22/08/2016
Egypt Vs Serbia :D ;)
البوست دا على لسان البنت اللى فى الصورة دى .. بنت صربية نزلت مصر زيارة ;)
و زى اى حد غريب اول حاجة عينك بتلقطها هى الاختلافات و المتشابهات مع بلدك ;)
1- الأكل :D
الصربيين شعب اكيل زيينا ..... اول حاجة لاحظت انها مش موجودة فى بلدها الحمام المحشى :D و الفول بأنواعه و احنا "كمصريين" منقدرش نعيش بدون الاتنين دول :D
و زى ما لاحظت كدا لاحظت ان المطبخ المصرى خالى من ال "porkو ال bacon"
2- المشروب الشعبى :D
كمصريين و تأثرا بالانجليز و دا اثر من اثار الاحتلال بالمناسبة :D اننا بنشرب شاى كتير و دا اقرب مشروب ترحيبي بنقدمه للضيوف ... فى حين ان صربيا المشروب القومى فيها هو ال rakija و اللى بيتنطق "راكيا" و دا مشروب كحولى تركيزه 40% .. كرما اوى الصربيين :D
و كان عندها ملحوظة ان القهوة شعبيتها واحدة تقريبا فى البلدين ;)
3- المرور
جينا بقى للكلام اللى بيزعل الناس من بعضها :D
صربيا دولة صغيرة تعداد سكانها حوالى 8 مليون نسمة ... نقدر نقول تعداد شبرا السكانى :D
و علشان كدا فالمرور فى القاهرة الساعة 3 الفجر يظل ازحم من المرور فى صربيا فى اعتى ساعات الذروة :D
يعنى ممكن تلف بلجراد "عاصمة صربيا" فى نص ساعة فى الظهر ... فى حين انك ممكن ممكن تفضل واقف على المحور ساعتين :D
4- الاجازات
الاجازات فى اوروبا يومين السبت و الاحد .. و لكن عندنا فى مصر بتبقى جمعة و سبت :D
5- المدينة التى لا تنام
اى اجنبى فى القاهرة بغض النظر عن تعب و ارهاق السفر ... اول ما بيوصل بينبهر و ينجهش ان البلد دى مبتنامش ... و دا اللى هى لاحظته ... انها تقدر تخرج و تاكل و تشرب و تتفسح فى النيل كمان الساعة 3 الفجر فى حين ان الساعة لما بتيجى 12 فى صربيا الناس بتبقى مروحة من خروجاتها و سهراتها :D
6- الديانة
الاغلبية الدينية فى صربيا للمسحيين الشرقيين و اللى بتمثل 85% من السكان و لكن فى مصر الاغلبية الدينية للمسلمين و بتمثل تقريبا نفس النسبة من 85-90% من تعداد السكان :D
7- االتحية :D
فى صربيا و بحكم انها بلد اوروبى فالتحية بتكون فيها بالقبلات على الخدين و الاحضان .. لغاية هنا و كويس ... و لكن كمان حتى بين الجنسين :D و دا مش كويس لاى حد اجنبى هيجى مصر :D و خصوصا لما يبقى حد بتتعرف عليه لاول مرة :D و هى اكتشفت حل للمشكلة دى .. اعمل زى ما صاحبك المصرى بيعمل بالظبط :D
8- المناخ
حار جاف صيفا .. دافئ ممطر شتاء :D هى اللى بتقول :D و بتقول كمان ان صربيا حر فى الصيف ... بس مش حر اوى زى مصر ... كمان برد فى صربيا درجات الحرارة بتوصل 15 تحت الصفر و علشان كدا بيخرجو يتزلجو على الجليد و اهى رياضة و نشاط ... بس فى مصر الدنيا مختلفة لان مفيش جليد .. فنروح الاقصر و اسوان بقى :D
9- الرياضة
و لاننا مصريين فاول و اهم رياضة عندنا هى كرة القدم ... فى حين انها فى صربييا مش قد كدا .. كرة السلة منتشرة عنها :D
10- السواقة
فى مصر السواقين تفوقو على انفسهم فى السرعة .. فى اللياقة ... و فى لم الاجرة و الاغانى الشعبى ... فى حين ان فى صربيا عندهم اشارات مرور و احزمة امان و حد اقصى للسرعة ... و يا عينى معندهمش احمد شيبة :D
11- اللغة
اللغة الرسمية فى صربيا هى الصربى :D و فى مصر العربى ... بس مصر بتميزها حاجة هى و كل شعوب البحر الابيض المتوسط ... اننا بنتكلم بايدينا .. و اوقات تعبيرات وشنا بتتكم عننا من غير حاجة :D
مين راح صربيا و شاف اختلافات عننا احنا متكلمناش عنها :D
� #�The_OTHERside_Land�
19/08/2016