلاص لله.
وإن لازم دايمًا نفتكر إن في حساب، وإن كل سر هيظهر.
وإننا نحمد ربنا دايمًا بدل ما ننسى فضله.
الأطفال شاركوا بأفكارهم وأسئلتهم، ورسمنا معًا لوحات تعبّر عن السورة وركّزنا على مشاعر الشكر، والإحساس برقابة ربنا لنا دومًا 🖼️✨

كل الشكر لصغارنا الأعزاء،
فريق "قرآني" في انتظاركم في الورشة الجاية! 🌸

السلام عليكم جميعًا،في ورشة "قرآني" الأخيرة، بدأنا رحلتنا مع الأطفال بموضوع عظيم: النية!اتكلمنا عن معناها الحقيقي، وقد إ...
24/06/2025

السلام عليكم جميعًا،

في ورشة "قرآني" الأخيرة، بدأنا رحلتنا مع الأطفال بموضوع عظيم: النية!
اتكلمنا عن معناها الحقيقي، وقد إيه النية بتأثر على كل أعمالنا، وإن حتى الحاجات الصغيرة ممكن تتحوّل لعبادة بنية صادقة 💫

بعدها دخلنا سويًا في جمال سورة المزمل، وشرحنا أول ١٠ آيات منها، ووقفنا مع معاني زي: التزكي بالنهوض لقيام الليل، والسكينة في ذكر الله، وإن التدرّج في التكاليف رحمة من ربنا.

وحكينا للأطفال قصة سيدنا آدم عليه السلام، بداية الخلق، وسجود الملائكة، وامتحان إبليس، عشان يفهموا كيف بدأت البشرية، وإزاي الإنسان ربنا كرّمه بالعقل والتوبة.

الأطفال شاركوا بتأملات جميلة، ورسموا مشاعرهم وأفكارهم عن القصة والآيات 💭🖍️
شكرًا لأطفالنا الرائعين على قلوبهم النقية.❤️

نشوفكم قريبًا في ورشة جديدة من "قرآني" 🌷

إحنا في "قرآني" بندوّر على بنات شغوفات، يشاركوا معانا في صناعة تجربة مختلفة ومُلهمة للأطفال 💫محتاجين:🎨 فنانات مبدعات📸 مص...
19/06/2025

إحنا في "قرآني" بندوّر على بنات شغوفات، يشاركوا معانا في صناعة تجربة مختلفة ومُلهمة للأطفال 💫

محتاجين:
🎨 فنانات مبدعات
📸 مصوّرات توثّق اللحظات
🧠 منسقات شاطرات
📖 ومعلمات قرآن

لو بتحبي تشتغلي مع الأطفال، أو حاسّة إن عندك موهبة حابة توظفيها في مشروع هادف، ابعتيلنا وخلّينا نبدأ سوا 🤝

🌿 قرآني – الموسم الرابع | "سنحييا كِرامًا"في عمرٍ تتفتح فيه الأسئلة، وتتشكل فيه الملامح الأولى للذات…يحتاج الطفل إلى بيئ...
11/06/2025

🌿 قرآني – الموسم الرابع | "سنحييا كِرامًا"
في عمرٍ تتفتح فيه الأسئلة، وتتشكل فيه الملامح الأولى للذات…
يحتاج الطفل إلى بيئة تحتويه، تعلّمه بلطف، وتربّيه على المعنى.
بيئة ينمو فيها بإيمانه، ويكتشف فيها نفسه.
في موسمنا الجديد، نعيد وصل الطفل بالقرآن،
لا حفظًا فقط… بل فهمًا، محبةً، وتطبيقًا.
نفتح له بابًا ليعيش القيم، لا ليحفظها فقط.
ولكي يكون للقرآن أثرٌ في حياته…

🔹 ما نركّز عليه هذا الموسم:
✨ بناء متوازن للجوانب النفسية والاجتماعية والجسدية
✨ تعليم القرآن وزراعة معانيه في القلب
✨ خلق جوّ اجتماعي إيجابي دافئ بين الأطفال
✨ تنمية مهارات القيادة والمسؤولية بروح مرِنة
✨ استخدام وسائل متنوعة: عقلية وعاطفية، فردية وجماعية، نظرية وعملية

🎯 رؤيتنا:
طفل يُحب دينه، يُصادق القرآن، ويعيش بقلبٍ حرٍّ كريم،
جيلٌ يُفكّر، ويشعر، ويتحرّك… لأنه يعرف لماذا خُلق، وإلى أين يسير.

اليوم كان مميزًا في قرآني.. غُصنا معًا في أعماق القيم الإيمانية وتعرّفنا على فضل الأشهر الحُرم، كيف عظّمها الله، ولماذا ...
04/02/2025

اليوم كان مميزًا في قرآني.. غُصنا معًا في أعماق القيم الإيمانية وتعرّفنا على فضل الأشهر الحُرم، كيف عظّمها الله، ولماذا علينا أن نستشعر حرمتها ونعيش معانيها في حياتنا!

لم يكن يومنا مجرد معلومات تُحفظ، بل تجربة تُعاش! أنشطة تفاعلية جعلتنا نلمس قيمة هذه الأشهر بقلوبنا قبل عقولنا.

ثم انتقلنا إلى نورٍ آخر.. سورة الضحى ✨ قرأنا، تأملنا، فسرنا.. كيف طمأن الله نبيه، وكيف يمتد هذا الأمان ليشملنا جميعًا؟! "ولسوف يُعطيك ربُّك فترضى".. آية أخذتنا إلى مساحات من الرجاء واليقين بأن القادم أجمل بإذن الله.

حماس، شغف، حب للقرآن.. هذه ليست مجرد ورشة، بل رحلة نحو فهم أعمق وحياة تمتلئ بنور الوحي! 💡📖💛

🌙 لأننا دائماً نستعد للأوقات المهمة في حياتنا، والأشهر الحُرم هي من أعظم الأوقات في السنة، فلازم نعرف فضلها ونعيش معاني...
17/01/2025

🌙 لأننا دائماً نستعد للأوقات المهمة في حياتنا،
والأشهر الحُرم هي من أعظم الأوقات في السنة، فلازم نعرف فضلها ونعيش معانيها

✨ مشروع قرآني يقدم لكم دورة "الأشهر الحُرم" ✨

📌 هدف الدورة:
- تعريف الأطفال بفضل الأشهر الحُرم ومكانتها في الإسلام.
- تعلم دروس في التزكية والفقه المرتبطة بهذه الأشهر المباركة.
- غرس القيم القرآنية والأخلاق الإسلامية في نفوس الأطفال.

📌 تفاصيل الدورة:
- الفئة العمرية: الأطفال من سن 6 إلى 13 سنة.
- ميعاد الدورة: الخميس 23 يناير .
- رسوم الدورة: مجانية، ولكن الالتزام بالحضور شرط أساسي.

📍مكان الدورة:
مكتبة مصر العامة في مطروح.

💡 معاً نغرس القيم ونعيش معاني القرآن.

في ورشة قرآني، ابتدينا بحكاية جميلة عن سيدنا لقمان. عرفنا إنه كان رجل صالح جدًا، لكن مش نبي ولا رسول، ودي كانت بداية ممي...
09/09/2024

في ورشة قرآني، ابتدينا بحكاية جميلة عن سيدنا لقمان. عرفنا إنه كان رجل صالح جدًا، لكن مش نبي ولا رسول، ودي كانت بداية مميزة لشرح الآيتين 12 و13 من سورة لقمان. اتكلمنا مع بعض عن النعم الكثيرة اللي ربنا أنعم علينا بيها، واتفقنا إن الشكر عليها هو مفتاح زيادتها.

بعد كده دخلنا في معنى الحكمة، وتعرفنا إزاي الإنسان ممكن يكون حكيم، وأيه هي صفات الشخص اللي بيتسم بالحكمة. وكمان حكينا قصة الصحابي الجليل عبد الله بن مسعود، اللي كان من أعلم الصحابة بالقرآن، والنبي دعا له إنه يؤتيه الله الكتاب والحكمة، فبقى "حبر الأمة".

الختام كان مع نشاط تفاعلي رائع، كل واحد فينا جاب النعم اللي عنده وعملناها على شكل شجرة. الشجرة دي أساسها كان الإسلام والتوحيد، لأن دي أعظم وأجمل نعمة ربنا أكرمنا بيها. الورشة كلها كانت في إطار مليان حب وتفاعل بيننا، حسينا فيه بجمال النعم اللي حوالينا، وبقيمة الشكر لله.

في ورشتنا القرآنية اليوم، بدأنا يومنا بأجمل ما يطمئن القلب ويحصن المسلم، وهي الأذكار. بعد ذلك، حكينا قصة التابعي الجليل ...
26/08/2024

في ورشتنا القرآنية اليوم، بدأنا يومنا بأجمل ما يطمئن القلب ويحصن المسلم، وهي الأذكار. بعد ذلك، حكينا قصة التابعي الجليل أويس القرني، الذي يعتبر رمزًا رائعًا في بر الوالدين. أويس كان مشتاقًا للقاء النبي صلى الله عليه وسلم، لكنه آثر البقاء مع والدته لرعايتها والاعتناء بها، فأثنى عليه النبي صلى الله عليه وسلم وقال: "إن خير التابعين رجل يقال له أويس القرني له والدة هو بها بار..."، فكانت قصته درسًا في التضحية والحب الحقيقي.

هذه القصة كانت تمهيدًا لشرح آيتين من سورة لقمان (14 و15) التي تذكرنا ببر الوالدين وأهمية احترامهم وحبهم.

وفي ختام ورشتنا، قمنا بنشاط عملي مميز؛ حيث كتب كل طالب شيئًا يشعر بالامتنان تجاه أهله عليه، أو رسالة حب يعبر فيها عن مشاعره تجاههم. كان هذا النشاط وسيلة بسيطة وفعالة لتعزيز معنى البر في قلوبهم.

النهارده في ورشتنا، عشنا معاني رائعة من آيات سورة لقمان (16 و17)، واتعلمنا إن ربنا شايفنا في كل لحظة وبيسمعنا حتى في أصغ...
20/08/2024

النهارده في ورشتنا، عشنا معاني رائعة من آيات سورة لقمان (16 و17)، واتعلمنا إن ربنا شايفنا في كل لحظة وبيسمعنا حتى في أصغر التفاصيل.✨

بدأنا بالأذكار علشان نملأ قلوبنا بالسكينة والطمأنينة، وبعدها دخلنا في وصايا لقمان الحكيم لابنه، اللي كلها حب وخير. لقمان مش بس نصح ابنه بالصلاة، لكنه كمان شجعه إنه يكون قوي في الحق، يأمر بالمعروف وينهى عن المنكر، ويصبر على المصائب.💗

وكمان حكاينا قصة الصحابي الجليل سعيد بن جبير، اللي كان مثال في الصبر والثبات في وجه الظلم، وازاي تمسك بدينه بكل قوة وإيمان.

الوصايا دي، ومعاها قصة سعيد بن جبير، بتعلمنا إزاي نكون أقوى في إيماننا، وإزاي نتحلى بالإرادة والعزيمة في كل حاجة بنواجهها في حياتنا. هي دعوة للحب، حب الخير، وحب القرب من ربنا، وحب إننا نسعى دايمًا للأفضل.

خلينا نخلي كل يوم فرصة إننا نكون أفضل، ونقرب من ربنا أكتر، ونحب بعضنا بحب الله.💙💙

Address

Mersa Matrouh

Telephone

+201551571697

Website

Alerts

Be the first to know and let us send you an email when Qu'rani-قرآني posts news and promotions. Your email address will not be used for any other purpose, and you can unsubscribe at any time.

Shortcuts

Share

Category